DANIEL 9:14 - Sumi Naga CL (Re-edited) Bible (BSI)

¹⁴ Tighenguno Ampeu no amhekiqi kutope qhive no ningu shou puwu ke, kughengu Ampeu ni Lhou ye Pa no mlakeu kümtsü lo amikuchoe, ikemu ningu no Pa tsa gholu moveke.

BAIBEL (BSI)

¹⁴ O AMPEU niLhou nono kishi nighime nani piakeno ni ghimeveke, kughengu noye alhokuthu kiu achipi keno tipau shicheni, ikemu nino otsa inichemo.

DANIEL 9:14 Iomraidhean Croise

YEKIKITHI AKINIU 12:6

Tileno akükau ngo sakiphemi no panongu pesü kuchuni no pi, “Ampeu ye amikuchoe.”

EZRA 9:15

O Ampeu, Israel Lhou, No ye achipiu ke, ningu ye ishi tsala lo ghükulumi shi pokalu keqo ke. Julo, ni kipimi pesü O zülo ighi anie, kughengu khunomu hipau ghenguno O zülo ighilu amoe.”

NEHEMIA 9:33

Tishimu ni shou ikughi ke kümtsü lo No ye amikuchoe, kughengu nino axine shive kemu, No ye pükhükulupu ke.

LESHELE 111:7

Pa u no mlakeu kümtsü pükhükulupu eno achipi ke; Pa zakütsü kümtsü pükhübekulu ke;

LESHELE 116:5

Ampeu ye küpüqhiyi, eno amikucho ke; ni Lhou ye kimiyekini ke.

LESHELE 119:137

No ye amikucho ke, O Ampeu eno Ow pimheyeqo ye achipi ke.

LESHELE 51:14

O Alhou, aji pelekeu kipimi lono I xaphe tsülo, O I xakulu Lhou, eno I kichi lono O chipiu mikucho vekipighi shipilini.

IPEKULU 9:27

Tithiu Pharaoh no Moses ngo Aaron kupuwu no pi, “Ishiu loye I no axine shivae; Ampeu no achipiu lo ani, ni eno Iw timiu no achipikumo lo anie.

JEREMIYA 12:1

O Ampeu, O lau muchho kelo No ye achipiu shicheni; tishimu I vehu pesü O qhüinijuni. Kushiye kixikilami no kinikülü shicheni kea? Kushiye pishikiqhimi kümtsü no ikoishelu cheni kea?

JEREMIYA 31:28

Hitoi shinani, I no panongu nhüve, peve, xaleqhive, kütsaleve, eno aghüzapu süghi keu shou khekuto ketoi, I no panongu khekuto no shiqhe eno shosü tsünani ipi Ampeu no sheshu.

JEREMIYA 4:17

Li no I mjochile kehu panongu alu khemi toi li botha luvae, Ampeu no asheshu.

JEREMIYA 44:27

Julo, I no akivi kumono amhekiqi ghenguno panongu jukuto ani. Nongu Judahmi Egypt lo akemi kümtsü azütakikihi ngo püqümiye lono thive nani; ti ye nongu kümtsü kühave moke kutolo tishi nani.

AKUMLO 1:5

Li ghümiqo no ampemi shivae; li ghümiqo no kinikülü shivae, kughengu li xine kitikhi ghenguno Ampeu no li ghimeve ke; li nuliqo ye akughumi shisü aghümi no sawuvae.

EZEKEL 16:43

Kughengu nono o lhothe tsalaqo kümsü move, ikemu thime hi kümtsü vecheo I mlo shikighideve ke, tighenguno julo, I no o kümlaqo pesü o kütsü shou shekichile shipukuve tsü kepi Ampeu Alhou no asheshu. No ye ow aphikümqhüpu kümla kümtsü shou asalha pesü shoqabe ke kumo keshea?

DANIEL 4:34

Ado ashekha shive kethiu, ni, Nebuchadnezzar no atsütsü lo I nhethi tsüpuku, eno I kükümsü ye I lau idechile ighive, I no Shishe Akiqheu, khuu pülhapuju xü acheni keno, Pa sheqhe eno agigihu tsü, kughengu Pa yekipeqha ye pülhapuju yekipeqha ke, eno Pa kükaqha ye tiqheli no tiqheli kutolo acheni;

DANIEL 9:7

O Ampeu, achipiu mikucho ye Ow, ikemu ishi tsala lo Judahmi, Jerusalem lo küxümi, eno Israelmi, Nono aphivilo eno putou aghakhu kümtsü lo hapupove keqo no O pishiqhive kehu, ningu ghengu ye ikhikiphe kukujopu shivae.