Ephesiami 2:2 - Sumi Naga CL (Re-edited) Bible (BSI)

² Ti ye hipa yeghi lo küxü la pape, amülhü lo aghawu küka pape, itehi hekibidemi nuli lau mla akeu ghawu pape chenipi

BAIBEL (BSI)

² Tipa ghulokilo nonguye ayeghiqhalo kusakugha laghi papeche; eno amulhulo aghahwu kukaqo jeli shou ayehpeu hu papeche, tiye Alhou gholumokemi qhasupe achekeu ghahwu huke.

Sümi Tiqhelimi Bible

² Tiye nongu no kughou hipau yeghi laghiqo ngò amlhü kükaphu yekipe khikhi itehi khunoqo no agholu chemo keno tipaqo gholo mülà akeu ghungu pape chekeu küxü lo xüache keu hu ke.

Ephesiami 2:2 Iomraidhean Croise

JOB 1:16

Pa no pi aphi lono aghinikishiu lakhiu ighi no pi, “Atsütsü lono Alhou mi ikiqighi no ambe ngo aqemiqo pitiqhivae, eno I likhino pokasü o vilo piniye ighi anie.”

JOB 1:19

asayeqha küdau no pasapagha kije ighi no aki shou fupuku püzü tino ilaqi anuliqo veqa pithivae, eno akushukulu I likhino pokasü o vilo piniye hi ighi anie.”

JOB 1:7

AMPEU no Satan vilo pi, “No ye khilano ighi ani kea?” Satan no khochile, “Ni ye ayeghiqha kümtsü huju-woju itsü iqho iqiche no ighi ani.”

JOB 31:7

tsala I pukhu no ala vepimive, I mlo no I nhethi pape püaghi, eno I u lo axine dapusü aghi aye,

LESHELE 17:14

O Ampeu, O u pesü timi hipaqo launo I xalu tsülo, ayeghi lo timi saje ye aküxü hipau lo anie. Nono küakini pesü pano tita shepichhi tsüe; panongu ye atianuli jupe aghapiqi luvae, eno pano küakini pesü pano tianuli ghenguno qhivae.

ISAIAH 30:1

Ampeu no pivae, “I kukughu lumono kughu chekemi eno axine küpha ghi I Ghungu no pulomo keu visho shi, kuthovi chekemi hasapue;

ISAIAH 57:4

Nongu ye khuu junuqhi ani kea? Nongu ye khuu shou pipuku ani eno khuu shou nongu mili chhophe ani kea? Nongu ye ayezah hexave kemi eno kühaküghami tianulike kumo keshea?

JEREMIYA 23:10

Kughengu ayeghi ye asalhami no chhitoivae; ghukusho ghenguno ayeghi no mlo ani eno asayeqha lo atsüni kümtsha no thizümüivae. Panongu laghi ye alhoksa eno pano kumto ye achipi kumoe.

HOSIYA 10:9

Gibeah ghuloki lono nongu ye axine shivae, O Israel; tilauno nongu ye kibe ighivae. Aghükishi no Gibeah lo achipikumomi haluve moni kea?

ACHINE 11:16

ostrich, alhuqu kimihi putho ghau, azüghau,

MATTHEW 11:19

Timi Nu no ighi kelo pa ye chuqu-kusho lemoe, ikelo timiqo no pi, ‘Julepi! Pa ye akimnhemi eno shokümzümi, asüqha küqhami ngo khalaumi küsau ke!’ Tishimu Alhou lokütsü huno achipiu kepi akümla lono piyeve nani.”

MATTHEW 13:22

Asahuli lo vesülu keu piti ye Atsa chiluve keu timi, ikemu ayeghi lo küxü no azüküvü shiuve, eno küakini kimne no pishiqhipe Atsa hu ghüsüve, eno ti ye athi pithi move.

MATTHEW 13:38

Alu no ayeghiqha, apiti kivi huno Ayekipe tianuliqo, eno alupi no alhoksau tianuliqo ke.

Mark 4:19

ikemu ayeghi lo kütakihi keu eno küakini pishikiqhi ngo thime jeli kimne no iloghive no Atsa ghüsüve, ikehu ti ye athi pithi move.

Luke 16:8

Hekujuu no hitoi amqükini shike ghenguno pa mpeu no akishe tsüe. Kughengu hipa yeghi lomiu no aküvü lo akemi nguno alau amqükini shi pano toi kemi peitha cheni.

Luke 22:31

“Simon, O Simon, inilo, Satan no ashothi toi ijoveni ye khuke,

John 12:31

Itehi ye hipa yeghiqha shou küghakütha ghulokiae, itehi ye hipa yeghiqha yepeu haphe kepu ghulokiae.

John 13:2

Kijiliu ghulhu shi akelo, tüghami no Simon nu Judas Iscariot mlo lo pa thechuni keu süvetsü.

