DANIEL 8:14 - Sumi Naga CL (Re-edited) Bible (BSI)

¹⁴ Pa no I vilo pi, “Inaqhe avela 2,300 ghenguno ke. Tithiu no akimthe-a ye tipau chipiu-a lo athoputho tsü nani.”

BAIBEL (BSI)

¹⁴ Kungumi lakhiuno khochile keu ino chilue, “Atsala 1150 kutolo ishi ananike, hipa doloye avelau eno inaqhe ghiqhipe mlla chekeu hu tsumulano ananike. Tipathiuno achineki puhavekeu ithulu chileve nani.”

DANIEL 8:14 Iomraidhean Croise

BOTHUBO 1:5

Alhou no aküvü pesü Tsüküvü kuvetsü eno aküzü pesü Tsüküzü kuvetsü. Tino atsala atüghüu, avela eno inaqhe shive.

ISAIAH 1:27

Achipiu xakütha pesü Zion xachilelu nani, eno tilehi khunono xaideni keno amikucho pesü xalu nani.

ISAIAH 45:25

Ampeu launo Jacob kughukomi kümtsü shou, achipi kepi xathabe nani eno ajuküvü ithulu nani.”

DANIEL 12:11

Tsalakipe kümllagho ikhipe wuve kelono aphikümqhüpu julho no küghüküghaleive tsüni keu kutolo atsala 1,290 anani.

DANIEL 12:12

Khuu no kheakulu shi atsala 1,335 toluni keno akümghapue.

DANIEL 12:7

Aphi kümtsha pepu akeu, khuu aghoki zü shou akeno, pa no pi keu I no chilue; pa no atsütsü küdau pa u ajeu eno piyiu peqheno pülhapuju xü achekeu jelono ashoqhi shie, hipau ye atüqhüdo lakhi, atüqhüdoqo, eno atüqhüdo tüxa ghenguno ke, eno kughou akimthe timiqo küka hepho taveni keno, thime hipaqo kümtsü ashekha shive nani.

DANIEL 7:25

Pa no Shishe Akiqheu lachile keu tsa pi nani, eno Shishe Akiqheuw akimthemi ghimeqhi nani, ado ngo ayezah kiliveni keu kughu nani; eno panoqo ye atüqhüdo, atüqhüdoqo eno atüqhüdo tüxa ghenguno pa u lo süvetsü nani.

DANIEL 8:26

Avela ngo inaqhe kungunhetsü piqhive keu hu ye kuchoue, ikemu ti ye mekhape qhivelo, kughengu tipau vehu ye ado kushuo chephike.”

Galatiami 3:8

Kuchoyesü no azünatha ghi Alhou no Jewkumomi pelo aküpülü vecheo achipikalu penani pi ithi akehu azüu no Abraham lau atsakiviu pikülha no pi, “O vecheo shiye kümtsü kümghatsü nani.”

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”

Piyeküsü 12:14

Ikemu li lau alhuqu kije chishibo kini tsüpüa kehu tino li pelo apighi launo yewo yenguyike-a lo ampe küthü tüxa kutolo khileno li loji peniye kuto püatsü keno, tipa-a tolupe.

Piyeküsü 13:5

Tishino aqheküza eno küthakügha tsa jeli pikulupu kichi pesü tüghashi tsüve, itaghi aqhi lhobidi kini kutolo pa küka peithalu penike azah tsüve.