EZEKEL 12:2 - Sumi Naga CL (Re-edited) Bible (BSI)

² “Timi nu, no ye hekibide kibo lo xüanie. Panongu ye anhethi animu ithulu chemo, akini xapu animu chilu chemoe, kughengu panongu ye hekibide kibolomi ke.

BAIBEL (BSI)

² “Thinikuau timio, noye hekibidemi gholo xuache nike. Panonguye anhethi puani ikemu kiumu ithulu chemoe; panonguye akini puani ikemu kiumu chilu chemoe, kughengu panonguye hebideche kemiqoke.

EZEKEL 12:2 Iomraidhean Croise

KUKAMI AKINIU 17:14

Ikemu panongu no ini tsümo eno pano puasüqo no Ampeu pano Lhou pülübemo ketoi, panongu no kuthovi ke.

KUKAMI AKINIU 17:15

Panongu no Pa khuayeqo eno puloshoqhi khikhi pano puasüqo sasü shi keno, ti thaighae. Panongu no kichile julhoqo pape eno sükümxa lo Ampeu no shiye khunoqo toi shi kevilo pi azah tsü keno, tipaqo pape ke.

LESHELE 78:40

Panongu ye yenguyike-a lo ghuthu khije Pa hebide eno asayeli lo Pa mlo ghujuve tsü kela!

ISAIAH 1:23

Now sakiphemi ye hekibidemi eno küpkami gholo kichemie. Kümtsü no külügho kimiye eno müamzü tughotili phu acheni. Panongu ye mighimi lau kuchou xakütha tsüchemo, eno chimemi ghenguno puthugho tsüchemoe.

ISAIAH 30:1

Ampeu no pivae, “I kukughu lumono kughu chekemi eno axine küpha ghi I Ghungu no pulomo keu visho shi, kuthovi chekemi hasapue;

ISAIAH 30:9

Kughengu panongu ye Ampeu kükütsütsa ininishi chemo kemi, hekibidemi eno kimkimi;

ISAIAH 43:8

Khunono anhethi ani kemu ithulu chemo, akini ani kemu chilu chemo keno, panongu saipeghilo!

ISAIAH 44:18

Timi tipaqo ye panongu no kiu shi ani keno mthae eno vethalu chemoe; kughengu panongu nhethi nhavetsü kehu ithumla eno panongu kükümsü nhavetsü kehu vethamla ke.

ISAIAH 6:5

Tileno I no pi, “I hasapuae! Ni ye pühavae; kughengu ni ye akichi mithemo kemi, eno mithekumomi gholo xüacheni; ikeghi I nhethi no aqokitikhi MPEU, Akükau ithuluvae!”

ISAIAH 65:2

Hekibidemi salu nike atsala kupuju I u sükhope kheke, panoqo ye alaghi lhoksa lo cheni, eno pano mqü lhoksa papeke;

JEREMIYA 4:17

Li no I mjochile kehu panongu alu khemi toi li botha luvae, Ampeu no asheshu.

JEREMIYA 5:21

“Hi inilo, O mbomzü eno akükümsü küha kemi, anhethi animu ithumla kemi, akini animu chimla kemi.

JEREMIYA 5:23

Ikemu timi hipaqo ye aghükha eno hekibide mlo ani; panongu ye ighosü itsü wuvae.

JEREMIYA 7:26

Ikemu I tsa chiluke kumono panongu kinimu kughopuwo moe, panongu kuo mkamghai kitheve. Panongu ye pano puasüqo nguno alhoksau shive.

EZEKEL 12:1

Ampeu tsa I lau ighi:

EZEKEL 12:25

Kughengu Ni ye Ampeu ke; I no pinikeu tsa I no pi nani, eno tipau ye shikupu nani. Tipau ye munuve monani, ikemu O hekibide laghami, nongu ghuloki lono I no atsa pi nani eno tipau shikupu nani, Ampeu Alhou no asheshuvae.”

EZEKEL 17:12

“Itehi hekibidemi kibolomi vilo pilo, Thime hipaqo ye kiu keno nongu ye ithi anima? Panoqo vilo pilo, julo, Babylon kükau no Jerusalem lo ighi, eno li kükau ngo liw sakiphemi küghaluve no panoqo sasü pa lau Babylon lo ighivae.

EZEKEL 2:3

Pa no I vilo pi, “Timi nu, I no Israelmi, hekibide shiye, khunoqo I ghobide ani keno tipaqo lau o puwu ani. Ishi tsala kutolo panongu eno pano puasüqo ye I hebide ghi axine shivae.

EZEKEL 24:3

Hekibidemi kibo vilo aholetsa lakhi sheshu lo, eno panoqo vilo pilo, Ampeu Alhou no ishi piani: “Ali lakhi ghope ami lo pukulo; azü ghi tile lesülo;

EZEKEL 3:9

Atuyitu nguno akümkau shi I no o gi shishoive tsüae. Panoqo msa kevilo momu panoqo ju ithulu pesü aghüthisüve kevilo, kughengu panongu ye hekibide laghami ke.”

EZEKEL 44:6

Eno hekibide kibolomi, Israel laghami vilo pilo, Ampeu Alhou no ishi piani: O Israel laghami, nonguw aphikümqhüpu kümla kümtsü kughomae,

Mark 4:12

tishianguno “‘panongu no ithulu animu ithikuthulu pemo, eno chilu animu vethalu pemo niye ke, tikumo aye pano no tsüghü ighi kelo akipimi qhitsülu nosake.’”

Luke 8:10

pa no pi, “Nongu ye Alhou yekipe tuqhou ithi penike tsüvae, ikemu kütami ghengu ye kimghikipiye lono ke, tishianguno ‘panongu no ithulu animu ithikuthu monani, eno chilu animu vethamla nani.’

John 12:40

“Pa no panoqo nhethi kighicheve tsü eno pano mlo shikümkave tsü, tikumo ye pano nhethi no ithulu, pano mlo no vethalu no xaide kelo I no pano shipivilu nosae.”

2 Kor. 3:14

Ikemu panongu kükümsü ye shikümkave, kughengu ishi kutolo kughou panongu no Puloshoqhi Aqau phini keno, agi künhaphi tipau ye lhaphe mphie, kughengu Khristo vecheo likhino aphi hu ikhiluve nani.

Ephesiami 4:18

Pano kükümsü ye aküzü lo ani, eno amlo kümka lono kiumu ithini shimo kehu mbomzü shi Alhou no tsükeu küxü lono kütüta shivae.

ZAKINIU 29:3

Nongu nhethi no pekuju kije, amchipu eno akichiqhipu kümla ithuluvae.

ZAKINIU 29:4

Ikemu ishi kutolo Ampeu no vethalu kepu mlo, anhethi eno akini nongu tsümoe.

ZAKINIU 31:27

Kughengu panongu ye kishi kuthovi eno hekibidemi keno, I no ithi ani. I no xüaphi lo thotsü nongu ye Ampeu hebide chenike I no thive kethiu ye kishita hebide nani kelae!

ZAKINIU 9:24

I no nongu ithi ke tsalani no ishi kutolo nongu ye Ampeu hebide acheni.

ZAKINIU 9:7

Asayeqha lo nongu no kishi Ampeu nongu Lhou loghu xukutho keno kümsülu lo. Egypt qhiveke tsalani no a-a hipau lo ighi moke kutolo, nongu ye Ampeu hebide ighivae.