EZEKEL 1:4 - Sumi Naga CL (Re-edited) Bible (BSI)

⁴ I no ju akelo pasapagha mülhü lakhi ahuu no ighi eno khüngküsü kije lakhi yevüqai keu no vehomxape ae, ami no tamono kulophapha ae, eno ami mta lo ayi no yepüvü ketoi ae.

BAIBEL (BSI)

⁴ Ino jupuku kelauye ahuu kudauno pasapagha lakhi cheghi keu ithulu. Khungkusu kuloghi lono tsutsupha kuloake eno tipa sukumxalo atsutsu yevuqai ake. Tsutsupha kulo akeu alo kiu kela asapuyi toikeuno yepuvu ake.

EZEKEL 1:4 Iomraidhean Croise

KUKAMI ATUGHIU 19:11

Ampeu no pi, “Khalau ipe no atoghi lo Ampeu zülo puthugho lo.” Tile Ampeu no hechesü wuve, ikelo Ampeu zülo ighono akumto mülhü no atoghi tipau fuphove tsüno atuqu ghi kubo pinyive tsü, ikemu Ampeu ye amülhü lo kühae. Amülhü thiu ayeghi küghütha ighi, ikemu Ampeu ye ayeghi küghütha lomu kühae.

KUKAMI AKINIU 2:11

Pama no küptsa cheke lono paikhavi ami khurkulu ngo ami khurshi no pama kije kütüta shivetsü. Eno Elijah ye miyitsü lono kungugha lo ikuve.

YEKIKITHI AKINIU 5:13

Afuko küighami ngo alephemi no kümtsa Ampeu lau akishe le ngo shikimthikütsü le phe. Kughou afuko ngo küghapayi eno alebo jeliqo küigha keno alephemi ishi Ampeu shipili, “Kughengu Pa ye aloe, eno Paw iqemokeu kikimiye ye alholo achenie.” Ampeu chineki lo khüngküsü no chhitoive,

JOB 38:1

AMPEU no miyitsü lono Job khochile:

LESHELE 50:3

Ni Lhou cheni; Pa ye inaqhoi ngove chemoe; pitipüha chekeu mi no Pa zülo ani, pasapagha kumto no pa homxape ani.

IPEKULU 9:24

Egypt no shiye shi ipeghi kelono ishi kutolo khilemu shimphi keu mürasü kimshi gholono tamono ami phaphashi ipeghie.

ISAIAH 19:1

Egypt ghenguno pimhelu keu tsape. Julo, Ampeu ye khüngküsü kümthü shou no Egypt lo cheni, Egypt lo ajulhoqo no Pa zülo thüthüshi nani, eno Egyptmi mlo ye hauve nani.

ISAIAH 21:1

Azüghi phivilo asayeqha akeu ghenguno pimhelu keu tsape. Miyitsü no Negeb qha jole ighi keshi, asayeqha lo kümsa kimshipu yeghi lono aghümi cheni.

JEREMIYA 23:19

Julo, AMPEUw pasapagha! Aloghu ye miyitsü pasapagha toi cheni; tino kixikilami kütsü shou no mpale nani.

JEREMIYA 25:32

“Aqokitikhi MPEU no ishi piani: Julo, shiye lakhino lakhi lau amhekiqi phawoni cheni, pasapagha kije no ayeghi shekhau no xukutho ani!

JEREMIYA 25:9

julo, I no ahuu shiayeqo eno Babylon kükau I qeu Nebuchadnezzar kunani, ipi Ampeu no sheshu, I no panoqo sawo ayeghi hipau lo küxümi eno tipau hokümxa lo shiye akeqo mjochile nani. I no qhoi panoqo kütsaleve no panongu pesü aküighüpu, atichepu, eno pülhapuju ghenguno pighive tsü nani.

JEREMIYA 4:6

Zion küdau amchipu peqhelo, süsho lunike ngomo no polulo, kughengu ahuu no I no amhekiqi, kütsakungo kije süghini cheni.

JEREMIYA 6:1

Itshükulupu shi polo, O Benjamin timiqo, Jerusalem lono polulo! Tekoa lo afuko küigha lo, Beth-haccherem lo amchipu peqhelo, kughengu ahuu no kütsakungo kije eno amhekiqi ghawo cheni.

EZEKEL 1:27

Kiu pa chita toi ithulu akeno tipau nguno kunguu ayi kipti yepüvü aketoi I no ithulu, ti ye ami no vehomxa iqü aketoi ke. Eno pa chita toi ithulu akeu aqhou ami toi I no ithulue, vüqai keu no pa vehomxape ae.

EZEKEL 13:11

khunoqo no metsüghoi nudave tsü keno panoqo vilo hipau ye ikiqive nani ipi lo! Tsütsüghu kije ghuqhi nani, O mürasü kije eno pasapagha mülhü ighi nani eno nongu ye ikiqive nani.

EZEKEL 13:13

Ikehu Ampeu Alhou no ishi piani: I loghu lono I no pasapagha mülhü puwu nani, I mlokighide lono tsütsüghu kije ghuqhi nani, eno aloghu lono mürasü kije puwu no qhoi kütsaleve nani.

EZEKEL 43:3

I no kungunhetsü ithulu keu ye azüu pa no mishighüna kütsaveni ye ighi kelo I no ithulu keu kungunhetsü toike, eno I no Khebar züla lono kungunhetsü ithulu keu hutoi ke. I no I gi pishiqho luve.

EZEKEL 8:2

Tile I no jukelo akoghe lakhi timi jukimihi ipeghi. Kiu pa chita toi ipeghi keno tipa qhou ami eno pa chita shou no yevüqai keu kiuala alazayi toi phuphushi keu kimihi shie.

ZEKHARIA 6:6

Khurshi tsübui keqo no sünhe chekeu khurkulu no ahuu ghakhu küdau iqhove, metsüghoi keqo no tipa shelo shi, eno hughai keqo no apeu iqive.”

IBRIMI 12:29

kughengu ni Lhou ye pitimaha keu mike.

Piyeküsü 1:15

Pa pukhu no alazayi ghukimthepe phuphushi aketoi, eno Pa sütsa no aghoki kuloghi ghügha toike.