DANIEL 9:25 - Sumi Naga CL (Re-edited) Bible (BSI)

²⁵ Tighenguno ithi no vetha lulo, Jerusalem tsüchile eno shiqhe nike atsa ipeve keu lono nukisheve keu kükapuu ighike kutolo apinedo tsüni anani. Tishino alaghila eno aqokuchhu gholono tipau shiqhe kithe nike ghenguno apinedo lhotsügho kini anani, ikemu aküküpna do shi nani.

BAIBEL (BSI)

²⁵ Tsaqui juno ithuvelo, Jerusalem mlakithe luvepe nikeu ahza tsukeu lono Alhou no sakipheu kishephe tsukeu ighikeu tsala kutolo, ampe tsunino ghuthu tsuni wo nani. Jerusalem mlakitheveno, atoghila ghutu ighono mutotoi mlave nani eno tipauye ampe tsunino ghuthu lhotsugho kini anani, ikemu tipadoye aghimedo shi nani.

DANIEL 9:25 Iomraidhean Croise

SAMUEL AKINIU 15:25

Tishino akükau no Zadok vilo pi, “Mishighüna lo Alhouw puloshoqhi bohu xapu ilove lo. Tsala Ampeu nhethe lo I kimiyelu kepu aghi aye, Pa no I sachile ighi no I pelo tipa kungo-a ithulupe nani.

EZRA 4:24

Tithiu Jerusalem lo Alhou ki kümla huye lakhave, eno Persia kükau Darius yepe mpe akiniu tomoke kutolo mla mono ngove.

EZRA 7:1

Hipa thiu, Persia kükau Artaxerxes yekipe ghuloki lo Ezra, pa ye Seraiah nu, Seraiah no Azariah nu, Hilkiah nu,

EZRA 7:8

Ezra ye aqhi apunguu lono Jerusalem lo ighi, ti ye akükau mpe akütsüniu shi ae.

NEHEMIA 3:1

Tishino achinetou Eliashib ngo pa thiküzümi achinemi no ithu Ambe Khagho mlave eno peitha nike ikhiphe tsüno tipa hukikhaqo kutope qhitsü. Panongu no Aqhe Qogheki kutolo eno Hananel Qogheki kutolo kishekimthe tsüe.

NEHEMIA 4:2

Pa thiküzümi ngo Samaria ghüshimi zülono pa no pi, “Hi miqemlei kemi Jewmi ye kiu shi anie pi kümsü ania? Panongu ye pano sala shiqhe niye ani keo? Panongu ye aghashi nani keo? Panongu ye atsala lakhi lono shiqhilu nani keo? Panongu ye xine-xigha kiptia lono aki kishi tu mlaphelu nani keshea?”

NEHEMIA 4:8

Panongu kümtsü ighi no Jerusalem lenike kughu eno kübangü keu süghi tsüniye kuchughu.

NEHEMIA 6:15

Atsala lhopungu akiniu, Elul qhi atsala muku apunguni no akupuwu mlaqhi luve.

LESHELE 71:10

Kughengu I ghümi no I shikichi ani; I küxü phuche kemi no kümtsa kuchughu küqha

YETSAPIU 3:3

pithi kepu do, eno shipivi kepu do; hephove kepu do, eno shiqhe kepu do;

ISAIAH 55:4

Julo, I no pa pelo ashiayeqo shou thopiu, eno sakipheu eno zatsüu shipeke.

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

DANIEL 8:11

Akibo no aqokitikhi gholo Kükapuu toi kije shive. Eno tsalakipe kipti kümllagho Pa launo pewuve, eno Pa kimthe-a kütsave tsü.

DANIEL 8:25

Pa mqükini vecheo pa no pishikiqhi pesü pa u qholono kinikülü shipe nani, eno pa kükümsü lono pa ye kije shinani. Pa no ghutu mono kutomo kütsa nani. Eno kükapumi shou Kükapuu lau ghi pa no mjochile ithughi nani, pa ye kuboleve nani—ikemu timi u lono kumo nani.

DANIEL 9:23

Nono kimiye tsü penike qhüiniju akeu ghenguno abothu lono atsa lakhi puwuve ke, eno tipau o vilo piniye ni ye ighivae, kughengu no ye ighono kimiye achenie. Tighenguno atsa kümsükutoju no kungunhetsü vethalulo.

MICAH 5:1

Itehi now ghüshimi hekütsülo, O ghüshimiw ayiliu; ningu lenike khasüpe ngovae; panongu no aqheküsü pesü Israel xaküthau gilo ghapuku ani.

MICAH 5:2

Ikemu O Bethlehem Ephrathah, no khuu Judah lagha gholo aghulou keno, I ghenguno Israel lo yepeu shiniye akeu lakhi o launo ighi nani, Pa ighini keu ye khaghi mulhou tsae.

MATTHEW 13:23

Ayeghi kivi lo vesülu keu piti ye Atsa chilu no ithikuthulu keu timi ke. Pa ye kuchou no athi pithi cheni, eno xokütsü kelo hami no aqhe piqi ithulu cheni, hami no lhotsügho, eno hami no shighi.”

MATTHEW 24:15

“Ikehu kughou Daniel tungkupu no pikeu aphikümqhüpu julho no akimthe-a lo puthugho aghikeu nongu no ithuluni keno (phikulumi no akiqi ithikuthu luvelo),

Mark 13:14

“Ikemu kughou kütsakungoni keu aphikümqhüpu julho no khile ngomo kepu alo puthugho aghi keu nongu no ithuluni keno (phikuluu no vethaluve lo), tile khunoqo no Judea lo aghini keno, ato yeghi lo povelo.

John 1:41

Atüghüshi pa no pamu Simon phuwu no pa vilo pi, “Ningu ye Messiah (tipa kiqi ye Khristo) phuluvae.”

John 4:25

Totimi huno Jisü vilo pi, “Messiah (khuu Khristo ipi cheni keno) ighi nani kepi I no ithi ani. Kughou pa no ighini keno pa no thokha ni vilo pi nani.”

Apostolmi 3:15

Nongu no aküxü Mpeu khuu Alhou no akithi lono xüputhuve keno, pa pithive. Ningu no tipau thopimi ke.

Apostolmi 5:31

Alhou no pa pesü Sakipheu eno Xakuluu shi Pa u ajeu süqhepe qhino Israelmi pelo xaidelu no axine qhikütsü ithulu peniye ke.

Apostolmi 8:30

Philip no pa lau ighi kelo pa ye Isaiah tungkupu kaku phi cheghi keu chilu, ikehu pa no iniju, “No ye kiu phi ani keno vethalu anima?”

Ephesiami 5:16

ado lhoksa shive akehu akivishi ado peitha lo.

Piyeküsü 1:5

eno pükhükulupu thopiu, akithi lono xüputhu tüghüu, ayeghi lo kükami shou Yepeu, Jisü Khristo launo ighikeu pesü nongu tsü ani. Khuu no ningu kimiye cheni, eno Pa ji vecheo axine lono ningu kuqhophepe

Piyeküsü 19:16

Paw chijeboike phi eno pa lukobo lo aje hipau yepuku püa, kükami shou Akükau eno ampemi shou Ampeu.