John 13:27

Kughou pa no asho ikhilu keno, Satan no pa lolo ilove. Jisü no pa vilo pi. “Nono kiu shiniye ani keno, mtazü shilulo.”

John 14:30

Ni ye nongu sasü ado kushuo nongu pütsa moae, kughengu hipa yeghi yepeu cheae. Pa ye I shou aküka kiumu küha,

John 15:19

Nongu no ayeghiqha laumi keaye, ayeghiqha no pano laumi toi nongu kimiyeni cheke; ikemu ayeghiqha launo I no nongu kisheluve ke ghenguno ayeghiqha no nongu mithi ani.

John 16:11

küghaküthapu tsa loye, hipa yeghi lo yepeu shou küghathabe nani kehue.

John 7:7

Ayeghilomi ye nongu mithi mlae, ikemu I mithi ani kughengu I no pano kümla lhoksa ghili pitsüke.

John 8:23

Pa no panoqo vilo pi, “Nongu ye aqhou no ighi, ikemu ni ye kunguu no ighi. Nongu ye hipa yeghi lomie, ikemu ni ye kumoe.

John 8:44

Nongu ye nongu papu tüghami laumi eno nongu papu gho-apulou shitsüni keu no nongu pulou ke. Pa ye abothu lono ghikiqhiu, eno kuchou küdau aju mphi kughengu pa lolo kuchou kühake. Kughou pa no mikini keno ti ye pa lhoaye kuchou piye ani, kughengu pa ye akimkiu eno akimki kümtsü papu ke.

Apostolmi 19:35

Tithiu aphughi lo akiyeu no aqokitikhi ghasüve no pi, “Ephesus lo küamiqo, Ephesus phughi ye Artemis akijeu chineki kheu, eno atsütsü lono akimthe tuqu iluiqighi ke-a ipi khuu no mtha kea?

Apostolmi 5:3

Ikemu Peter no pi, “Ananias, kushiye Aghungu Kimthe pishiqhi niye Satan no o mlo lo iloghive no ayeghi jekulu pisa hami o sala qhiluve kea?

Rommi 12:2

Hipa yeghi xüghola sasü kimshive kevi, ikemu nongu kükümsü püxü kithelu keu vecheo aküxü pekili lulo, tishianguno nongu no chhejuke lono kiu no Alhou lopu, kiu no akivi, ikhikulupu eno kupukülai keno kimchilu nani.

1 Kor. 5:10

ti ye hipa yeghi lo shupu-salha chekemi, alakimnemi eno pükaqhi chekemi, momu ajulho kümllami piamoe, tishini keloye nongu ye ayeghiqha hipau lono ipeve masa niae.

1 Kor. 6:11

Nongu gholo khami ye titoi cheke. Ikemu Ampeu Jisü Khristo je lono eno ni Lhou Ghungu vecheo nongu qhuve no shikimthepe achipikalu ke.

2 Kor. 4:4

Panongu ghengu ye hipa yeghi lo lhou no pülümokemi mlo kughupove tsüae, tishikeu lono panongu pelo Alhou jukimhiu Khristow ajuküvü tsakiviu küvü ithulu pemo niye ke.

Galatiami 1:4

pa no itehi tiqheli lhoksa lono ningu xaphe lunike ningu xine ghenguno pa ikhiphepe tsüve, ti ye ni Lhou eno Apu pulou kiqi lonoke,

Ephesiami 1:21

Khristo pesü aghawu yekipe jeli eno aküka kumto pe qhasü chekemi kümtsü shou qhino hipa tiqheli lo likhi kumono ighini keu kutolo ghi aje kütau kümtsü nguno akiqheu shitsüke.

Ephesiami 2:11

Tighenguno nongu aji lono Jewkumomiqo, ghuthu lakhi loye au pesü aphimpi lo amchipu mla no aphighüyiko ghave kemi ipiche keqo no nongu vilo “aphighüyiko ghamo kemi” ipi kuche keu kümsülu lo,

Ephesiami 2:13

Ikemu Khristo Jisü laumi shilu keu lono nongu khunoqo ghuthu lakhi lo putou ache keno, itehi ye Khristo ji vecheo aphivilo sasü ighivae.

Ephesiami 2:3

ningu kümtsü ghuthu lakhi loye tipaqo gholo pitipüza ashi pulou shiche, aphimpi eno akükümsü no mine keu ghakiqipu shiche, eno ashi lomi toi ningu lhoaye no aloghu puni keu tianuli shi ache.

Ephesiami 4:17

Itehi Ampeu je lono I no hi piani eno iqhikithe anike nongu ye Jewkumomi toi ameküküha kükümsü xapu cheche kelau kumoae.

