Ephesiami 5:6 - Sumi Naga CL (Re-edited) Bible (BSI)

⁶ Khunomu abokümsa tsa pesü nongu pishiqhipe kevilo, kughengu hipaqo ghenguno hebide kemi shou Alhou loghu ikughi cheni.

BAIBEL (BSI)

⁶ Hipaqo vehu inapugha pichekemi pelo nongu pishiqhive pekevilo, kughengu hipaqo thime ghenguno Alhou loghuye hebidekemi shou ikughi cheni.

Sümi Tiqhelimi Bible

⁶ Timi khuu pelomu nikhanigha tsa pesü nongu pishiqhive pe kevilo, kughengu hitoi keu ghenguno khunoqo no hekibidemi keno panongu shou Alhou loghu ikughi cheni.

Ephesiami 5:6 Iomraidhean Croise

KUKAMI AKINIU 18:20

No ye atsa no aghüshi kukughu momu akumto küghashi kümsü ani keshea? No ye itehi khuu shou pükhü anipi I sasü kumgho ani kea?

LESHELE 78:31

Alhou mlo kighide panoqo shou ikughive, panoqo gholo akumtomi pithive tsü eno Israel lo lhothemi pithive tsüe.

JEREMIYA 27:9

Ikehu, now tungkupmi, tuumi, asamo kishimi, asheazü tsa kipimi, momu küdüumi, nongu vilo ‘Nongu ye Babylon kükau qemo nani,’ ipi chekeqo tsa ini kevilo.

JEREMIYA 29:31

“Akughu lo akemi kümtsü lau pi puwu lo, ‘Nehelammi Shemaiah ghenguno Ampeu no ishi piani: I no puwumo mu Shemaiah no nongu lau tungkuptsa pi eno nongu pelo akimki tsa pülü ani peke ghenguno,

JEREMIYA 37:9

Ikehu Ampeu no ishi piani, Nongu ampi pishiqhi ishi pi kevilo, “Chaldeami ye ni launo wuve nani,” kughengu panongu ye wumo nani.

MICAH 3:5

Ampeu no tungkupmi ghenguno ishi pi, panoqo no Iw timi sabidevae, kughou chukepu thime ani keno, panoqo no “Aloino” ipi igha ikemu khuu no panoqo kichi lo kiumu sütsü moni keno pa shou aghükishi sheshue.

MATTHEW 24:24

Kughengu kichile Messiah ngo kichile tungkupmi ipeghi no kishekiphemiu ghi saküghüzüve nike amchipu ngo akümzapu kümla kije shi nani.

MATTHEW 24:4

Jisü no panoqo khochile, “Khuu pelomu nongu saküghüzü pemoni ke jukutolo.

Mark 13:22

Kughengu kichile Khristo eno kichile tungkupmi no tolukivi thaqhü kishekiphemi ghi saküghüzü nike ipeghi nani eno amchipu ngo akümzapu kümlaqo shinani.

Mark 13:5

Jisü no panoqo vilo pi thuve, “Khunomu nongu saküghüzüve pemoni ke ithilo.

Rommi 1:18

Kughengu Alhou kümthami ngo amikuchokumomi khunono pano mikuchokumo lono kuchou qhasüpe acheni keno, kümtsü shou Alhou loghu ikughini ke kungugha lono pephe piyevae.

Kolosiami 2:18

Khunomu nongu kideqhive pekevilo, panongu no alikhi ampi milive no kungumi mlla, kungunhetsü ithukulu, eno akiqi küha keu ashi lo kimne kükümsü küdau hakite sawu cheni,

Kolosiami 2:4

I no hi pi akeu ye khuu pelomu kighekithi tsa pesü nongu pishiqhive pemonie.

Kolosiami 2:8

Khristo kükütsü ghola kumono timi süqe kighithi, abokümsa pishikiqhi, timi no pekishe chekeu khuaye momu tsütsü yeghi ghawu no nongu tshüluve pemoni ke jukuto lo.

Kolosiami 3:6

Hipaqo ghenguno Alhou loghu cheni.

2 Thes. 2:3

Kiu gholau nomu khuana pelo nongu pishiqhipe kevilo. Kughengu kütsakungo nu, ayezah heküxau eno hekibideu paghi ighi moke kutolo Ampeu tsala ighimo nani,

IBRIMI 13:9

Akükütsü jeli paküta keqo no saküghüzüve pekevilo, chine chini chuqupu khuaye no kumono Alhouw küpükini no amlo shikumtolu keu pavi; kughengu aye tipaqo peche kemi ye kiumu ala shi chemoe.

IBRIMI 3:19

Ikehu ningu no ithi akeu no panoqo ye pano küpülü kumo ghenguno ilomlave ke.

1 Peter 2:8

eno “Apukhu küpsüpu tuqu, ghüzave kepu tuqu lakhi ke.” Panongu no Atsa hebide ke ghenguno küpxalu cheni, kughengu pano ghenguno ti ye aza polo kighini shive aghike.

1 John 4:1

Kimiye chekemiqo, aghungu jeli kümtsü pülü kevilo, ikemu tipaqo ye Alhou launo kemo keno ithini ke chhejulo, kughengu ayeghiqha lo kichile tungkupmi kutomo ipeghivae