EZEKEL 11:12 - Sumi Naga CL (Re-edited) Bible (BSI)

¹² eno nongu no Ni ye Ampeu kepi ithi nani. Kughengu nongu ye I kükütsü lo cheche movae momu Iw pimheyeqo gholu movae, ikemu shiye nongu homxape akeqow pimheye kiqi lono mlaitha cheni ke.”

BAIBEL (BSI)

¹² Niye AMPEU kepi nonguno ithi nani, kughengu nonguno acheaxulo ashiayeh akeqo khuayeh pimhe akeulo nonguye iyezah hexave anike eno ino ahza tsukeu papemove anike.”

EZEKEL 11:12 Iomraidhean Croise

KUKAMI ATUGHIU 11:33

kughengu panongu no I pheve no Sidonmi lholiu Ashtoreth, Moab lhou Chemosh, Ammonmi lhou Milcom mllauve, eno David toi mono panongu no I laghi lo chemove, achipiu shimove, eno I yezahqo pemove ke.

KUKAMI AKINIU 16:3

eno Israel kükami laghi pape. Pa no pa nu ghi heqhipe akipti kümllagho shive, ti ye Ampeu no Israelmi zülono hapheve keqo shiaye no aphikümqhüpu khuaye peche keu kiqi lono shike.

KUKAMI AKINIU 18:12

Hi ye Israelmi no Ampeu pano Lhou tsa inimo kehu, eno Paw puloshoqhi hebideve no Ampeu qeu Moses no tsükeu Yezah ghi hebideve kehue. Panongu no ini tsümo eno agholu moe.

KUKAMI AKINIU 21:2

Israelmi zülono Ampeu no shiye hapheve keqo no aphikümqhüpu khuaye pepimhe chekeu pape kelono pa ye Ampeu zülo kiu no axine keno ti shive.

KUKAMI AKINIU 21:22

Pa ye Ampeu pa puasüqo Lhou milive eno Ampeu yezah lo chemove.

KUKAMI AKINIU 21:9

Ikemu panongu no agholu move, eno Israelmi no ighi mphi züu Ampeu no shiye kütsave keqo no shiche keu nguno aküsau Manasseh no panongu sawo axine shipe.

YEKIKITHI AKINIU 13:9

Nongu no Ampeu chinemi, Aaron laghami eno Levimi hapupove no ashiaye kütami no shicheke toi nongu kutoshi no achinemi süsüve ke kumo keshea? Khukhumu amshitsü lakhi momu ambe tsüni peighi keu ye kichile lhou chinemi shivepe.

YEKIKITHI AKINIU 28:3

Pa no Hinnom Nu Khila lono akümllagho tsüno pa nu pesü akipti kümllagho shive, ti ye Ampeu no Israelmi zülono hapheve keqo shiaye no aphikümqhüpu khuaye peche ketoi shike.

YEKIKITHI AKINIU 36:14

Tipa shouno achinemi gholo hiyampemi eno timiqo kümtsü shiye kütami no aphikümqhüpu shiche keqo pape wuve eno akumou pükhükümla shive. Ampeu no Jerusalem lo Pa ki shikimthe tsükeu panongu no shipixive.

EZRA 9:7

Ni puasüqo ghuloki lono ishi tsala kutolo ningu ye akipimi kije shi ighivae. Ni xine ghenguno ningu, niw kükami eno ni chinemi ye aghakhu lo kükamiqo u lo ilovae, azütakikihi lono ikiqivae, akughu lo wuvae, pükaqhivae, eno ishi tsala lo toi akukujo kitikhi lo ilovae.

NEHEMIA 9:33

Tishimu ni shou ikughi ke kümtsü lo No ye amikuchoe, kughengu nino axine shive kemu, No ye pükhükulupu ke.

NEHEMIA 9:34

Niw kükami, sakiphemi, achinemi, eno apuasüqo no O yezah papemo, O zakütsü lo amlo tsümo, eno ghutu keu tsa ini tsümoe.

LESHELE 78:10

Panongu ye Alhouw puloshoqhi pemove, eno Pa yezah kiqi lono checheni keu milive.

