Ephesiami 2:3 - Sumi Naga CL (Re-edited) Bible (BSI)

³ ningu kümtsü ghuthu lakhi loye tipaqo gholo pitipüza ashi pulou shiche, aphimpi eno akükümsü no mine keu ghakiqipu shiche, eno ashi lomi toi ningu lhoaye no aloghu puni keu tianuli shi ache.

BAIBEL (BSI)

³ Ghuthu lakhiye ningu kumtsu timi tipaqo toi ningu shi-aji pulouno minheqhikeu xapusu xucheke eno ningu phimpi akukumsuno minechekeu papecheke, ikehu timi kutamiqo toi ninguye alhoaye lono Alhou loghu sholukemi shicheke.

Sümi Tiqhelimi Bible

³ Ningu kümtsü ghuthu lakhi lo ye panongu gholo xüche ke, tiye ningu shi-aji no mine keu ghapiqi ghi eno tipau no shinishi keu ngò tipau kükümsü pape keu vechewo xüache ke.

Ephesiami 2:3 Iomraidhean Croise

BOTHUBO 5:3

Adam no ampe 130 xüve kethiu, pa no pa julho eno pa jukimihi lono anu lakhi papu shilu, eno pa je Seth kutsü.

BOTHUBO 6:5

Ampeu no ayeghi lo timiw küsakügha kije ithulu, eno pano kükümsü kupulo ye alhokuthu lo küsakügha likhie.

BOTHUBO 8:21

Kughou Ampeu no tsüngqüi keu xo münalu keno, Ampeu no Pa mlo lono ishi pi, “Ni ye itaghi khilemu timi xine ghenguno ayeghi müsüini moae, kughengu alhothe lonomu timi kükümsü kupulo ye küsaküghae. Ti kumono Ni ye I no shike toi itaghi khilemu lhoxüqo pügha kithemae.

JOB 14:4

Mithekumo lono akimthe thime süghilu nanio? Khumu kühae.

JOB 25:4

Imaye kishino timi ye Alhou zülo achipiu shiluni kea? Kishino totimi no punu kemi no mqhamqhi luni kea?

LESHELE 51:5

Julo, ni ye axine lono punue, eno I za no axine lono I mishike.

ISAIAH 53:6

Ningu kümtsü no ambe toi ala kumo lo wuveke; kümtsü pütüta lalo wukhave; ikemu Ampeu no pa shou ni ghime pukuve tsüe.

Mark 4:19

ikemu ayeghi lo kütakihi keu eno küakini pishikiqhi ngo thime jeli kimne no iloghive no Atsa ghüsüve, ikehu ti ye athi pithi move.

John 1:13

ti ye ashi lono punu keu momu timi pulou lono kumoe, ikemu Alhou launo ke.

John 8:44

Nongu ye nongu papu tüghami laumi eno nongu papu gho-apulou shitsüni keu no nongu pulou ke. Pa ye abothu lono ghikiqhiu, eno kuchou küdau aju mphi kughengu pa lolo kuchou kühake. Kughou pa no mikini keno ti ye pa lhoaye kuchou piye ani, kughengu pa ye akimkiu eno akimki kümtsü papu ke.

Apostolmi 14:16

Wovekeu tiqheli loye Pa no shiye kümtsü pelo pütüta lalo chepe.

Rommi 1:24

Tighenguno panongu no pano dolo aphimpi ghi gihumo no niqhinilai keu kümla shinike mineqhiyi ache ketoi Alhou no panoqo ikhiphepe tsüve,

Rommi 11:30

Ghuthu lakhi lo nongu ye Alhou gholumo no ache kemu itehi ye Jewmi hekibide ghenguno nongu no kimiyekini ithuluve ketoi,

Rommi 13:14

Ikemu Ampeu Jisü Khristo lhoaye pepuni, eno khilemu ashi ghakiqipu shinike mineqhiyi keu jeli lo amlo tsümoni.

Rommi 2:14

Jewkumomi khunono Moses Yezah pechemo keghi pano lotsü no hakite keu lono Ayezah lo akeu shini keno, Ayezah huno panow kumo aghi namu pano ghengu ghi ake.

Rommi 5:10

Kughengu nino Alhou ghümi shi ache kelo thotsü Pa Nu kithi vecheo ni pelo Alhou lau külashilu püaghipe aye, itehi ye nino külashi luve akeke itaghi alaushi Pa küxü vecheo ni xalu nani.

