DANIEL 9:24 - Sumi Naga CL (Re-edited) Bible (BSI)

²⁴ “Ow timi eno ow akimthe mishighüna ghenguno hekibide tave, axine kishekhave, küsakügha ghenguno aghashilu, pülhapuju achipiu mikucho süghilu, kungunhetsü ngo tungkuptsa mekhave, eno shishe akimthe-a nukishelu peniye apinedo lhotsüni za tsüvae.

BAIBEL (BSI)

²⁴ “Ampe tsunino ghuthu lhotsuniye Alhou no timiqo eno owu akimthe phughi axine lono khaqhiphe nikeu kihitha tsukeudo ke. Axine qhivetsu nani eno lhokta mikucho khaqhive tsu nani, tipau lono kungunhetsu ithulu keu eno tungkuptsa kuchou shikupu nani eno akimthe chineki shikimthe kithe tsu nani.”

DANIEL 9:24 Iomraidhean Croise

YEKIKITHI AKINIU 29:24

eno achinemi no tipaqo heqhi no aji pesü akümlla-khache lono axine kümllagho shi Israel ghenguno lokichile shi. Kughengu akükau no Israelmi kümtsü ghenguno akipti kümllagho ngo axine kümllagho shilopi azah tsüke.

LESHELE 2:6

“I kimthe toghi Zion lo I no I ghenguno Akükau süsüvae.”

LESHELE 45:7

No ye achipiu mikucho kimiye eno küsakügha mithi ke. Tighenguno Alhou, o Lhou no o küsami nguno alau alokivi thazü pesü o nukishe ke.

ISAIAH 42:4

Pa no ayeghi lo achipiu xakütha süsü moke kutolo, pa ye angu iqevemo momu aghüthi süvemo nani; eno azüghi mkülo akemi no pa yezah khekulhoshi nani.

ISAIAH 51:6

Atsütsü küdau jupukulo, eno ayeghi qhou jupiqilo; kughengu atsütsü no amchhi toi hailove; ayeghi no aphimini toi ixüthave nani, eno tile küghüna akemi no tipaphi lono thive nani; ikemu Iw xakulupu ye alholo ache nani, eno Iw achipiu-mikucho ye khilemu hauvemo nani.

ISAIAH 51:8

Kughengu apila no aphimini toi panongu tsave nani, eno aninga no asüpha chukeshi panongu chuve nani, ikemu Iw achipiu-mikucho ye alholo ache nani, eno Iw xakulupu ye tiqheli kupuju lo ache nani.”

ISAIAH 56:1

Ampeu no ishi piani: “Achipiu eno amikucho shilo, kughengu I launo xakulu ighini keu kushuo kumovae, eno Iw xaphekulu pephe piye nani.

ISAIAH 61:1

Ampeu Alhou Ghungu no I shou ani, kughengu Ampeu no I nukishevae, I pelo kumlhomi lau sütsa kivi süghi peniye, Pa no amlo ghimeshi akemi shipivi peniye I puwue, akughumi lau kuqhokiphe sütsa sheshu peniye, eno akughumi ghenguno akughuki khaqhitsü peniye ke.

AKUMLO 4:22

O Zion limi, o xine ghenguno aghime ye tavae; Pa ye haphe sawu kithemae, ikemu O Edom limi, Pa no o xine ghenguno ghime nani; Pa no o xineqo lhephetsü nani.

EZEKEL 28:12

“Timi nu, Tyre kükau shou akumlo le phelo, eno pa vilo pilo, Ampeu Alhou no ishi piani: “No ye kupukulu jedapu nguthi, alokütsü no chhitoi eno jukivi no kupukülai ke.

EZEKEL 4:5

Kughengu I no atsala 390 kihithape o tsü ani, ti ye panoqo ghime kikihi mpe qhemike. Titohi no ye Israel laghami ghime xapu nani.

EZEKEL 4:6

Eno kughou nono tipaqo shitaveni keno, no ye akiniu ihozü nani, ikemu tithiu ye o u ajeu küdau, eno Judah laghami ghime xapu lo. I no atsala lhobidi kihithape o tsü ani, ampe lakhikhi ghenguno atsala lakhikhi.

ACHINE 25:8

“Ampe tsüni no ghuthu tsüni küghüsü kelo ampe lhobidi toku kihi lo.

ACHINE 8:15

Pa no amishi heqhipe aji pesü akiptia kiboqo lo lesü no akiptia shikimthe, eno aji achili ye akiptia bophi lo leqhive no kishekimthe tsü.

ZEKHARIA 4:14

Ikehu pa no pi, “Hi ye nukisheve keu pama ayeghiqha kümtsü Mpeu gholo puthugho achekeu ke.”

AKIKIHI 14:34

Nongu no atsala lhobidi lono ayeghi puju ketoi atsala lakhi no ampe lakhi kiqi shino nongu ye ampe lhobidi no xine makho xapu niae, tileno nongu no I mlokiqi kumo ithi nani.’

MATTHEW 1:21

Li no anu lakhi punu nani, eno no ye pa je Jisü kutsü nani, kughengu pa no paw timiqo pano xine lono xalu nani.”