JEREMIYA 10:2

Ampeu no ishi piani: “Shiyeqo laghi pape kevilo, momu atsütsü lo amchipuqo jupe thüghüi kevilo kughengu shiyeqo ye tipaqo no shithüghüi ani,

JEREMIYA 6:16

Ampeu no ishi piani; “Alaghila lo puthugho no julo, khaghi laghiqo ighiju lo eno akivi la khila keno tila chewulo, eno nongu ngulho no akulho qhilu nani. Ikemu panongu no pi, ‘Ningu ye tipa la lo chewu moe.’

EZEKEL 11:21

Ikemu khuno mlo no aphikümqhüpu thime ngo kuchhube kütsülaqo pape cheni keno I no panoqo kütsü shou pano kümlaqo lepukutsü nani, ipi Ampeu Alhou no asheshu.”

EZEKEL 18:8

akighishe lono pünamo momu ala kiumu lumo, achipikumo lono pa u süchile luve, timi dolo kuchou xakütha shitsü,

EZEKEL 18:9

I zakütsü pape, eno pükhükulu shi mlaitha keu vecheo Iw pimheye pape aye, pa ye amikuchomi; pa ye mtsüqheino xülu nani ipi Ampeu Alhou no asheshue.

EZEKEL 20:16

kughengu panongu no I khuayeqo milive eno I yezahqo pemove ke, eno Iw Sabbath shikitiqeve; kughengu panoqo mlo ye pano sü-atu julho lau wuveke.

EZEKEL 20:21

Ikemu anuliqo no I hebideve ke. Panongu ye I yezah lo cheche move eno Iw pimheyeqo gholuni ke kutokupui move, ti ye milakhi no papelu aye, tipau vecheo pa ye xülu nani pikeu ke; panongu no Iw Sabbath shikitiqeve ke. “Tileno I no pi, Ni ye panoqo shou I loghu lepukuni eno asayeqha lono I mlokighide panoqo shou pukuni.

EZEKEL 20:24

kughengu panongu no Iw pimheye gholu move, I khuaye milive eno Iw Sabbath shikitiqeve, eno panongu nhethi no pano puasüqo süatu julho shou jupuku auveke.

EZEKEL 5:6

Ikemu li no shiyeqo nguno alau kixikila shikeu lono Iw pimheyeqo hebidevae, eno li homxape akeu ghakhuqo nguno alau I yezahqo hebidevae; kughengu panongu no Iw pimheyeqo milive eno I yezah lo cheche move ke.

EZEKEL 8:10

Ikehu I no alou ilo no ju. Tilau atupikiye kümtsü homxa ghi aphikümqhüpu itikiche lhoxü, tüghashiqo, eno Israel laghami julhoqo kümtsü kixi pukupe aghie.

EZEKEL 8:14

Tithiu Pa no Ampeu kilo khagho ahuu akulaghi akeu lo I sailoghi, eno julo, tilehi topumiqo iqa no Tammuz ghenguno mloqa aghi.

EZEKEL 8:16

Pa no Ampeu kilo achebo alou I sailo. Eno julo, Ampeu chineki kulaghi lo akisheqho ngo akümlla-khache küma dolo timi pano muku pungu-a toike aghi, ti ye Ampeu chineki ye panongu zübou shive eno panoqo gi no kipela küdau shive no kipelau khetsünhe mlla aghi.

DANIEL 9:10

eno Ampeu sütsa gholumo, Pa yezah khikhi Pa qemi tungkupmi vecheo ningu zülo qhitsü keno ningu no tipau gholu move ke.

ACHINE 18:3

Nongu no Egypt lo ache kelo panongu no xüche keu ghola pape kevilo, momu Canaanmi yeghi khile I no nongu sawu cheni keno, tipaqo ghola pape kevilo. Nongu ye pano khuaye pape xümoni.

ACHINE 26:40

“Ikemu panongu no pano eno pano puasü pishikiqhi xine I shou shikeu eno I hebide keu piphe aye,