Rommi 5:9

Ikehu itehi ye Pa ji vecheo ningu ye achipikaluve akeke Pa ye Alhou loghu lono kishita alaushi ni xalu nani kelae!

Rommi 6:12

Tighenguno axine pelo nonguw thiveni keu phimpi qhasüpe ashi ghakiqipu shini keu gholu auvepe kevilo.

Rommi 7:18

I no ithi anike ashi lhoaye lo ni ye I lolo akivi kiumu kühae. Kughengu, kiu no achipi keno I no shinipi kümsü anamu ni ye shikulupu küka kühave cheni.

Rommi 9:22

Tsala Alhou no Pa loghu eno Pa küka ithi peniye kütsaveni keu shi kuto püakeu, aloghu liqo, lau alaushi ado kushuo kheakulu eno kutuukulu shipüaghi aye kiu pini kea?

1 Kor. 4:7

Khuu no nongu ye kütami nguno paküta kepi ithulu kea? Nongu ye Alhou launo ithulu mokeu kiu ani kea? Nongu no ithulu püaghi aye, ti ye kümsagho kumo kesheno nongu ye kushiye qheza cheni kea?

2 Kor. 7:1

Kimiye chekemiqo, ningu lau pikiqhitsa hipaqo anike ghenguno ni phimpi eno aghungu shipixi chekeu kümtsü shikimtheve no Alhou sükümsa lono akimtheshi kupukülai luni nolo.

Galatiami 3:22

Ikemu Kuchoyesü no thokha kümtsü axine kütsügha qholo süghivae, tishianguno Jisü Khristo lau aküpülü akeu vecheo pikiqhitsa huye khunono pülü keno pano tsüniye ke.

Ephesiami 2:2

Ti ye hipa yeghi lo küxü la pape, amülhü lo aghawu küka pape, itehi hekibidemi nuli lau mla akeu ghawu pape chenipi

Ephesiami 4:22

Püzüu küxü ghola ye pishikiqhi no shipüsave akehu alhoaye aqau ye xaqhive penike nongu shikavae;

Kolosiami 1:21

Nongu khunoqo ghuthu lakhi lo Alhou launo tüsümi shi aghümi shino alhoksa kümla shiche keno,

1 Thes. 4:13

Athiküzümiqo, ningu ye nongu pelo kithimi vehu ithi mono apenishi amoe, tishianguno nongu pelo lajupu küha kemi toi amloiju pemo niye ke.

1 Thes. 5:6

Tishiaye ningu kütami toi zümoni, ikemu tsükhüi shi idathu ngoni.

1 Tim. 6:9

Ikemu khunono kinimi shinikeu mine cheni keno, ghukuju lo ikiqi ilove cheni, akümsapu lichhe lo ikiqive no timi kütsave chekeu mbomzü kükümsü lo sünhe süve cheni

Titus 3:3

Kughengu ghuthu lakhi lo ningu ampi ghi mbomzü, aghelumo kemi, pishikiqhimi, eno ashiaji lo kimne jeli qemi shiche, eno timi kiphikumo, anhekushu lono kütami kimthipu eno lakhi no lakhi mithi keu lono ningu do puwovae.

1 Peter 1:14

Aghokulu tianuli akehu khaghi nongu yekümtha lo pitipüza keu lhoaye hawuve kevilo,

2 Peter 2:14

Panongu ye asalha nhethi xapu ghasümla mithe axine shinishi cheni. Panongu no timi tsaqütsaleimo kemi züluve cheni. Panongu ye alakimne lono qopheve keu mlo xapu ani, Ghushove keu ti-anuliqo!

2 Peter 2:18

Kughengu mbomzüshi ighale atsa pikeu lono panongu no ashi lo ngosükümla xine pesü alhoksami launo pokaluni ke akushukulu ipeche keqo müsü sailove cheni.

1 John 2:16

Kughengu ayeghi lo thime akeqo—ashiaji eno anhethi no mine chekeu ngo aküxü lo qheküza—ye Apu launo kumono ayeghiqha launo ighie.

1 John 2:8

Tishimu I no nongu lau hipau ye akeu ye azakütsü kithe ghike, ti ye Khristo küdau pina nongu küdau pimu kuchoue, kughengu aküzü ye wove chea eno kuchou küvü huno phuphushi ayae.