EZEKEL 12:25 - Sumi Naga CL (Re-edited) Bible (BSI)

²⁵ Kughengu Ni ye Ampeu ke; I no pinikeu tsa I no pi nani, eno tipau ye shikupu nani. Tipau ye munuve monani, ikemu O hekibide laghami, nongu ghuloki lono I no atsa pi nani eno tipau shikupu nani, Ampeu Alhou no asheshuvae.”

BAIBEL (BSI)

²⁵ Ni, Akughushu MPEU no panoqo putsa nani eno ino kiu pikeno tiye shikupuve nani. Hinguno hilauye munuauve keu shimo nani. Nongu hekibidemi kuxu xuaphi lono ino kiu shini cheni kepi nongu kutughuve akeno ino tipau shi nani. Ino piveake,” ipi Akughushu MPEU no pike.

EZEKEL 12:25 Iomraidhean Croise

ISAIAH 14:24

Aqokitikhi MPEU no ashoqhi shivae: “I no kughu püake toi eno I no miji püake toi tishi nani,

ISAIAH 55:11

Tihutoi I launo ipekeu atsa ye tishi nani; ti ye I lau kümsa ideighimo nani, ikemu I no kiu shinike kughu püani keno, tipau lo tokulu shi nani.

JEREMIYA 1:11

Ampeu tsa I lau ighi eno pi, “Jeremiah, no ye kiu ithulu ani kea?” I no pi, “Ni ye almond loka ithulu ani.”

JEREMIYA 16:9

Kughengu aqokitikhi MPEU, Israel Lhou no ishi piani: Julo, o nhethe lono eno o ghuloki lono kunu vüqai eno alokivi sütsa, külapuu eno külaliu lokivi sütsa kishekhave tsü nani.

AKUMLO 2:17

Ampeu no kiu miji akeno; Pa no püzüu no azah tsükeu, Pa tsa pape ghi amloighi qhiyi keu kühano shikupuvae; Pa no aghümi pelo o shou alovipe eno o ghümi kumto süqhetsüe.

EZEKEL 12:26

Ampeu tsa I lau ighi:

EZEKEL 12:28

Tighenguno panoqo vilo pilo, Ampeu Alhou no ishi piani: I tsa kiumu munu kitheve moae, ikemu I no atsa pikeu ye shikupu nani, Ampeu Alhou no asheshuvae.”

EZEKEL 6:10

Panongu no Ni ye Ampeu kepi ithi nani. Ni ye panoqo lau kixikila hipau shinie pi akiqi kühano pi püamoe.”

EZEKEL 7:13

Kughengu panongu no xüake lo akijemi ye pa no kiu jeve akeno tipau lo idechile ighilu moae. Kughengu kungunhetsü ye aqokitikhi kümtsü ghenguno ke; eno tipau ye idechile ighimo nani; pa kipimi ghenguno timi khumu pa küxü jukuto lumo nani.

DANIEL 9:12

Pa no amhekiqi kije ningu shou süghi keu vecheo Pa tsa khikhi ningu eno niw yepemi shou pipuku keno ti shikupuvae.

HABAKUK 1:5

“Shiyeqo gholo juno ithulu lo; akichiqhi eno akümzaqhiyi lo. Kughengu nongu vilo pi namu pülü moni keu kümla lakhi I no nongu ghuloki lo shinani.

HABAKUK 2:3

Kughengu ti ye kimshilu kepu do khe ani; ti kishekhani keu ye pai ighive nani, ti ye mikimo nani. Tsala tino asheshive namu khelo; ti ye süpushuve mono mtsüqheino ighi nani.

ZEKHARIA 1:6

Ikemu I tsa eno I yezah khikhi I no I qemi tungkupmi azah tsü keno tipaqo no nongu puasüqo züthave ke kumo? Tileno panongu no xaide no pi, ‘Aqokitikhi Mpeu no ni laghi eno ni kümlaqo ghenguno ningu lau kiu shiniye akeno Pa kimji kiqi lono shivae.’”

AKIKIHI 11:23

Ampeu no khochile, “Ampeu u ye ikholove akeshea? I tsa ye o ghenguno kuchou shinani kemo keno nono ithi nani.”

MATTHEW 24:35

Atsütsü ngo ayeghi ye hauve nani, ikemu I tsa ye khilemu hauvemo nani.

Luke 21:13

Tino nongu ghenguno thopi shini keu dokivi shi nani.

Luke 21:33

Atsütsü eno ayeghi ye hauve nani, ikemu I tsa ye hauvemo nani.