Ephesiami 3:5 - Sumi Naga CL (Re-edited) Bible (BSI)

⁵ Aghungu vecheo Alhouw akimthe apostolmi ngo tungkupmi lau tuqhou hipau pephe piye ketoi wove keu tiqhelimi lau ye khilemu piye püamoe.

BAIBEL (BSI)

⁵ Wovekeu tiqhelimiqo lauye tuqhou kukughu hipau pimono acheke, ikemu itehiye Aghungu vechewo Alhou no pawu apostolmi akimthemi eno pawu tungkupmi lau tipau pephepiyevae.

Sümi Tiqhelimi Bible

⁵ tiye tiqheli kütau lo ye timiqo pelo ithi pemo ke ikemu itehi ye Aghungu vechewo Alhou’w akimthe apostol ngò tungkupumiqo lau pephe-piyevae.

Ephesiami 3:5 Iomraidhean Croise

ISAIAH 52:15

ikemu itehi ye Pa no shiye kutomo süküthü nani. Pa jupe kükami no pano kichi kujukha luve nani; kughengu panongu vilo khilemu piphemo keu ithulu ani, eno khikhi panongu no chimla aphi keno ti vethalu ani.

MATTHEW 13:17

Kughengu I no kuchou no nongu vilo piani, nongu no kiu ithulu ani keno tungkupmi ngo amikuchomi kutomo no ithuluni shiche kemu ithumlave, eno kiu chilu ani keno panoqo ghi chiluni shiche kemu chimlave ke.

MATTHEW 20:7

Panoqo no pa khochile, ‘Khunomu ajume ningu piqe nike ghaighi moe.’ Ikehu pa no pi, ‘Tishiaye nongu ghi atsailu lo hulo.’

MATTHEW 23:34

Ikehu I no nongu lau tungkupmi, alokütsümi, eno akükütsümi puwu nani, tipaqo khami ye nongu no pithive tsü nani, khami ye kros lono yedave nani, eno khami ye now sinagog lono heqhi no mishiphu atsütsü lo tipaqo hakuqoqhi nani,

Luke 10:24

Kughengu I no nongu vilo pi anike tungkupmi eno kükami kutomo no nongu no ithulu akeu ithuluni shi eno chilu akeu chiluni shiche, ikemu tishi mlave.”

Luke 11:49

Tighenguno Alhou Lokütsü no highi pike, ‘I no panongu lau tungkupmi ngo apostolmi puwu nani, tipaqo dolo khami ye panongu no pithive nani eno khami kijipüsa nani,’

John 14:26

Ikemu Akukuphuu, Aghungu Kimthe, khuu Apu no I je lono puwu nani keno, pa no thokha nongu shika nani, I no nongu vilo pive keu kümtsü pa no nongu pelo kümsüchilelu penani.

John 16:13

Kughou Kuchou Ghungu ighini keno, pa no kuchou ghili kümtsü lo nongu saphe sawu nani, kughengu pa ye pa kutoshino pimo nani, ikemu pa no kiu chilu keno pi nani eno ighini ye akeqo ghili nongu vilo pi nani.

Apostolmi 10:28

Pa no panoqo vilo pi, “Nongu no ithi anike Jewmi lakhi no shiye kütami sasü xukütshü momu xujuni keu ye ayezah kiqilo kumoe, ikemu timi khumu pesü kitiqeve keu momu mithekumo ipi pemoni ke Alhou no I piyevae.

Rommi 16:25

Itehi ye I tsape, I no Jisü Khristo ghili pikülha chekeu vecheo nongu shikumtokütsü Lhou sheqhe ani; ti ye ado kushuo tuqhou shi küsü püache keu tsa pephe piyeni keu kiqi lono ke,

1 Kor. 2:10

thime hipaqo Alhou no Aghungu vecheo ni lau pephe piyevae. Kughengu Aghungu no Alhouw kuthoküzü kutolo thokha lheju cheni.

Ephesiami 2:20

Nongu ye apostolmi ngo tungkupmi no aboqha ghotsü keu lono shiqhe puku keu kiae, Khristo Jisü ampi no atsükupu tuqu shino

Ephesiami 3:9

eno thime kümtsü pulhosü keu Lhou lau tiqheli kümtsü lo küsü püache keu tuqhou kukughu ye kiu keno timi kümtsü zülo pephe tsüniye ke,

2 Peter 3:2

ike nongu ye akimthe tungkupmi no pichho tsükeu eno nonguw apostolmi no Ampeu eno Xakuluu zakütsü pesü tsükeu kümsüchilelu masae,

Jude 1:17

Ikemu kimiye chekeqo, nongu ye ni Mpeu Jisü Khristow apostolmi no pichhotsü keqo kümsüchile lulo.