DANIEL 9:19 - Sumi Naga CL (Re-edited) Bible (BSI)

¹⁹ O Ampeu, inilo; O Ampeu, akipimi qhitsülo. O Ampeu, amlo tsüqhiyi shino mla tsülo. O je ghenguno munu kevilo, O I Lhou, kughengu Ow mishighüna eno Ow timiqo ye O je ku achenie.”

BAIBEL (BSI)

¹⁹ AMPEU, nitsa initsulo, nikipimi qhive tsulo, eno nishou kimiyekeu kumla shitsulo, tishikeu lono timi kumtsu pelono noye Alhou kepi ithive penike, munutsu kevilo, aphughi hipau eno timi hipaqoye owuke.”

DANIEL 9:19 Iomraidhean Croise

YEKIKITHI AKINIU 6:21

Kughou o qeu ngo ow timiqo no akümllaki küdau juno inikhuni keno, panongu kighini chilu tsülo. Kungugha lo O kungo-a lono initsü lo eno kughou Nono chiluni keno ni kipimi qhitsülo.

YEKIKITHI AKINIU 6:39

O kungo-a kungugha lono, ini tsüno pano vehupu shitsülo, eno Ow timi khunoqo O zülo axine shive akeno pano kipimi qhitsülo.

ISAIAH 43:7

panongu ye I je ku püani, I juküvüpu shi peniye I no pano koghe lhophe tsüke.”

JEREMIYA 14:7

“Ni xine no ni shou thopi shi ani, O Ampeu, O je lono kiuala shitsü lo; kughengu niw hekibide no ihuloe; nino O shou axine shivae.

JEREMIYA 14:9

No ye kushiye timi lakhi no avehu izüveke toi, xamlani keu ghütomi toi ani kea? Ikeghi, O Ampeu, No ye ni gholo ani, nino O je ku anike ni qhivetsü kevilo.”

JEREMIYA 25:29

Kughengu julo, I no I je lono kukeu mishighüna lo amhekiqi kümla huthu kelo o ghime moveni keshea? O ghime nani pütsae, kughengu I no ayeghi lo küxümi kümtsü ghime nike azütakikihi ku ani, ipi aqokitikhi MPEU no sheshu.’

EZEKEL 20:14

Ikemu shiye jeli khunoqo gholo panongu no xüani keno pano nhethe lo I je shikitiqe moniye I no I je ghenguno panoqo saipeghi keu vecheo panoqo pelo Ni ithipe ke.

EZEKEL 20:22

Ikemu I no I u süchile luve eno I je ghenguno tishive, tishianguno shiyeqo nhethe lo I je shikitiqe moniye ke, panoqo nhethe lono I no panoqo saipeghi ke.

EZEKEL 20:9

Ikemu shiye jeli khunoqo gholo panongu no xüani keno pano nhethe lo I je shikitiqe moniye I no I je ghenguno Egypt yeghi lono panoqo saipeghi keu vecheo panoqo pelo Ni ithipe ke.

EZEKEL 36:22

“Tighenguno Israel kibolomi vilo pilo, Ampeu Alhou no ishi piani: O Israel kibolomi, I no mla niye akeu ye nongu ghenguno kumono nongu no shiye khunoqo gholo ighi keno panoqo zülo shipixive keu I je kimthe ghenguno ke.

EZEKEL 39:25

“Tighenguno Ampeu Alhou no ishi piani: Itehi ye I no Israel ngukümgha athoputho tsüni eno Israel kibolomi kümtsü kimiyeqhiyi eno I je kimthe süshoni.

DANIEL 9:18

O I Lhou, O kini kugho puwolo eno inilo. O nhethi xükho no nino küghüküghalei akeu, eno mishighüna O je lono ku püakeu julo. Kughengu ningu mikucho ghenguno ningu ye O zülo qhüiniju keu hipau süghi anike kumoe, ikemu Ow kikimiye kije akeu ghenguno ke.

AMUS 7:2

Kughou tipaqo no ayeghi lo atsüni chukhave tsü keno, I no pi, “O Ampeu Alhou, kimiyeno akipimi qhitsülo! Jacob ye ighono aghuloke kishi puthugho luni kea?”

AKIKIHI 14:19

Nono Egypt lono hi kutolo timi hipaqo kipimi qhivetsü ketoi kimiyeno Ow iqemokeu kikimiye kije lono timi hipaqo kutokumo peve tsülo.”

AKIKIHI 6:27

“Panongu no hitoi I je pesü Israelmi shou beni, eno I no panongu kümgha tsüni.”

Luke 11:8

I no nongu vilo piani, timi huno ithughi no kiumu tsülu moae pi aghi namu aküsami shi aghi kehu kumo püzü pa no ighümo no tsüikhomo khu ighive kehu pa ye ithu kiu kiumu avehupu shi akeu tsüve nani.

Apostolmi 15:17

tishianguno timi jeli eno Jewkumomi khunoqo I je vecheo kuluve akeno, panongu pelo Ampeu phu peni, ipi Ampeu khuu no khaghi no hipaqo ithipe keno, Pa no pi.’

Ephesiami 1:12

tishianguno ningu khunoqo paghino Khristo lau lajubelu keno, Alhou jekipipu sheqheni keu lo ghi titoi peniye ke.

Ephesiami 1:6

Paw küpükini kije pephepe Qhuivükicheu nu vecheo ningu kümghatsü keu ye sheqhe akepu lo ani.

Ephesiami 3:10

tishianguno akukuhou vecheo Alhou lokütsü, thokha kümtsü lo aghola kütüta lono pephe chekeu, pesü itehi ye kungulo yepemi eno aküka kumtomi lau kilethi tsüniye ke.