DANIEL 8:17 - Sumi Naga CL (Re-edited) Bible (BSI)

¹⁷ Ikehu pa no I no khile puthugho akeno tile ighi. Kughou pa no ighi keno, ni ye msave eno I gi pishiqho luve. Ikemu pa no I vilo pi, “O timi nu, kungunhetsü hu ye ashekha ghuloki ghenguno kepi vethalulo.”

BAIBEL (BSI)

¹⁷ Gabriel no ilau ighino iphivilo puthughove eno niye akumsano ayeghilo iluqive. Pano ivilo pi, “Thivenikuau timio, akiqi ithi lo. Kungunhetsuno kiu ithulu keno tiye ayeghiqha ashekha shiveni keu tsake.”

DANIEL 8:17 Iomraidhean Croise

BOTHUBO 17:3

Tile Abram no pa gi pishiqho luve. Eno Alhou no pa vilo pi,

EZEKEL 1:28

Tsüghu ake tsalani khüngküsü lo milisü ju kimihi toi tipau ju ye yevüqai keu no vehomxape ae. Ampeu juküvü ju kimihi ye titoi ke. Kughou I no ti ithulu keno, I no agi pishiqho luve, eno asütsa lakhi I pütsa keu I no chilu.

EZEKEL 2:1

Pa no I vilo pi, “Timi nu, puthugho lo, I no o sasü küptsani.”

EZEKEL 44:4

Tishino pa no ahuu khagho, achineki zülo akeu laghi lono I saighi, eno julo, Ampeu juküvü no Ampeu chineki chhitoive. I no I gi pishiqho luve.

EZEKEL 6:2

“Timi nu, Israel lo naghutoqo küdau o gi kughopuwo lo, eno panoqo küla keu tungkuptsa pilo,

DANIEL 10:11

Pa no I vilo pi, “O Daniel, shishe kimiye chekeu, I no o pütsa akeu tsa vethalulo, müzüchoi puthugho lo, kughengu itehi o lau I puwu ani.” Kughou pa no hipa tsa I vilo pi keno, ni ye msakhokhoshi puthughove.

DANIEL 10:16

Eno julo, timi nuliqo jukimihi lakhi no I mütsü butsü. Tile I no I kichi xükho no pi. I no khuu I zülo puthugho akeno pa vilo pi, “O I mpeu, kungunhetsü kiqi ghenguno aghime I shou ikughivae, eno ni ye aküka kühavae.

DANIEL 11:27

Akükau pama mlo ye küsakügha shini keu likhi nani. Aghulhu lüpa lakhi lono pama ye akimki tsa pi nani, ikemu kiu vehumu shilumo nani, kughengu ashekha ghuloki ye kihitha püakeu dolono ighini aphike.

DANIEL 11:40

“Ashekha ghuloki lo apeu kükau no pa le nani, ikemu ahuu kükau no khurkulu, khurshimi, eno zükilu kutomo lono miyitsü toi pa shou ighi nani. Eno pa no aghakhuqo jole ighi no qhasü luve nani.

DANIEL 12:13

Ikemu ashekha kutolo o la lo chechelo. Eno no ye akulhoqhilu nani eno ashekha tsala lo o ghenguno kuto püakeu-a lo puthugholu nani.”

DANIEL 12:4

Ikemu no, Daniel ye ashekha ghuloki ighi moke kutolo atsa hu kütsüpe qhivelo eno kaku mekhape qhivelo. Kutomo no huju woju nani, eno akighithi ikoishe wove nani.”

DANIEL 2:46

Tileno akükau Nebuchadnezzar no pa gi pishiqho luve no agigihu Daniel tsü, eno akümllagho ngo axokütsüngü kipti pesü pa mlla peniye azah tsü.

DANIEL 7:16

Tilehi puthugho akeqo dolo milakhi lau I no wuno hipa vehulo kuchou akeu pa vilo iniju. Ikehu pa no I vilo pi eno hekupho vehu I pelo ithilu pe.

DANIEL 8:15

Ni, Daniel, no kungunhetsü ithuluve kethiu, I no tipau vethaluni ke phujue. Julo, timi koghe toike lakhi I zülo puthugho aghi.

DANIEL 8:19

Pa no pi, “Julo, axukighide ashekha lo kiu shive nani keno I no o pelo ithi peni, hipau ye ashekha do kughu püakeu kimji ghenguno ke.

DANIEL 8:27

Eno ni, Daniel, ye atsala hami süve no ihozüve. Tithiu ni ye ithughive no akükau kümlapu lo wuve, ikemu ni ye kungunhetsü ghenguno aveghüzü shino tipau vethamlave.

DANIEL 9:23

Nono kimiye tsü penike qhüiniju akeu ghenguno abothu lono atsa lakhi puwuve ke, eno tipau o vilo piniye ni ye ighivae, kughengu no ye ighono kimiye achenie. Tighenguno atsa kümsükutoju no kungunhetsü vethalulo.

DANIEL 9:27

Apinedo lakhi ghenguno pa no kutomo sasü puloshoqhi kumto mla nani eno apinedo tüxa ghenguno pa no aghakishi ngo akümllagho lakhave nani. Eno aphikümqhüpu chishibo lono kütsakungo nikeu ighi nani, eno kishekhani keu za shi püakeu huno pa shou lepuku tsümoke kutolo pa ye tile anani.”

HABAKUK 2:3

Kughengu ti ye kimshilu kepu do khe ani; ti kishekhani keu ye pai ighive nani, ti ye mikimo nani. Tsala tino asheshive namu khelo; ti ye süpushuve mono mtsüqheino ighi nani.

MATTHEW 17:8

Panongu no jupuku kelo Jisü likhi thono khumu ithumlave.

Piyeküsü 1:17

Kughou I no Pa ithulu keno ni ye thive keshi Pa pukhu philo ikiqive. Ikemu Pa no Pa u ajeu pesü I shou beno pi, “Msa kevilo, Ni ye Atüghüu eno Ashekhau,

Piyeküsü 22:8

Ni John no thime hipaqo chilu eno ithulue. I no hi kümtsü chilu eno ithulu kelo kungumi khuu no hipaqo pesü I piye keno pa mlla nike pa pukhu philo itsaqi