DANIEL 9:4 - Sumi Naga CL (Re-edited) Bible (BSI)

⁴ I no Ampeu I Lhou lau inikhu eno axine piphe no pi, “O Ampeu, akughushu eno agigihupu Lhou, khunono Pa kimiye eno Pa yezah pape cheni keno tipaqo lau Paw puloshoqhi ngo iqemokeu kikimiye chekeu,

BAIBEL (BSI)

⁴ Ino iwu timiqo kipimi pipheghi AMPEU iLhou vilo inikhua. Ino pi, “AMPEU Alhou, noye ighono kije tighenguno ino ogihu cheni. Noye owu puloshoqhi atho shi pecheni eno khunoqomino okimiye cheni eno ozah kutsu shikupu cheni keno tipaqo lau iqemokeu kikimiye piye achenike.

DANIEL 9:4 Iomraidhean Croise

KUKAMI ATUGHIU 8:23

eno pi, “O, Ampeu Israel Lhou, atsütsü qholo eno ayeghi shou khumu O toike kühae, Nono O qemi no amlo kuchopu ikhiphepe aghokulu shi ake thaqhü lo Ow timiqo sasü puloshoqhi shikeu pape eno O kikimiye panongu lau pephe piye ke.

YEKIKITHI AKINIU 7:14

tsala Iw timi I je kuche keqo no kuchuni püzü inikhu no I phuighi eno panow kixikila lono tsüghü ighi aye, I no kungugha lono panongu kighini chilutsü nani eno pano xine qhive tsüno pano yeghi shipivi tsü nani.

EZRA 10:1

Kughou Ezra no Alhou kilo qhoqhünhepe inikhu qa eno akipimi piphe keno, Israel lo kiptimi, totimi eno itimiqo kutomo no pa gholo kumqo luve, kughengu timiqo no kukhukimji shi qa ake.

NEHEMIA 1:5

Eno I no pi, “O Ampeu, kungugha Lhou, No ye akighiche eno akughushu Lhou, khunono O zakütsü pecheni keno Nono Ow puloshoqhi eno iqemokeu kikimiye piye cheni.

NEHEMIA 9:32

“Tighenguno itehi, ni Lhou, akijeu, akumtou, eno akichiqhipu Lhou, puloshoqhi eno iqemokeu kikimiye pekupu chekeu, Assyria kükami ghuloki lono ishi kutolo aghime ni shou ikughi keu eno niw kükami, sakiphemi, achinemi, tungkupmi, apuasü, eno timi kümtsü shou ikughi keu jukuloti tsü kevilo.

LESHELE 32:5

I no I xine O lau pipheve eno I kipimi küsümoe; I no pi, “I kipimi Ampeu lau pipheni,” eno Nono I xine kipimi qhivetsü.

IPEKULU 20:6

ikemu khunono I kimiye eno I zakütsü pape cheni keno tipaqo lau iqemokeu kikimiye tiqheli qhethonhe kutolo piye cheni.

JEREMIYA 3:13

Nono Ampeu o Lhou hebideve o pulou pesü asüminipho qholo inaghami lau tsüve no I tsa gholu move keu kipimi kepi ikhilu lo, ipi Ampeu no asheshu.

JEREMIYA 32:23

Panongu no tile ilo no ayeghi pükhalu. Ikemu panongu ye O tsa gholumo eno O yezah lo cheche moveke. Nono panongu pelo shi penike azah tsükeu kiumu shimove. Tighenguno Nono panongu shou amhekiqi hipaqo pukutsüe.

DANIEL 6:10

Kughou Daniel no kiyepa lo jemchi süvae pi ithive keno, pa ye pa ki kunguu chebo lo alasheqo Jerusalem küdau khaqhipe qhi chekeu lo ikuve. Pa no azüu shiche ketoi, atsala lo ghuthu küthü qhoqhünhe no akighini shi eno pa Lhou zülo shikimthi tsüe.

DANIEL 9:3

I no Ampeu Alhou lau I gi kugho puwo, akighini eno kümvü keu, yeqhiyephi ngo ayevu vecheo küpükini piye penike qhüiniju.

Luke 1:72

Tishikeu lono ni puasü lau piqhi püakeu kimiyekini piye, eno Pa kimthe shoqhi kümsüchile luniye ke,

Rommi 8:28

Eno nino ithi akeu no Alhou kimiye chekemi khunoqo Pa kimji kupulo kiqi lono kuluve akeno, panongu ghengu ye thokha kümtsü Alhou no akivipu ghenguno mla küqhatsü cheni.

ZAKINIU 5:10

Ikemu I kimiye eno I zakütsü pelu kemi lau tiqheli qhethonhe kutolo Iw iqemokeu kikimiye piye cheni.

ZAKINIU 7:12

“Nongu no pimheye hipaqo tsaqüi ini no pelu aye, Ampeu nongu Lhou no nongu lau Paw puloshoqhi ngo iqemokeu kikimiye no puasüqo lau tushoqhi püakeu peche nani.

ZAKINIU 7:21

Panongu jumsa kevilo, kughengu akijeu eno aküighüpu Lhou Ampeu no nongu gholo ani.

ZAKINIU 7:9

Tighenguno Ampeu nongu Lhou ye Alhou kepi ithilo, khunono Pa kimiye eno Pa zakütsü peluni keno, tiqheli qhethonhe kutolo Paw puloshoqhi eno iqemokeu kikimiye piye chekeu pükhübekulu Lhou ke,

James 1:12

Pujupeju kelo puqhelu kemi kümghapue, kughengu pekuju lo puthugholu kemi ye Alhou no Pa kimiye chekeqo tsünie pi püakeu aküxüpu kütsükuqho ithulu nani.

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?