EZEKEL 11:16 - Sumi Naga CL (Re-edited) Bible (BSI)

¹⁶ Tighenguno pilo, ‘Ampeu no ishi piani: I no putou shiyeqo gholo panongu puwuve na, aghakhuqo lo panoqo kutholeve puwuve namu itaghi aghakhu khilehi panongu no wuve keno tilau ghi Ni ye panoqo lau achineki lakhi shi achenie.’

BAIBEL (BSI)

¹⁶ Ike itehino nokusami halepupove kemiqo vilo ino kiu piani keno pesu pilo. Panoqo pelo ashiayeh putou akemiqo gholo xupenike puwuvekeu hiye inoke, ino aghakhu kutauqolo panoqo kuthole puwuveke. Tishimu, itehi doloye panonguno khuno yeghilo wuvea keno tilau ino panoqo gholo ananike.

EZEKEL 11:16 Iomraidhean Croise

LESHELE 31:20

Timiqo no küsüqe akeu lono Nono panoqo pesü O chishibo qholo küghütshüve, kütsala kighe akeqo kichi launo Nono panoqo pesü Ow sükusho qholo küghütshüe.

LESHELE 44:11

Nono ningu pesü ghiqhive niye akeu ambe toivepe eno shiyeqo gholo kutholeve.

LESHELE 90:1

Ampeu, tiqheli kümtsü lo No ye ni kungo-a ke.

LESHELE 91:1

Khuu no Shishe Akiqheuw sükusho lo acheni keno pa ye Akughushuu kicheqho lo cheche nani.

AHOLE 18:10

Ampeu je ye aqoghe kumto ke, amikuchomi no tipau lo poilo sükusho ithulu cheni.

ISAIAH 4:5

Tishino Ampeu no Zion Naghuto shou eno aqoahomi shou puchou no khüngküsü, puthou no amchhi ngo ami mili phuphushi pipetsü nani; Ampeuw sükusho no tipau juküvü kümtsü khonhape anani.

ISAIAH 8:14

Pa ye akimthe-a, ikemu Israel ngo Judah ghenguno küpxa kepu tu, apukhu küpsüpu tuqu ghike, eno Jerusalem lo küami ghenguno alichhe lakhie.

JEREMIYA 26:11

Tishino achinemi ngo tungkupmi no hiyampemi eno timiqo vilo pi, “Timi hipau ye pithive küzüe, kughengu nongu kini no chiluve ketoi pa no mishighüna hipau shou akumou tungkuptsa pike.”

JEREMIYA 26:7

Jeremiah no Ampeu ki lono pikeu tsa achinemi ngo tungkupmi eno timi kümtsü no chilue.

JEREMIYA 29:11

I no nongu ghenguno kughu akeu I no ithi ani, Ampeu no sheshu, akivipu ghenguno thono alhoksapu kumoe, lajupu eno hithiu kivipu nongu tsüniye ke.

JEREMIYA 29:7

I no nongu akughu lo puwuve keu mishighüna khile nongu no ani keno tipau lo külakishi eno thukuupu phulo, Ampeu lau aphughi züqhushi inikhu lo, kughengu tipau kivipu phu aye nongu kivipu phulu nani.

JEREMIYA 30:11

Kughengu o xalu nike Ni ye o gholo ani, ipi Ampeu no sheshu; I no khuno lau nongu hapuwuve keno shiye tipaqo ye qhoi kishekhave nani, ikemu Ni ye nongu kishekhave tsümo nani. I no achipi lono nongu sakiyi nani, ikemu Ni ye nongu ghime mono puwuve monani.

JEREMIYA 31:10

“Ampeu tsa inilo, O shiyeqo, eno putou azüghimkü lo küami vilo sheshulo; ‘Khuu no Israelmi kuthole keno Pa no xukumqo nani, eno ambekheu no aloji khe aketoi pano khekuto nani’ ipilo.

JEREMIYA 42:11

Nongu no msa akeu Babylon kükau jupe ighü kevilo, Ampeu no sheshu, kughengu I no nongu gholo ani, eno pa u lono nongu xaphe luve nani.

EZEKEL 20:23

Tinguno alau, asayeqha lono panoqo lau I no tushoqhive, I no shiyeqo gholo panoqo kutholeve nani eno aghakhuqo lo panoqo haleve nani,

ACHINE 26:44

Tishimu panongu no aghümi yeghi lo akelo, Ni ye panoqo milivemo eno qhoi kütsave no panongu sasü shikeu Iw puloshoqhi kubove mo nani, kughengu Ni ye Ampeu pano Lhou ke.

ZEKHARIA 2:6

Ithulo! Ithulo! Ahuu yeghi lono povelo, Ampeu no asheshu. Kughengu I no atsütsü lo ako bidi mülhü toi nongu apanagha haleve ke, Ampeu no asheshu.

ZAKINIU 4:27

Ampeu no ashiayeqo gholo nongu kutholeve nani, eno khuno shiye lau nongu hapuwuve akeno tipaqo gholo nongu ye aghuloshi likhive nani.