Ephesiami 2:12 - Sumi Naga CL (Re-edited) Bible (BSI)

¹² tipa ghuloki lo nongu ye Khristo launo kütüta shi ache, Israelmi gholo kuloji mlano inami shi ache, eno Alhouw Puloshoqhi piqhi püakeu lono tüsümi shi ayeghi lo lajupu küha eno Alhou kühano achekeu kümsülu lo.

BAIBEL (BSI)

¹² Tipa ghulokilo nonguye Khristo launo kututashipe acheke. Nonguye inami shi ache, Alhou no kishelukeu Israilmi laumi kumoke, eno Alhou no pawu timi lau piqhikeu puloshoqhi shikeu launo tusumi shiache, eno hipa yeghiqhalo lajupu kuha eno Alhou kuhano acheke.

Sümi Tiqhelimi Bible

¹² tipau ghuloki lo nongu ye Khristo lau no kütüta shipe acheke, Israel lo aghakütsami lono kopheve ke eno pikiqhiw puloshoqhiqo lau no tüsümi shi acheke, tiye hipau yeghiqha lo lajupu küha eno Alhou küha no ache ipi kümsülulo.

Ephesiami 2:12 Iomraidhean Croise

BOTHUBO 15:18

Tipa tsalani Ampeu no Abram sasü puloshoqhi lakhi shino pike, “O tikughuko lau I no ayeghi hipau tsü ani, Egypt ghoki lono aghoki kije, Euphrates ghoki kuto,

YEKIKITHI AKINIU 15:3

Ado kushuo kutolo Israel ye kuchou Lhou sümo, achinemi shiküka sümo, eno ayezah pemono xüche.

EZRA 4:3

Ikemu Zerubbabel, Jeshua eno Israel lo kütami ali tomi no panongu vilo pi, “Ningu no ni Lhou ki shiqhe akeu lo nongu ye kiumu shi akepu kühae; ikemu Akükau Cyrus, Persia kükau no azah ningu tsüke toi, ningu likhi no Ampeu, Israel Lhou ki shiqhe nani.”

IPEKULU 12:45

Inaghami momu qele qemi ye hi chumoni.

ISAIAH 14:1

Ampeu no Jacob lagha kimiyeve no itaghi Israel kisheluve nani, eno pano yeghi lo sawo qhive nani, inaghami no Jacob laghami gholo xüküqhauve nani.

ISAIAH 44:6

Ampeu, Israel kükau eno pa Xachilekuluu, aqokitikhi Mpeu no ishi piani: “Ni ye atüghüu eno ashekhau; I nguno alhou kütau kühae.

ISAIAH 45:20

“Nongu hekumqope ighilo, shiye lo nongu ghükulumi, kümtsa kupunu ighilo! Ajulho pesü kulobide chekemi ye akighithi alokütsü mu kühae, panongu ye xamlani keu lhou lau inikhu cheni.

ISAIAH 61:5

Tüsümi no puthughope, nonguw lhoxü lojiqo tucho nani; inaghami no nonguw alu kichimi eno atsailu chitsü nani;

JEREMIYA 14:8

O, No Israel lajupu, aveküsa ghuloki lo xakuluu, kushiye No ye ayeghi lo inami lakhi toi, kicheghüzümi no kijili lakhi ngoke toi ani kea?

JEREMIYA 17:13

O Ampeu, Israel lajupu, O pheve kemi kümtsü akukujopu shinani; khunono O launo pove keno ayeghi lo aje yepüani, kughengu pano ye aküxüpu züpuki Ampeu pheveke.

EZEKEL 13:9

Tungkupmi khunoqo no kichile kungunhetsü ithulu eno pishikiqhi chine picheni keno panoqo shou I u pesü lachile nani. Panongu ye Iw timi hoho lo ngolumo nani momu Israel laghamiw ajeyeküsü kaku lo yesü mla nani, momu Israel yeghi lo iloghi lumo nani. Ni ye Ampeu Alhou kepi nongu no ithi nani.

EZEKEL 37:26

I no panoqo sasü külakishi puloshoqhi shi nani. Ti ye panoqo sasü shekhaha puloshoqhi shikeu ke. I no pano yeghi lo panoqo qhino kughukotsü nani, eno alholo panoqo gholo I kimthe-a qhinani.

EZEKEL 47:22

Nongu dolo eno inaghami nongu gholo auve no atianuli shive kemi sasü amheghi shi kijetha tsülo. Panongu ye Israelmi tianuli aghakütsami kiqi lono kihini, eno nongu Israel shiaye gholono amheghi kothape tsüni.

HOSIYA 3:4

Kughengu Israel tianuliqo ye atsala kutomo akükau momu kükapumi kühano xünani, aghakishi momu chini kepu tsükucho küha nani, ajulho shisükeu momu asü atu julho pe asaqhi chekeu kühave nani.

AKIKIHI 18:19

Israelmi no Ampeu lau akimthe shi ikhithape tsükeu kümtsü I no no eno o nuliqo saje shi alholo ghenguno tsüve ani. Hi ye I no Ampeu zülono no eno o laghaqo sasü, alholo ghenguno amti puloshoqhi shi anike.”