Ephesiami 4:22

Püzüu küxü ghola ye pishikiqhi no shipüsave akehu alhoaye aqau ye xaqhive penike nongu shikavae;

Ephesiami 5:6

Khunomu abokümsa tsa pesü nongu pishiqhipe kevilo, kughengu hipaqo ghenguno hebide kemi shou Alhou loghu ikughi cheni.

Ephesiami 5:8

kughengu ghuthu lakhi lo nongu ghi aküzü lo ache, ikemu itehi ye Ampeu lau aküvü lo auve akehu aküvü nuliqo toi chechelo.

Ephesiami 6:12

Kughengu ningu ye timi sasü kumono yepemi, atomi, hi aküzü yeghiqha eno atsütsü lo aghaküsa ghawu kükaqo sasü küpüghü ani.

Kolosiami 1:21

Nongu khunoqo ghuthu lakhi lo Alhou launo tüsümi shi aghümi shino alhoksa kümla shiche keno,

2 Tim. 4:10

kughengu Demas ye hipa yeghi kimiyeuve püzü I qhive no Thessalonica lo wuvae. Cresens no Galatia lo wuvae eno Titus no Dalmatia lo wuvae.

James 1:27

Apu Alhou zülo tsüghükhüi eno shipuqo mokeu chineye ye hike: mighimi eno chimemi no aghimeshi akelo xujuni keu, eno ayeghi pelo shikitiqe pemoni keu ke.

James 1:7

Titoi kemi ye Ampeu launo kiumu ithulu nani kepi kümsü kepu küha.

James 4:4

Nongu pükhükümla timiqo! Ayeghi sasü ashou shiche kemi ye Alhou ghümie pi nongu ye mtha keshea? Tighenguno khuu no ayeghi sasü ashou shinishi keno pa ye pa pesü Alhou ghümi shi ani.

1 Peter 1:14

Aghokulu tianuli akehu khaghi nongu yekümtha lo pitipüza keu lhoaye hawuve kevilo,

1 Peter 4:3

Kughengu Alhou kümthami no kiu toi xüche keno, ghaghughale, alhoksa shinike pitipüza keu, shokümzü, ghasükümla, eno ajulho kümlla, hi kümtsü lo nongu ghi aphiphi shi kuloji ighikeu no kughomae.

2 Peter 2:14

Panongu ye asalha nhethi xapu ghasümla mithe axine shinishi cheni. Panongu no timi tsaqütsaleimo kemi züluve cheni. Panongu ye alakimne lono qopheve keu mlo xapu ani, Ghushove keu ti-anuliqo!

1 John 3:10

Khunono Alhou nuli eno khunono tüghami nuli keno hipau lono michilu ani: achipiu-mikucho pesü xümo kemi ye Alhou laumi kumo, tike kumo athiküzümi kimiyemo kemi ghi Alhou laumi kumoe.

1 John 3:8

Khukhumu axine kümla shiche keu ye tüghami laumi, kughengu tüghami ye abothu lono axine shisü ighivae. Alhou Nu no ipeghi keu kiqi ye tüghami kümlaqo kütsave tsüniye ke.

1 John 4:4

Atianuliqo, nongu ye Alhou laumi eno kichile tungkupmi theqhi luvae, kughengu nongu lolo Khuu ani keno Pa no ayeghi lo akeu nguno akijeu ke.

1 John 5:19

Ningu ye Alhou laumi kepi nino ithi ani, eno ayeghiqha ye kümtsü alhoksau küka qholo ani.

1 John 5:4

Kughengu Alhou nuli shive kemi no ayeghi theqhilu cheni. Eno ni küpülü huno ayeghi shou tolu cheni.

Piyeküsü 12:9

Dragon kuloghi huye küghape vepiqive, ti ye mulholo pighi, khuu pesü tüghami eno Satan ipi cheni keno, ayeghiqha kuchopu pishikiqhiu—pa küghape paw kungumiqo gholono ayeghi lo vepiqive.

Piyeküsü 13:14

eno tipau pelo tüghashi atüghüu küa lono amchipu jeli mla penike azah tsüve kehu pa no ayeghi lo küxümi pishiqhi, panoqo vilo azütakikihi no ghüza kemu xüluve keu tüghashi ghenguno ajulho shilo pi.

Piyeküsü 13:8

eno Ambeti Khuu ghiqhive keno Paw aküxüpu kaku lo khunoqo je ayeghiqha boqha ghomphi lono yepuku püaghimo keno tipaqo thaqhü no tüghashi mlla nani.

Piyeküsü 16:17

Kungumi akütsüniu no pa bohu pesü amülhü lo leqhi, ikelo achineki lo kükalakhü lono asütsa kuloghi lakhi ishi ipeghi, “Hi no kishekhavae!”

Piyeküsü 20:2

Eno pa no dragon khuu pesü tüghami eno Satan ipiche keno mulho pighi hu tsüqü luve no ampe qhethonhe ghenguno tsüghape,