Ephesiami 2:10 - Sumi Naga CL (Re-edited) Bible (BSI)

¹⁰ Kughengu Alhou ye ningu pelo Khristo Jisü gholono Pa no azünatha kughu püake toi akümla kivi mlalu eno tipa lalo cheche peniye ningu pulhosüe, ikehu ningu ye Paw kütshakügha kümla ke.

BAIBEL (BSI)

¹⁰ Ninguye Alhou ghenguno mlakuqha chekeqoke, eno Khristo Jisu gholono akumla kivi shipeniye pano ningu lhoqhike, ningu pelo tipaqo shipeniye Alhou no puzuuno kutope qhiveke.

Sümi Tiqhelimi Bible

¹⁰ Kughengu ningu ye Alhou no azüu no ningu ghenguno akümlà kivi kutò pe qhipüakeqo mülà peniye Khristo Jisü vechewo lhophe ke. Eno ningu ye Alhou’w au no mülà keqo ke.

Ephesiami 2:10 Iomraidhean Croise

LESHELE 100:3

Ampeu ye Alhou kepi ithilo! Pa no ningu Lhoke eno ningu ye Paw ke; ningu ye Paw timi eno Pa tsüni kümtsha-a lo ambeqo ke.

LESHELE 119:3

khunono akumou shichemo, ikemu Pa laghi lo checheni keno pano lokivipue!

LESHELE 138:8

Ampeu no I ghenguno Pa kimji shikupu tsü nani; O Ampeu, Ow iqemokeu kikimiye ye alholo acheni. O u no mla keqo pheve kevilo.

LESHELE 51:10

Amlo kimthe I lolo lhosü tsülo, O Alhou, eno achipiu ghungu I lolo sütsülo.

LESHELE 81:13

O, Iw timiqo no I tsa initsü keaye, Israel ye I laghi lo checheni cheke!

ISAIAH 19:25

ti ye aqokitikhi MPEU no ishi pino kümghatsü keu lono ke, “Egypt Iw timi, Assyria I u lo kümla, eno Israel I mheghi, akümghapu shilo.”

ISAIAH 29:23

Kughengu panongu no pano tianuli I u no lhokeqo ithulupe akimtheshi I je ikhilu nani; panongu no Jacob Lhou Akimtheu eno Israel Lhou zülo agigihupu shi puthugho nani.

ISAIAH 43:21

Timi tipaqo ye I no I sala shi lhophe keqo, tishianguno panongu pelo I sheqhe shipili peniye ke.”

ISAIAH 43:7

panongu ye I je ku püani, I juküvüpu shi peniye I no pano koghe lhophe tsüke.”

ISAIAH 44:21

O Jacob eno Israel, avehu hipaqo kümsülu lo, kughengu no ye I qeu ke; I no o lhoe; no ye I qeu O Israel, Ni ye o kümsümave monani.

ISAIAH 60:21

Now timi kümtsü no achipiu shi nani, eno alhokupuju lo ayeghi pesü amheghi shiluve nani, panongu ye I no shosükeu lokaqo eno I u lo kümla ke, tishikeu lono I juküvü shiniye ke.

ISAIAH 61:3

Zion lo mloqa akemi lopiqitsü peniye, eno ayevu theli lo jukivi kütsükuqho panongu tsüniye, mloqa keu theli lo alokivi thazü tsüniye, amloksa theli lo shekiqhepu phimini tsüniye ke; tishianguno panongu ye amikucho phisübo, Ampeu no shosü keu, ipi ku nani, eno Ampeu juküvüpu shinani.

JEREMIYA 31:33

Tithiu I no itehi Israel kibo sasü puloshoqhi shini keu ye hike, Ampeu no sheshu: I no I yezah panongu lolo sütsüni, panongu mlo lo yesü tsüni. I no panongu Lhou shinani eno panongu no Iw timi shinani.

MATTHEW 5:16

Tipaphi lono, kütami zülo nongu kulu vüqailu pelo, tishikeu lono panoqo no nongu kümla kivi ithulu no ajuküvü pesü nongu Papu kungugha lo akeu tsü nani.

