DANIEL 8:3 - Sumi Naga CL (Re-edited) Bible (BSI)

³ I no I nhethi tsüpuku no ithulu, julo, ambetsü lakhi azüla mkülo puthugho ae. Tipau ye akibo kini ae, eno akibo kinikujo qhemghai, ikemu lakhi no lakhiu nguno qhemghai, eno qhemghai keu no ashekhau shi ipeghi.

BAIBEL (BSI)

³ Aghoki mukulo bheritsu lakhi akibo kushuwo kinikupu tile akeu ithulo, akibo lakhiye lakhi pashu eno kutau lakhi nguno akitheu.

DANIEL 8:3 Iomraidhean Croise

YEKIKITHI ATUGHIU 21:16

David no Ampeuw kungumi atsütsü ngo ayeghi dolo puthugho no pa u lo azütakikihi süjope Jerusalem küdau chhopuwo aghi keu ithulu. Ikehu David ngo layemiqo no yeqhiyephi pepusü itsaqive.

EZRA 1:2

“Persia kükau Cyrus no ishi piani: Ampeu, kungugha Lhou no ayeghiqha lo kükaqha kümtsü I tsüvae, eno Pa no Jerusalem, khikhi Judah lo ani keno, tile Pa ki shiqhe peniye azah I tsüvae.

EZRA 4:5

eno pano kimji shopükave tsüniye Persia kükau Cyrus ghuloki lono akükau Darius yekipe kupuju külügho pesü kijemiqo tsüe.

ESTHER 1:3

pa yekipe mpe aküthüu shi ake lono pa no paw hiyampemi eno aqemi kümtsü lau aghulhu lakhi tsü. Persia eno Media lo ghüshimi eno akuaqha lo aküxü kivimi ngo anghqo pa zülo ighi,

ISAIAH 13:17

Julo, Babylon sasü küpüghü penike ghükayi ngo ameshoyi no qhümlani kemi Mediami I no xukutho ani.

ISAIAH 21:2

Mkamghai keu kungunhetsü no I vilo pi; thekuchuu no thechuvae, eno kütsakungo chekeu no kütsavae. Wulo O Elam; khasülo O Media; Babylon no püqapunu chekeu I no kishekhave tsü anie.

ISAIAH 44:28

Khuu no no Cyrus vehu lo, ‘Pa ye I mbekheu, pa no I kimji kupulo kümtsü shikupu tsü nani’; eno Jerusalem vehu lo, ‘Li ye shiqheve nani,’ eno achineki vehu lo, ‘O boqha ye qhave nani,’ ipi kea?”

JEREMIYA 51:11

“Apijiqo chighilo! Azütoqo ikhilulo! Ampeu no Medes kükamiqo kükümsü xukuthove tsüae, kughengu Pa kimji ye Babylon kütsaveni keue, ti ye Pa chineki ghenguno amkhükulu ke.

DANIEL 10:5

I no I nhethi tsüpuku ju keloye julo, timi lakhi aphi kümtsha pepusü aghi, pa ye Uphaz lo ameshoyi akiviu no shikeu pokha no pa chita khapu ae.

DANIEL 2:39

O nguno aghulou kükaqha kütau o shelo ipeghi nani, eno itaghi alazayi kükaqha aküthüu, tino ayeghiqha kümtsü shou ayepe nani.

DANIEL 5:31

Eno Mediami Darius, khuu ampe lhotsügho kini shi akeno, pa no aküka ikhiluve.

DANIEL 6:28

Tighenguno Darius yepe eno Persiami Cyrus yepe ghuloki lo Daniel hipau ye kinikülü shive.

DANIEL 7:5

Julo, tüghashi akiniu, ava toie. Tipau ye a-a lakhi lono sünheqhe. Tipau ye akuchughi küthü pa kichi lo ahu dolo ae; eno tipau vilo pi, ‘Ithulo, aghakiqishi ashi chulo.’

DANIEL 8:2

I no kungunhetsü lono ithulu; kughou I no ju keno, ni ye Susa lo aliwo, khikhi Elam ghakhu lo ani keno, tile ngoae. Eno I no kungunhetsü lono ithulu ke ni ye Ulai züla lo ngoae.

DANIEL 8:20

Ambetsü akibo kini akeu nono ithulu keu ye Media ngo Persia kükau pama.

ZEKHARIA 1:18

I no I nhethi tsükhope jukelo akibo bidi ithulu!

ZEKHARIA 2:1

I no I nhethi tsükhope jukelo timi lakhi no akimghipu süta pa u lo pe aghi keu ithulu!

ZEKHARIA 5:1

Itaghi I no I nhethi tsükhope jukelo liküküzü kaku lakhi yecheghi keu ithulue!

ZEKHARIA 5:5

Tithiu kungumi I pütsa akeu huno azüu ighi no I vilo pi, “O nhethi tsükhope ti ipeche keu ye kiu keno julo.”

ZEKHARIA 5:9

Tishino I no I nhethi tsükhope jukelo totimi kini azüu ipe cheghi! Pama ye amülhü lo achishibo xakhope yecheghi. Pama chishibo ye azüghau chishibo toi eno pama no ashoghi pesü ayeghi ngo atsütsü dolo ikuve.

ZEKHARIA 6:1

Itaghi I no I nhethi tsükhope jukelo khurkulu bidi naghuto kini dolono ipeghi keu ithulu. Naghuto ti ye alazayi naghutoqo ke.

AKIKIHI 24:2

Pa no Israelmi no ashiaye kiqi lono aghazü shipe akeu ithulu, eno Alhou ghungu no pa shou ikughive,

JOSHUA 5:13

Kughou Joshua no Jericho kupunu ighi keno, pa no ju kelaye timi lakhi azütakikihi pa u lo pesü aghi keu ithulu. Joshua no pa lau wuno pi, “No ye ni laumi keo, ni ghümi laumi kea?”

Piyeküsü 13:11

Tileno ambeti toi akibo kini eno dragon toi atsa pikeu tüghashi kütau ayeghi lono ipe cheghi keu I no ithulu.

Piyeküsü 5:6

Kükalakhü ngo aküxüküa lhoxüqo dolo eno layemi gholo Ambeti lakhi, ghiqhive ke paphishi, puthugho aghikeu I no ithulu. Ambeti huye akibo tsüni eno anhethi tsüni xapua, tipaqo ye Alhou Ghungu tsüni ayeghiqha kümtsü lo puwu püakeqo ke.