Ephesiami 3:16 - Sumi Naga CL (Re-edited) Bible (BSI)

¹⁶ Pa juküvüpu kinikülü shi akeu kiqi lono Pa Ghungu pesü nongu lolo akeu mpi shikumto tsü peni,

BAIBEL (BSI)

¹⁶ Ike nongu lolo akeu ampi mutotoi penike, pa kimthe jukuvu kinikulushi akeu pesu pa Ghungu no akuka nongu tsupenike ino Alhou vilo khu ani,

Sümi Tiqhelimi Bible

¹⁶ I no inikhu akeu ye pa juküvü kinikülü shi akeu lono pa pelo pa Ghungu küká vechewo nongu lolo shikumto tsüpe niye ke,

Ephesiami 3:16 Iomraidhean Croise

JOB 23:6

Pa küka kumto kuloghi pesü Pa ye I sasü kuxuni keshea? Moe; Pa ye I lau amlotsüni che.

LESHELE 138:3

I no O kuke tsala lo Nono I khochile; Nono I ngulho lo aküka mtotoilu peke.

LESHELE 28:8

Ampeu ye Paw timi kumtopu ke; Pa no nukishe luve keu xakuluu sükusho ke.

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

JEREMIYA 31:33

Tithiu I no itehi Israel kibo sasü puloshoqhi shini keu ye hike, Ampeu no sheshu: I no I yezah panongu lolo sütsüni, panongu mlo lo yesü tsüni. I no panongu Lhou shinani eno panongu no Iw timi shinani.

ZEKHARIA 10:12

I no panoqo pesü Ampeu gholono mtotoi penani, panongu no Pa je lono xünani,” ipi Ampeu no asheshue.

MATTHEW 6:13

Eno ghukuju lo ningu sailotsü kevilo, ikemu alhoksau launo ni xaphe tsülo.”

Rommi 2:29

Ikemu Jewmi kuchou ye alou noe, eno aphighüyiko kügha ye Aghungu vecheo amlo lo shikeu thono pimheye lono kumoe. Hitoi kemi ye timi launo kumono Alhou launo shekiqhe ithulu cheni.

Rommi 7:22

Kughengu I mlo alouno ni ye Alhou Yezah lo I züküvü acheni,

Rommi 9:23

Pa no hitoi shikeu ye Pa juküvü kinikülüshi akeu pesü khunoqo Pa no azünatha ghi ajuküvü küsajeni ke kuto püani keno, ti kimiyekini liqo, pelo ithi peniye ke,

1 Kor. 16:13

Tsükhüi jukuto lo, aküpülü lo mtotoi puthugho lo, amlo kumto shilo.

2 Kor. 12:9

Ikemu Pa no I vilo pi, “Iw küpükini ye o ghenguno lukümkhae, kughengu I küka ye miqemlei kelono kupukülailu cheni.” Tighenguno ni ye aloviqhiyi Iw miqemlei keu lo alau qhezani, tishianguno Khristo küka no I shou apeni.

2 Kor. 4:16

Tighenguno ningu ye amlo hauve chemoe. Ni phiashi ye tsüma aya kemu ni lolo ye tsalakipetsü akithe shivetsü ani.

Ephesiami 1:18

nongu mlo lo vethakulupu nhetsü qhino Pa no nongu kulu püakeu lajupu ye kiu, Pa juküvüpu mheghi kinikülüshi küpülümi lau akeu ye kiu keno, nongu no ithi peni;

Ephesiami 1:7

Khristo ji vecheo ningu ye pa lau no xachilekulu eno axine qhikütsü ithulu. Paw küpükini ililai akeu kiqi lono

Ephesiami 2:7

Alhou no kimiyeqhiyi keu lono Paw küpükini kimghi kümlapu shi akeu pesü Khristo Jisü küdau no ningu tsükeu ye hithiu tiqheli kutolo pephe piye niye ke.

Ephesiami 3:15

Pa vecheo kungugha eno ayeghi lo akibo kümtsü je kutsü cheni.

Ephesiami 3:8

Niu no küpülümi kümtsü dolo akimkheu keghi, Khristow kihikhakümla kini pesü Jewkumomi lau pikülha peniye küpükini hipau I tsü,

Ephesiami 6:10

Ashekhashi, Ampeu küka kumto lono mtotoi shilo.

FILIPIAMI 4:13

Khristo no I shikumto keu vecheo ni ye thokha shilu nani.

FILIPIAMI 4:19

Ikehu I Lhou no Khristo Jisü gholo Pa juküvü kinikülü shi akeu kiqi lono nongu vehupu kümtsü kumkhotsü nani.

Kolosiami 1:11

Pa juküvü kumto lono aküka kümtsü pesü nongu shikumto luno alokivi shi thokha puqhelu eno kutuulu peni;

Kolosiami 1:27

Alhou no panongu kishelu no Jewkumomi gholo ajuküvüpu kini kije pephe tsüke, ajuküvü lajupu huye Khristo nongu lolo akeu ke.

Kolosiami 2:2

tishianguno panongu mlo shikumtolu, kikimiye lo ghoküqha luno Alhouw tuqhou kighithi, ti ye Khristo, thebei eno kupukuno shi ithikuthulu penie.

2 Tim. 4:17

Ikemu Ampeu no I gholo puthugho no I shikumto tsüe, tishikeu lono I vecheo atsakiviu qhoi shuphelu no Jewkumomi kümtsü pelo inilu peke. Ikehu abongshuu baxa lono I xaphelue.

IBRIMI 11:34

amiküqü pinhelu, azütakikihi zülono polu, miqemlei anamu mtotoilu, aghütomi shive, inaghau ghüshimi halelue.

1 Peter 3:4

ikemu nonguw jukivi ye alolo nongu mpi kuchou akeu huno shilo, tino akümtsha eno iqünhei keu ghunguw shipüsa kümlapu jukivi, Alhou zülo ighono akughupu ke.