EZEKEL 13:14 - Sumi Naga CL (Re-edited) Bible (BSI)

¹⁴ Nongu no metsüghoi nuda püakeu tupikiye I no hephove nani, eno ayeghi lo tipau tulaqhive nani, tishikeu lono tipau boqha ghopuku püakeu ye thoqhaleive nani. Kughou tipau ikiqiveni keno, nongu ye tipau lono pühave nani, eno Ni ye Ampeu kepi nongu no ithi nani.

BAIBEL (BSI)

¹⁴ Panonguno akuptulo metsughoi nuda keu hephopinyive tsunike niye kumsupuvae, aboqha tuquqo thoqhalei qhinikeu shiani. Tipau ilaiqive nani eno nongu kumtsu pithive nani. Tithiuno niye AMPEU kepi kumtsuno ithi nani.

EZEKEL 13:14 Iomraidhean Croise

LESHELE 11:3

tsala aboqhaqo kütsave aye, amikuchomi ye kiu shiluni kea?”

YETSAPIU 3:3

pithi kepu do, eno shipivi kepu do; hephove kepu do, eno shiqhe kepu do;

ISAIAH 28:17

I no kuchou xakütha pesü akimghipu kighi shi nani, achipiu mikucho pesü akimghipu tu shi nani; akimki sükusho-a ye mürasü no jole sawuve no atshünazü no akicheqho-a yimive nani.”

ISAIAH 30:13

qhemghai keu tupi ipo ipeghi no züleno ilaqighive keshi nongu lau hipau xine no titoi ighi nani;

JEREMIYA 14:15

Tighenguno khunono I no puwu moamu I je lono tungkuptsa pi eno, ‘Azütakikihi ngo püqümiye ye hipa yeghi lo ighimo nani’ ipi cheni keno, panongu ghenguno Ampeu no ishi piani: Azütakikihi eno püqümiye no tungkupu tipaqo pühave nani.

JEREMIYA 23:15

Ikehu aqokitikhi MPEU no tungkupmi vilo ishi piani: “I no khumtsai keu chuqupu pesü panongu lojini eno tüghü zü pesü ye penike panongu piyeni, kughengu Jerusalem tungkupmi launo Alhou kümtha khuaye ayeghi kümtsü lo wuvae.”

JEREMIYA 6:15

Kuchhube kümla shive kelo panongu ye kujo keshea? Moe, panongu ye khilemu kujomoe; panongu ye kujoke ye mthae. Ikehu I no pano ghimeke tsala lo, panongu ye ikiqive kemi gholono ikiqive nani,” ipi Ampeu no pi.

JEREMIYA 8:12

Kuchhube kümla shive kelo panongu ye kujo keshea? Moe, panongu ye khilemu kujomoe; panongu ye kujoke ye mthae. Ikehu I no pano ghimeke tsala lo, panongu ye ikiqive kemi gholono ikiqive nani, ipi Ampeu no pi.

EZEKEL 13:15

Ikehu I no atupikiye eno khunono tipau lo metsüghoi nuda keno panoqo shou I loghu puwu nani, eno I no nongu vilo pi nani, atupikiye eno tipau shou nudapuku keqo ye kühavae,

EZEKEL 13:21

Nongu gi künhaphi ghi I no süxüve tsü nani eno nongu u lono Iw timiqo xaphe luve nani, panongu ye nongu u lo kitimepe ngo move nani, eno Ni ye Ampeu kepi nongu no ithi nani.

EZEKEL 13:23

nongu ye kichile kungunhetsü momu saqhisali shimo nani. I no nongu u lono Iw timi xaluve nani. Eno Ni ye Ampeu kepi nongu no ithi nani.”

EZEKEL 13:9

Tungkupmi khunoqo no kichile kungunhetsü ithulu eno pishikiqhi chine picheni keno panoqo shou I u pesü lachile nani. Panongu ye Iw timi hoho lo ngolumo nani momu Israel laghamiw ajeyeküsü kaku lo yesü mla nani, momu Israel yeghi lo iloghi lumo nani. Ni ye Ampeu Alhou kepi nongu no ithi nani.

EZEKEL 14:8

I no pa launo I gi kughove nani; pa pesü amchipu eno küghakichepu shitsü nani, eno Iw timi gholono ikhive nani, eno Ni ye Ampeu kepi nongu no ithi nani.

MICAH 1:6

Ikehu I no Samaria pesü xine-xigha pekilepu-a shive tsüni, atsaibo shokepu-a shive tsüni, eno li tuquqo pesü akhila lo kulu piqive tsüno li boqhaqo xaleve tsü nani.

HABAKUK 3:13

Nono Ow timi, nukishe luve keqo xaluni ke ghenguno wuke. Nono kixikila kibo lo atou chunuqhi, eno pa kütsü lono apukhu kutolo aphikümsa shivetsü.

Luke 6:49

Ikemu khuu no I tsa chilu no tipaqo pape moni keno, pa ye milakhi no aboqha kühano aki shi keshie. Kughou züqozü ghoki no tipau lo chhepuku keno, ti ye paikhavi no ikiqive, eno kulupu kumoshi kütsaleve.”