MATTHEW 11:13

Kughengu Moses Yezah eno Tungkupmi kümtsü no John ghuloki kutolo hipau yekipe vehu pikibe ighi,

MATTHEW 4:5

Tishino tüghami no akimthe phughi lo pa sawu eno achineki kütsüqa lo ngope

Mark 1:24

“O Nazarethmi Jisü, no ye ningu lau kiu shikepu ani kea? No ye ni kütsave niye ighive akeshea? Ni ye no khuu keno ithi ani—Alhouw Akimtheu ke.”

Luke 1:35

Kungumi no khochile, “Aghungu Kimthe no o shou ikughi nani eno Shishe Akiqheu küka no o nhape ngo nani; ikehu anu punu niye akeu ye Alhou Nu akimtheu ipi ku nani.

Luke 21:22

kughengu yepüa keu kümtsü shikupu keu shi hi ye amkhükulu ghuloki ake.

John 1:41

Atüghüshi pa no pamu Simon phuwu no pa vilo pi, “Ningu ye Messiah (tipa kiqi ye Khristo) phuluvae.”

John 3:34

Alhou no khuu puwu keno pa no Alhou tsa pesü pike, kughengu Alhou no Pa Ghungu kupukuno shi pa tsüe.

Apostolmi 3:14

Nongu no Akimtheu eno Amikuchou milive no ghikiqhimiu kuqhophe tsülopi khuluve.

Apostolmi 3:22

Moses no pivae, ‘Ampeu Alhou no nongu ghenguno tungkupu lakhi I toike nongu thiküzümi gholono ipipe nani. Pa no kiu kiu pimu nongu ye pa tsa ini masae.

Apostolmi 4:26

Ayeghi lo kükami eno yepemi hekütsü kumqope Ampeu no Nukishe keu mjochile ke’

Rommi 5:10

Kughengu nino Alhou ghümi shi ache kelo thotsü Pa Nu kithi vecheo ni pelo Alhou lau külashilu püaghipe aye, itehi ye nino külashi luve akeke itaghi alaushi Pa küxü vecheo ni xalu nani.

1 Kor. 1:30

Pa ghenguno nongu ye Jisü Khristo lau kimepe ani, ni ghenguno Khristo ye Alhou launo ighikeu lokütsü, amikucho, shikimthekütsü, eno xachilekulu ke.

FILIPIAMI 3:9

püzü pa laumi shilu niye ke, ti ye I mikucho, Ayezah pelu keu lono ighikeu kumono aküpülü vecheo Khristo launo ighikeu, khikhi aküpülü shou bepe acheni keno achipiu-mikucho ti Alhou launo ighikeu huke.

Kolosiami 1:20

eno ayeghi lona kungugha lomu Anu vecheo thokha Pa lau alupekili niye kros lono pa ji pele keu vecheo külashi tsüe.

Kolosiami 2:14

ti ye ayezah kiqi lo ningu pi-ashe yekithi püakeu no ningu shou kükhaküla akeu ikhive tsüke. Pa no kros lo ti yedave tsükeu lono ikhive tsüe.

IBRIMI 10:14

Kughengu pa no ghuthu lakhi aghashi keu lono khunoqo shikimtheve akeno tipaqo alhokuthu ghenguno kupukülaive tsüe.

IBRIMI 2:17

Tighenguno pa ye thokha jeli lono pa thiküzümiqo kimihi shi masave, tishianguno Alhou kümlapu lo pa ye kimiyeqhiyi keu eno pükhükulupu chinetou lakhi shi püzü timiqo xine ghenguno alashitsü peniye ke.

IBRIMI 7:26

Ningu no akimthe, tichetighe küha, tukutiye küha, axinemi launo kütüta shipe atsütsü nguno kunguu süqheve keu chinetou hitoike aghikeu ye achipie.

IBRIMI 9:26

tishike aye ayeghi lhopheke pa ye ghuthu kutomo imeve aghini cheke. Ikemu tiqheli shekuho lono pa no ghuthu khavino kümtsü ghenguno pa ampi pesü aghashive keu vecheo axine peve tsüniye ipeghike.

2 Peter 1:1

Jisü Khristo qeu eno apostol, Simeon Peter no, Ni Lhou eno ni Xakuluu Jisü Khristo mikucho lono khunono ni sasü kümghülu ghi aküpülü ye ithuluve akeno panoqo lau ye ani:

1 John 3:8

Khukhumu axine kümla shiche keu ye tüghami laumi, kughengu tüghami ye abothu lono axine shisü ighivae. Alhou Nu no ipeghi keu kiqi ye tüghami kümlaqo kütsave tsüniye ke.

Piyeküsü 14:6

Tileno kungumi kütau lakhi no ayeghi lo küami, shiye eno ashiaye jeli, timi mqo eno atsa jeli kümtsü lau lhokta tsakiviu sheshuni ke atsütsü mta lo yecheghi keu I no ithulu.

Piyeküsü 3:7

“Philadelphia kukuhou lo kungumi lau yelo: ‘Akimtheu, Amikuchou, Khuu no Davidw khaqhiyi pecheni, Khuu no khaqhi aye khunomu khalu chemo, eno khave aye khunomu khaqhilu chemo keno Pa tsape.