EZEKEL 13:6 - Sumi Naga CL (Re-edited) Bible (BSI)

⁶ Panongu no kichile kungunhetsü eno pishikiqhi chineye ithulu. Ampeu no panoqo puwumo keghi panongu no, ‘Ampeu no asheshuvae,’ ipi cheni, eno Pa pelo pano tsa shikupu tsü peniye laju cheni.

BAIBEL (BSI)

⁶ Panongu kungunhetsu ye kichileuke eno panonguno ashe azu shi pikeu tsaye akimkike. Panonguye itsa kepi picheni ikemu niye panongu puwumoke, ikeghi panonguye panoqo tsa kuchou shiaghi penishi acheni!

EZEKEL 13:6 Iomraidhean Croise

KUKAMI ATUGHIU 22:12

Tungkupmi kümtsü no athoshi pi, “Ramoth-gilead lewu no tokulu shilo; Ampeu no tipau pesü akükau u lo süvetsü nani.”

KUKAMI ATUGHIU 22:15

Kughou pa no akükau Ahab zülo ighi keno akükau no pa vilo pi, “Micaiah, ningu ye Ramoth-gilead lewu kepu kema?” Pa no khochile, “Iqho lo, eno tokulu shilo; Ampeu no tipau pesü akükau u lo süvetsü nani.”

KUKAMI ATUGHIU 22:27

ishi pilo, ‘Akükau no ishi piani, “Timi hipau akughuki lo khatha püaghi lo eno I no akivishi ideighi moke kutolo asho ngo azü likhi pesü tsülo.”’”

KUKAMI ATUGHIU 22:37

Hitoi akükau ye thive, eno Samaria lo shiqhove.

KUKAMI ATUGHIU 22:6

Israel kükau no tungkupmi 400 qhalo kukütsü no pi, “Ni ye Ramoth-gilead lewu kepu kema?” Panongu no pi, “Lewulo, kughengu Ampeu no tokulu akükau tsü nani.”

AHOLE 14:15

Itikütüpa kemi ye chikulu kümtsü pülü cheni ikemu kümsükulumi ye pa pukhune kümtsü chheju cheni.

JEREMIYA 14:14

Ampeu no I vilo pi: “Tungkupmi no I je lono akimki tungkuptsa pi ani. Ni ye panongu puwu püamoe, azah mu tsü püamo, eno panongu mu pütsa püamoe. Panongu no akimki kungunhetsü pesü nongu lau tungkuptsa piani, ameküküha tumu eno pano kükümsü lo akeu pesü pishiqhi ani.

JEREMIYA 23:16

Aqokitikhi MPEU no ishi piani: “Tungkupmi no adou lajupu tungkuptsa pesü nongu shepichhi keu ini kevilo. Panongu ye Ampeu launo kumono pano kükümsü lono ipeghi keu kungunhetsü tsa piani.

JEREMIYA 28:1

Judah kükau Zedekiah yepe mpe abidiu aqhi apunguu lo Azzur nu Hananiah, Gibeon ghami no Ampeu ki lono achinemi eno timi kutomo nhethe lono I vilo pi,

JEREMIYA 28:15

Tungkupu Jeremiah no Hananiah vilo pi, “Inilo Hananiah, Ampeu ye o puwu püamoe, ikemu nono timi hipaqo pelo akimki tsa shou pükhübe peke.

JEREMIYA 28:2

“Israel Lhou, aqokitikhi MPEU no ishi piani: I no Babylon kükau kuokhasü hephove tsüae.

JEREMIYA 29:31

“Akughu lo akemi kümtsü lau pi puwu lo, ‘Nehelammi Shemaiah ghenguno Ampeu no ishi piani: I no puwumo mu Shemaiah no nongu lau tungkuptsa pi eno nongu pelo akimki tsa pülü ani peke ghenguno,

JEREMIYA 29:8

Aqokitikhi MPEU, Israel Lhou no ishi piani: Nongu gholo tungkupmi ngo atumumi pelo nongu pishiqhive pekevilo, eno panongu no pumo keu samo ini kevilo,

JEREMIYA 37:19

Ow tungkupmi khunoqo no o vilo, ‘Babylon kükau ye no eno ayeghi hipau leighi monani’ ipi tungkuptsa piche keno, tipaqo ye khilave akea?

JEREMIYA 5:31

tungkupmi no akimki tungkuptsa pi, achinemi no pano gholau no ayepe; Iw timiqo no hipau ghola kimiye, ikemu ashekha tsala ighi kelo no ye kiu shinia?

AKUMLO 2:14

Ow tungkupmi no o ghenguno kichile eno pishikiqhi kungunhetsü ithulu; panongu ye o ngukümgha tsüchile peniye o xine pephe tsümoe, ikemu o ghenguno kichile eno sakibide tungkuptsa pitsüe.

EZEKEL 13:7

I no pimo keghi nongu no, ‘Ampeu no asheshuvae,’ pikeu ye nongu ye kichile kungunhetsü ithulu eno pishikiqhi chine pi anike kumo keshea?”

EZEKEL 21:23

Ikemu panoqo ghenguno ti ye kichile sakiqhi toi ithulu nani. Panongu ye mtütüi no ashoqhi shivae, ikemu pa no panoqo kipimi kümsüchile lupe nani, tishikeu vecheo panongu ye leluve nani.

EZEKEL 21:29

panongu no nongu ghenguno kichile kungunhetsü ithulu eno nongu ghenguno akimki saqhi akelo azütakikihi ye shikitiqe kemi kixikilami kuo lo ikughi nani, panoqo ghime ashekhau do, pano tsala ye ighivae.

EZEKEL 22:28

Liw tungkupmi no panoqo ghenguno metsüghoi keu no nuda ketoi nudave tsüno kichile kungunhetsü ithulu eno akimki saqhi tsüno Ampeu no piqhimo keghi, ‘Ampeu Alhou no ishi piani,’ ipike.

ZEKHARIA 10:2

Kughengu akibo lo ajulhoqo no akiqi kühakeu tsa picheni, eno asakiqhimi no akimki ithulu cheni; panongu no kichile samo pi eno abokümsa alopiqitsü keu tsa picheni. Tighenguno timiqo ye ambe toi itsü wuve no akheu küküha ghenguno ghime anie.

Mark 13:6

Kutomo no I je lono pisü ighi nani, ‘Ni ye Pa ke!’ eno kutomo saküghüzüve nani.

2 Thes. 2:11

Tighenguno Alhou no kübangü keu panongu lau puwu nani, eno panongu no kichileu pülü nani,

2 Peter 2:18

Kughengu mbomzüshi ighale atsa pikeu lono panongu no ashi lo ngosükümla xine pesü alhoksami launo pokaluni ke akushukulu ipeche keqo müsü sailove cheni.