John 3:21

Ikemu khukhumu kuchou shi chekemi no aküvü lo ighi cheni, tishianguno pa kümla ye Alhou pulou lono mla püanie pi mtsümishei ithulu cheni.

Apostolmi 9:31

Judea, Galilee, eno Samaria qha kümtsü lo akukuhou ye iqüghai keu do sholu eno shikumtolu ae. Ampeu sükümsa lono chewu eno Aghungu Kimthe no shikumto keu vecheo ikowolu.

Apostolmi 9:36

Joppa lo akhopemi totimi lakhi Tabitha, pekide kelo Dorcas ipikeu ae. Li ye akümla kivi eno kumlhomi tsükinimi ke.

Rommi 8:1

Tighenguno itehi ye khunono Khristo Jisü laumi shive akeno, panoqo ye kileqhive kepu kühavae.

Rommi 8:29

Timi khunoqo Alhou no azünatha ghi ithi akeno panongu pelo Pa Nu julho kimihi shiluve peniye Pa no panoqo kishe kütüta shive, tishianguno athiküzümi kutomo gholo Anu pelo amsüu shi peniye ke.

1 Kor. 3:9

Kughengu ningu ye Alhou kümlapu lo mlaküqha chekemi; nongu no Alhou luza eno Alhou ki.

2 Kor. 5:17

Tighenguno khukhumu Khristo gholo xükime luve aye, pa ye lhoxü kithe shivae. Aqau ye wovae; julo, akitheu ighivae.

2 Kor. 5:5

Khuu no aghungu pesü ningu tsü püzü ningu ghenguno thime hipau kutokughoi qhitsü keno ti huye Alhou ke.

2 Kor. 9:8

Eno Alhou ye kupukuno shi nongu kümghatsü kulupu ani, tishianguno ado kümtsü lo kiukiu lomu nongu no avehupu shikeu lukümkha shilu nani, eno akümla kivi kümtsü lo nongu ye ikoishelu nani.

Galatiami 6:15

Kughengu aphighüyiko ghana ghamo namu kiumu akiqi kühae, ikemu lhoxü kithe shiluve keu no akhotou ke.

Ephesiami 1:1

Alhou kupulo lono Khristo Jisüw apostol Paul no Ephesus lo küpülümi Khristo Jisü sasü lakhi shive kemi lau:

Ephesiami 1:4

kughengu ayeghiqha boqha ghomphi lono Pa no Khristo gholono ningu kishelu keu ye ningu pelo Pa zülo tukutiye kühano akimthe shipeniye ke. Kikimiye lono

Ephesiami 2:13

Ikemu Khristo Jisü laumi shilu keu lono nongu khunoqo ghuthu lakhi lo putou ache keno, itehi ye Khristo ji vecheo aphivilo sasü ighivae.

Ephesiami 2:15

ti ye Ayezah lo azakütsü eno akhuaye jeli kümtsü shipühave tsükeu lono ke, tishianguno pa no timi mqo kini pesü pa lau timi kithe lakhi shi kughulhophe no külashi tsü,

Ephesiami 2:2

Ti ye hipa yeghi lo küxü la pape, amülhü lo aghawu küka pape, itehi hekibidemi nuli lau mla akeu ghawu pape chenipi

Ephesiami 2:6

eno Khristo Jisü laumi shikeu lono ningu ghi pa gholono xüputhupe kungugha kiqhe-a lo pa gholo küghüqae.

Ephesiami 4:1

Ikehu ni, Ampeu ghenguno akughumi, huno nongu ghutu ani, khipa lalo cheche penike Alhou no nongu kuluve akeno nongu ye aküzüpu shi chechelo,

Ephesiami 4:24

kuchou mikucho ngo akimthepu pesü Alhou kimihi lono lhokeu lhoaye kithe pepulu peniye ke.

ZAKINIU 32:6

Nongu mbomzü eno akükümsü küha keqo, hitoi Ampeu lochileni keshea? Pa ye nongu Papu, Pulhoküsüu, nongu iqhikumto tsüke kumo?

ZAKINIU 5:33

Ampeu nongu Lhou no azah tsükeu kümtsü shilo, tishianguno nongu ye xülu nani, eno nongu no pükhalu niye akeu yeghi lo nongu ye akivi shino eno axüshu nani.