Luke 1:72

Tishikeu lono ni puasü lau piqhi püakeu kimiyekini piye, eno Pa kimthe shoqhi kümsüchile luniye ke,

John 10:16

Hipa loji lo kühakeu ni ye ambe kütau aphi. Ni ye tipaqo ghi saghi masae, panongu no I sütsa ini nani. Tileno aloji lakhi, akheu lakhi shive nani.

John 15:5

Ni ye atsaibo; eno nongu no alokaqo ke. Khunono I lau ani eno I no khuno lau ani keno, pa no axathi kutomo pithi cheni, kughengu I sümo keloye nongu ye kiumu shimlae.

John 4:22

Nongu no kiu mlla cheni keno nongu ye mthae, ikemu ningu ye nino mlla chekeu ithi ani, kughengu xakulupu ye Jewmi launo ke.

Apostolmi 2:39

Kughengu ashoqhi ye nongu eno no tianuli eno khunoqo putou ani keno, Ampeu ni Lhou no Pa lau kulu kemi kümtsü ghenguno ke.”

Apostolmi 28:20

Ikehu hipa vehu ghenguno ni ye nongu sasü kusho no küptsa niye kue, kughengu Israelmi lajupu ghenguno ni ye ayikichhe hipau no I tshüpe ani.”

Apostolmi 3:25

Nongu ye tungkupmi nuli, eno Alhou no nongu puasüqo sasü puloshoqhi shikeu nuliqo ke. Pa no Abraham vilo pi, ‘O polo kughuko vecheo ayeghi lo alagha kümtsü kümghatsü nani.’

Rommi 9:8

Hipau kiqi ye Alhou nuli kepi kihi luni keu ye ajilo kiyighiqo no kumoe, ikemu pikiqhitsa kiqi lono ighi kemiu noke.

Galatiami 4:8

Khaghi nongu no Alhou mthano ache kelo, nongu ye alhou kumo keqo qüaxemi shiche.

Ephesiami 2:19

Ikehu nongu ye tüsümi eno kupokichemi kumovae, ikemu Alhou kibolomi eno küpülümi sasü kümtsa aghakütsami shiluvae.

Ephesiami 4:18

Pano kükümsü ye aküzü lo ani, eno amlo kümka lono kiumu ithini shimo kehu mbomzü shi Alhou no tsükeu küxü lono kütüta shivae.

Kolosiami 1:21

Nongu khunoqo ghuthu lakhi lo Alhou launo tüsümi shi aghümi shino alhoksa kümla shiche keno,

Kolosiami 1:27

Alhou no panongu kishelu no Jewkumomi gholo ajuküvüpu kini kije pephe tsüke, ajuküvü lajupu huye Khristo nongu lolo akeu ke.

Kolosiami 1:5

kughengu kuchou tsape, atsakiviu nongu lau atüghüshi ighi kelo tino nongu sala kungugha lo lajupu kike püatsü anie pi nongu chiluke.

1 Thes. 4:13

Athiküzümiqo, ningu ye nongu pelo kithimi vehu ithi mono apenishi amoe, tishianguno nongu pelo lajupu küha kemi toi amloiju pemo niye ke.

1 Thes. 4:5

Jewkumomi khunono Alhou mtha keno pano toi ngosü kümla shikepu kumoe;

2 Thes. 2:16

Itehi ye ni Mpeu Jisü Khristo ampi, eno ni Pu Alhou, khuu no ningu kimiye no küpükini vecheo lhokta lokughuno eno lajupu kivi ni tsü keno,

1 Tim. 1:1

Khristo Jisüw apostol Paul no, ni Xakuluu Alhou zakütsü eno niw lajupu Khristo Jisü vecheo,

IBRIMI 11:34

amiküqü pinhelu, azütakikihi zülono polu, miqemlei anamu mtotoilu, aghütomi shive, inaghau ghüshimi halelue.

IBRIMI 6:18

tishianguno ala kinikujo lo Alhou ye akimkiu shivemla kehu ningu khunoqo no Pa ijeluve akeno mtotoi shi lajupu ni zülo qhitsü keu tsüqülu peniye ke.

IBRIMI 8:6

Ikemu Khristo no lacheu shino puloshoqhi shikeu no akiviu keke pa kümlau no aqau kümlapu nguno shishe akighicheu shive, kughengu ti ye thime kivi piqhi keu shouno shike.

1 Peter 1:21

Pa vecheo nongu no Alhou Khuu akithi lono Khristo xüputhupe ajekipi Pa tsü keno, Pa lau pülübe cheni, tishianguno nongu küpülü eno lajupu ye Alhou lau apeniye ke.

1 Peter 1:3

Ni Mpeu Jisü Khristo Papu Alhou sheqhe ani! Paw kimiyekini kije pesü akithi lono Jisü Khristo xüputhu keu vecheo ningu pelo aküxüpu lajupu lo punu kithe lupe,

1 Peter 3:15

ikemu nongu mlo lo Khristo ye Ampeu eno akimthe kepi gihulo, nongu lolo lajupu akeu kiqi khuana no iniju aye sükusho tsa pilu kepushi alhokuthu kutope alo; tishimu akümtsha eno sükümsa lono shilo,

1 John 3:3

Eno khuu no Pa lau lajube cheni keno Pa no akimthe shike toi pa ghi pa ampi shikimthe luve cheni.