DANIEL 9:13 - Sumi Naga CL (Re-edited) Bible (BSI)

¹³ Moses Yezah lo yepüake toi, amhekiqi hipaqo kümtsü ningu shou ikughivae; tishimu ningu ye Ampeu ni Lhouw kikimiye qhüiniju ighimo eno ni kipimi xine lono tsüghüve no Ow kuchou vecheo vethakulu ithi küphalu move.

BAIBEL (BSI)

¹³ Muse yezah lo kiu ghime ithulu nanipi yepuani keno tipau lakhimu qhimono ni ghimeke, ikemu itehi kutolo, O AMPEU niLhou, ninguye nixine lono idesu olau ighino opulou shinikeu momu owu kuchou pape nikeu pukaputsa mono aphie.

DANIEL 9:13 Iomraidhean Croise

KUKAMI AKINIU 22:16

Ampeu no piani, Julo, Judah kükau no kaku lo philu keu tsaqo hutoi, I no a-a hipau shou eno xüküami shou kütsakungo keu süghini cheni.

JOB 36:13

“Amlo lono Alhou ithimo kemi ye axuide acheni, Pa no panoqo ghime mu kuphu lopi ighamku chemoe.

LESHELE 119:18

I nhethi xükho tsülo, tishianguno O yezah lo akümzapu thimeqo akeu I no ithulu nani.

LESHELE 119:27

I pelo O yezahqo vethalu pelo, eno I no Ow akümzapu kümlaqo kümsüputho nike.

LESHELE 119:73

O u no ni lhoe eno I pesü kogheküghü kivi shi tsüe; vethakulu I tsülo eno ni ye O zakütsüqo shikalu nani.

LESHELE 85:4

Ni thoputho tsülo, O ni xakulu Lhou, eno ni launo O mlo kighide ikhipe wuve tsülo!

ISAIAH 31:1

Israelmiw Akimtheu, Ampeu pükhümo momu inijumo no Egypt lo khurkulu kutomo aghikeu eno khurshimi no ighono mtotoi aghikeu pükhüpe akukuphu lakuju lono tilau iqi kemi hasapue!

ISAIAH 42:9

Julo, wovekeu vehuqo ye shikupuvae, eno itehi ye I no akithe vehuqo shuphe ani; tipaqo no ipeghi mphi lono, I no nongu vilo piani.”

ISAIAH 43:22

“Ikeghi O Jacob, nongu ye I lau ighamku moe; eno I ju angaghai auve ke.

ISAIAH 64:6

Ningu kümtsü no mithemo kemi toivae, eno ni mikucho ye niqhinilai keu phinhe toivae. Ningu ye asünipa ighiqive keu toivae, eno ni xine no amülhü toi ni sasü wuvae.

ISAIAH 64:7

Milakhi mu O lau ighamku moe, eno milakhimu O süije nike wumoe, kughengu Nono ni launo itshüvae eno ni pelo ni xine lo tsüma auve peke.

ISAIAH 9:13

Ikemu timiqo no aqokitikhi MPEU, pano ghime keu lau xaidemo eno inijumoe.

JEREMIYA 2:30

Ni ye adou lono no tianuliqo heqhivae; panongu no shikithe kütsü ikhilu tsümoe; abongshuu yiküsa toi nongu züta no now tungkupmi ghiqhivae.

JEREMIYA 30:14

O ngulami kümtsü no o kümsümavae; panongu ye kiumu o tucho movae; I no aghümi toi o ghüzavae, kimiyemo keu ghümi no ghimeqhi keu toivae, kughengu o kipimi ye kije, eno o xine ye kutomo ke.

JEREMIYA 31:18

Ephraim mloghuju I no chiluvae, ‘Nono I sakiyi, eno ni ye qophe mphi keu mishiti toi ghasü luvae; I sachile ighilo eno ni ye athoputho luve nani, kughengu No ye I MPEU eno I Lhou ke.

JEREMIYA 44:23

Ishi kutolo nongu shou kütsakungo hipau ighi akeu ye, nongu no kütau lhouqo lau akümllagho tsüno Ampeu shou axine shive eno Pa yezahqo papemo keu ghenguno ke.”

JEREMIYA 44:27

Julo, I no akivi kumono amhekiqi ghenguno panongu jukuto ani. Nongu Judahmi Egypt lo akemi kümtsü azütakikihi ngo püqümiye lono thive nani; ti ye nongu kümtsü kühave moke kutolo tishi nani.

JEREMIYA 5:3

O Ampeu, O nhethi ye kuchou ju cheni ke kumo? Nono panongu ghaqhi kemu panongu ye amloiju moe, Nono panongu chisheqhi keghi panongu ye shikithe moe. Panongu no pano gi pesü atuqu nguno akümkau shive; panongu no xaideni keu milive.

AKUMLO 5:21

Nono ni mili kuchou shive aghimo aye, eno shishe ni shou amloide aghimo aye, O Ampeu, ni sachile lulo, eno ningu ye xaluve nani! Khaghi tsala toikeu ni tsüchile lo.

EZEKEL 16:43

Kughengu nono o lhothe tsalaqo kümsü move, ikemu thime hi kümtsü vecheo I mlo shikighideve ke, tighenguno julo, I no o kümlaqo pesü o kütsü shou shekichile shipukuve tsü kepi Ampeu Alhou no asheshu. No ye ow aphikümqhüpu kümla kümtsü shou asalha pesü shoqabe ke kumo keshea?

DANIEL 9:11

Israelmi kümtsü no O yezah hebideve eno O sütsa chiluni keu milive no kughove ke. Angusü ngo ashoqhi khikhi Alhou qeu Moses Yezah lo yepüani keno tipaqo ni shou lepukuve tsü, kughengu ningu no Pa shou axine shive ke.

HOSIYA 7:10

Israel qheküza no pano zülo ashepe shitsü akeghi panongu ye Ampeu pano Lhou lau ideighi moe, tike kumono Pa phumove ke.

HOSIYA 7:14

Panongu ye amlo tsüqhiyi I lau ighamku chemo ikemu pano lüpa lono igha cheni; athi eno aji ghenguno pano ampi ghüza cheni; panongu no I hebide chenie.

HOSIYA 7:7

Panongu kümtsü no amiphoki külü toike, eno panongu no panow yepemi kütsave cheni. Panow kükami kümtsü ikiqivae, ikemu khunomu I ku ighimoe.

Luke 24:45

Tileno Kuchoyesü ithikuthulu penike pa no panoqo kükümsü xükhotsü,

John 10:35

Khunoqo lau Alhou tsa ighi keno tipaqo pesü alhouqo kepi ku püaghi aye—eno Kuchoyesü ye pevemla ke—

John 6:45

Tungkupmi kaku lo ishi yepüani, ‘Panongu kümtsü Alhou no shika nani.’ Apu tsa chilu no Pa launo shikalu keqo kümtsü I lau ighi cheni.

John 8:32

nongu no kuchou ithi nani eno kuchou huno nongu khaqhiphe nani.”

Ephesiami 4:21

Nongu ye mtsüqheino Pa ghili chiluvae, eno kuchou huno Jisü lau aketoi Pa launo nongu shika puthu luvae.

ZAKINIU 29:4

Ikemu ishi kutolo Ampeu no vethalu kepu mlo, anhethi eno akini nongu tsümoe.

James 1:5

Nongu gholo khami no alokütsü mikhe aghi aye, pa ye Alhou lau khulo eno ti pa tsü nani; kughengu Alhou ye khumu sakiyi mono kümtsü tsü cheni.