FILIPIAMI 1:6

I no mtsüqhei hi pi ani, khuu no nongu lolo akümla kivi huthutsü keno Pa no ti pekibewo Jisü Khristo ikighi Tsala lono kupukülai kishekha tsü nani.

FILIPIAMI 2:13

kughengu nongu kükümsü eno akümla kümtsü Alhou gho-apulou shi peniye nongu lolo mlatsü chekeu ye Pa ke.

Kolosiami 1:10

tishikeu lono nongu pelo qhoi Ampeu lopushi ameküapu küxü xülu: akümla kivi kümtsü lo athi pithilu eno Alhou kighithi ikowolu peni;

Kolosiami 3:10

eno alhoaye kithe pepu luvae, ti ye Lhoküsüu no Pa ithitoilu penike Pa kimihi shitsü acheni.

2 Thes. 2:17

Pa no akümla eno atsa kivi pesü nongu mlo lokughuno tsüno shikumto tsü apeniu.

1 Tim. 2:10

eno kiu no Alhou ithitoi kemi totimi ghenguno aghibiu keno, akümla kivi gholono tishi penishie.

1 Tim. 5:10

li ye akümla kivi hitoike ghenguno ajuaje kivi aghi masa: atianuli akivishi saputhu kemi, inami sasü kinimi, Alhou qemi pukhu qhutsü kemi, shiluküsami kuphu kemi, eno thokha lo akümla kivi shi kemi.

1 Tim. 5:25

Tihutoi akümla kivi ghi pekiphe shive cheni, eno pekiphe shi aghimo namu alhokuthu küsüve mla nani.

1 Tim. 6:18

Panongu ye akivi mla masae, akivi kümla lo nibonilei masa, tsükinimi shimasa eno küsajeni keu lo kutope khemasae.

2 Tim. 2:21

Tighenguno khukhumu alhoksa lono pa shikimthe luve aye, pa ye akhoto vehu lo peitha chekeu thime toi kishekimthepe aki Mpeu vehupu lo peitha kivishi akümla kivi ghenguno kutope qhinani.

2 Tim. 3:17

tishianguno Alhou timi pelo shitsa shilu no akümla kivi kümtsü lo kupukülailu peniye ke.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

Titus 2:7

No ampi pesü thokha lo kichekipiye kivi shipe piyelo, o kükütsü lo akikhi eno agigihupu piyelo,

Titus 3:1

Yepemi ngo kükagha kipemi qhoqhü penike panongu ghutu lo, aghokulu shino akümla kivi shinike kutolo pilo.

Titus 3:14

Niw timiqo pelo amlo tsüqhiyi akümla kivi shikalu pelo, tishikeu lono avehu küküha küxü xümono avehupu shikütü akemi kuphulu peni.

Titus 3:8

Akipitsa hi ye ameküapue, ni ye o pelo hipaqo pikichichi apenishi ani, tishikeu lono khunono Alhou pülüluve akeno panongu pelo tsaqüi akümla kivi lo amlotsü penishi ani. Hipaqo ye timi ghenguno akighiche eno ala shikulupu anike.

IBRIMI 10:24

Ningu kishino lakhino lakhi hakuthope kimiye kile eno akümla kivi shiluni keno alomsüni nolo,

IBRIMI 13:21

akivi thime kümtsü pesü nongu tsüno Pa pulou shilu peni, eno Pa no Jisü Khristo vecheo ni lolo Pa pulou shipeni; alho lono alholo Pa lau ajekipi apelo. Amen.

1 Peter 2:12

Alhou mtha kemi gholo nonguw süqesüli ye gihuküzüpu shilo, tishianguno panoqo no nongu ye küsakügha kümlami kepi jeku anamu itaghi nongu kümla kivi ithulupe Alhou no ighike Tsala lo akishe tsülu nani.

1 John 1:7

Ikemu Pa no aküvü lo ache ketoi ningu ghi aküvü lo cheche aye, ningu ye lakhino lakhi sasü kuposhulu ani eno Pa Nu Jisü ji no axine kümtsü launo ningu shikimthe tsülu ani.

1 John 2:6

khuu no pa ye Alhou laumi ipini keno pa ye Jisü no cheche keu laghi lo chewu kepue.