DANIEL 9:7 - Sumi Naga CL (Re-edited) Bible (BSI)

⁷ O Ampeu, achipiu mikucho ye Ow, ikemu ishi tsala lo Judahmi, Jerusalem lo küxümi, eno Israelmi, Nono aphivilo eno putou aghakhu kümtsü lo hapupove keqo no O pishiqhive kehu, ningu ghengu ye ikhikiphe kukujopu shivae.

BAIBEL (BSI)

⁷ No, AMPEU ye kiuno achipi keno tipau alhokuthu shicheni, ikemu pulhapuju nino nilikhi nishou akukujopu sughi cheni. Hipau tsaye ningu kumtsu ghenguno achipike, khunoqo Juda lo Jerusalem lono Israilmi nono ayeghiqha kumtsu apanagha hapiyepighi vetsu keno tipau huye panonguno ogho lumo keghenguno ke.

DANIEL 9:7 Iomraidhean Croise

EZRA 9:13

Niw küsakügha kümla eno akipimi kije ghenguno ni shou aghime kümtsü ikughive kethiu ghi, nino ithulu akeu ye, ni Lhou ye ni xine ghenguno nino aghime ithulu masakeu nguno aghulou pesü tsüke eno ghükulumi hitoi ningu tsüke,

EZRA 9:15

O Ampeu, Israel Lhou, No ye achipiu ke, ningu ye ishi tsala lo ghükulumi shi pokalu keqo ke. Julo, ni kipimi pesü O zülo ighi anie, kughengu khunomu hipau ghenguno O zülo ighilu amoe.”

NEHEMIA 9:33

Tishimu ni shou ikughi ke kümtsü lo No ye amikuchoe, kughengu nino axine shive kemu, No ye pükhükulupu ke.

LESHELE 119:137

No ye amikucho ke, O Ampeu eno Ow pimheyeqo ye achipi ke.

LESHELE 44:15

Atsala kupuju I kukujopu no I zülo ani eno akukujo no I gi küzü luvae,

LESHELE 51:14

O Alhou, aji pelekeu kipimi lono I xaphe tsülo, O I xakulu Lhou, eno I kichi lono O chipiu mikucho vekipighi shipilini.

LESHELE 51:4

O hebide ghi I no axine shive no O nhethe lo kiu no alhoksa keno ti shivae, ikehu O tsa ye achipi loke eno Ow küghakütha lo tichetighe kühae.

ISAIAH 11:11

Tipa ghuloki lo Ampeu no Assyria, Egypt, Pathros, Cush, Elam, Shinar, Hamath, eno azüghimkü lo Paw timi achilishi ghüpüaghi keqo itaghi ghuthu akiniu xaphe nike Pa küka peitha nani.

ISAIAH 45:16

Ajulho shisü chekeqo kümtsü shikujovae; panongu ye kümtsü avehu izü khavae.

JEREMIYA 12:1

O Ampeu, O lau muchho kelo No ye achipiu shicheni; tishimu I vehu pesü O qhüinijuni. Kushiye kixikilami no kinikülü shicheni kea? Kushiye pishikiqhimi kümtsü no ikoishelu cheni kea?

JEREMIYA 23:6

Pa ghuloki lono Judah xaluve nani, eno Israel ye sükusho lono xünani. Pa je hipau ku nani: ‘Ampeu ye niw achipiu mikucho.’

JEREMIYA 24:9

I no khile panongu hapuwuni keno ayeghi lo kükaqha kümtsü lau panongu pesü aküighüpu, thoküghapu, küghakichepu, atichepu, eno angusüpu shitsü nani.

JEREMIYA 3:25

Ningu akukujo lono ihozüni, eno niw küthaküghapu no ni küzüluve peni nolo, kughengu ningu no Ampeu ni Lhou mjochile axine shivae, ningu eno ni puasüqo ghi, ni lhothe lono ishi kutolo ningu ye Ampeu ni Lhou tsa gholu move.”

JEREMIYA 32:32

kughengu Israel ngo Judah tianuliqo kümla lhoksa jeli no I mlo shikighide tsüke—kükami ngo hiyampemi, achinemi ngo tungkupmi, Judah ngo Jerusalem lo küxümiqo kümtsü noke.

JEREMIYA 33:16

Tipa tsala lo Judah ye xaluve nani, eno Jerusalem ye sükusho lono xülu nani. Aje hipau pe ishi ku nani: ‘Ampeu ye ni chipiu mikuchoe.’

JEREMIYA 4:17

Li no I mjochile kehu panongu alu khemi toi li botha luvae, Ampeu no asheshu.

JEREMIYA 7:19

Panongu ye I xukutho ani keo? ipi Ampeu no asheshu. Hi ye panongu ampi kukujopu shi anike kumo?

EZEKEL 16:63

tishikeu lono no ye kümsülu eno kujove nani, eno kughou nono mlave keqo kümtsü ghenguno I no o qhukimtheni keno o kukujo vecheo no ye itaghi khilemu o kichi xükho move nani.”

EZEKEL 36:31

Tileno nongu no now kixikila laghi, eno akümla lhoksaqo kümsülu nani, no kipimi eno aphikümqhüpu ghenguno nongu no nongu ampi ju aphimqhü nani.

EZEKEL 5:10

Tighenguno apunoqo no pano nuli shi chu nani, eno anuliqo no pano papuqo shi chu nani. I no aghime nongu lau süghi nani, eno nongu khukhumu xülu keu ye I no amülhü la lo hale puwuve nani.

EZEKEL 6:12

Timi khuu no putou ani keno püsa lono thive nani, khuu no aphivilo ani keno azütakikihi lono ikiqive nani, eno khuu ghülu no xüluni keno püqümiye lono thive nani. I no hitoi panoqo shou I loghu puku nani.

DANIEL 9:14

Tighenguno Ampeu no amhekiqi kutope qhive no ningu shou puwu ke, kughengu Ampeu ni Lhou ye Pa no mlakeu kümtsü lo amikuchoe, ikemu ningu no Pa tsa gholu moveke.

DANIEL 9:18

O I Lhou, O kini kugho puwolo eno inilo. O nhethi xükho no nino küghüküghalei akeu, eno mishighüna O je lono ku püakeu julo. Kughengu ningu mikucho ghenguno ningu ye O zülo qhüiniju keu hipau süghi anike kumoe, ikemu Ow kikimiye kije akeu ghenguno ke.

DANIEL 9:8

O Ampeu, ningu ghengu ye ikhikiphe kukujopu shivae, kughengu ningu eno niw kükami, kükapumi eno ni puasüqo no O shou axine shive ke.

AMUS 9:9

“Kughengu Julo, I no azah tsüno shiyeqo dolo Israel shiaye süküthü nani, ti ye akhoje no ijo akeshi ikemu atumüsü mu ijoqhimo nani.

Rommi 6:21

Ikemu itehi thime khipaqo ghenguno nongu no kujo ani keno, tipa ghuloki lo nongu ye thime tipaqo launo kiu ala shilu kea? Kughengu thime tipaqo shekuho ye akithi ke.

ZAKINIU 32:4

“Pa ye Atuqu, Pa kümla ye kupukülai, Pa kümla kümtsü achipiu ke. Pükhübekulu eno akipimi kühakeu Lhou ke, achipiu eno amikucho ye Pa ke.

ZAKINIU 4:27

Ampeu no ashiayeqo gholo nongu kutholeve nani, eno khuno shiye lau nongu hapuwuve akeno tipaqo gholo nongu ye aghuloshi likhive nani.