DANIEL 8:13 - Sumi Naga CL (Re-edited) Bible (BSI)

¹³ Tithiu akimtheu no atsa pikeu I no chilu, eno akimtheu lakhiu no I pütsa akeu vilo pi, “Kungunhetsü lono ithulu keu tsalakipe kipti kümllagho, axine no küghüküghaleive tsükeu, eno apukhu no qodaqhi peniye akimthe-a ngo aqokitikhi ikhiphe tsükeu ye ado khitohi ghenguno kea?”

BAIBEL (BSI)

¹³ Tilehino kungumi lakhino pa kusau vilo iniju akeu ino chilu. “Kungunhetsu lono ithulukeu hipaqo ado khitohi kuto anani kepilae? Ado khitohilo axine huno tsalakipe ghiqhino mllachekeu zuqhulo anani kepilae? Ado khitohilo kungughalo ghushimiqo eno achineki apukhuno nedape anani kepila?”

DANIEL 8:13 Iomraidhean Croise

LESHELE 74:10

O Alhou, aghümi ye khitohi jukünatha anani kea? Aghümi no alholo O je pipütha apeni keshea?

LESHELE 74:9

Ningu ye ni michipu ithumlavae; tungkupmi lakhimu kühavae, khitohi tishi nani keno khunomu mthae.

LESHELE 79:5

Ampeu, khitohi kea? No ye alholo amloide anani kea? O nhekushu ye ami toi iqüni keshea?

ISAIAH 28:18

Tileno now puloshoqhi akithi sasü shikeu ye xave nani, eno Kithigha sasü puloküqha keu ghi pemlave nani; aghümi no züqozü toi jole ighi kelo nongu ye yipe wuve nani.

ISAIAH 6:11

I no pi, “Khitohi kea, O Ampeu?” Pa no pi, “Aphughi lo eno aki lo küxümi kühano kümsa ixapinyi eno ayeghi no yenguyive moke kuto,

ISAIAH 63:18

O kimthe timiqo ye ado hami ghenguno qhasüpe ngolue; ikemu itehi ye ni ghümi no o kimthe ki nedaqodave tsüae.

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

JEREMIYA 12:10

Ambekhemi kutomo no I tsailu kütsavae; panongu no I lu qolevae; I no amloqi chekeu lu panongu no yenguyi qhive tsüae.

DANIEL 11:31

Pa launo ghüshimi ipeghi nani eno achineki ngo aliwo shipüthave nani, eno akipti kümllagho ikhipe wuve nani. Panongu no aphikümqhüpu khipau no küghüküghaleive tsü keno tipau shiqhe nani.

DANIEL 12:11

Tsalakipe kümllagho ikhipe wuve kelono aphikümqhüpu julho no küghüküghaleive tsüni keu kutolo atsala 1,290 anani.

DANIEL 12:8

I no chiluve, ikemu ni ye vethamlave. Tileno I no pi, “O I mpeu, thime hipaqo ye kishi ashekha shive nani kea?”

DANIEL 4:10

Alüpa lo I no ihozü akelo kungunhetsü ye hike: julo, ayeghiqha mta lo asübo lakhi I no ithulu, eno ti ye ighono qhemghai.

DANIEL 4:13

“I no alüpa lo ihozü akelo kungunhetsü ithulu, julo, hikujuu lakhi akimtheu atsütsü lono iqighi.

DANIEL 4:23

Eno hikujuu akimtheu atsütsü lono iqighi no, ‘Tipau sübo loqhive no kütsave lo, ayi eno alazayi kighi no aluza lo atsüni mini ipeghi akeqo mta lo tsüghape qhivelo. Atsütsü lo tsüzü no pa pütsü pelo, eno kihiküthado tsüni no pa heche moke kutolo pa pelo tüghashiqo sasü ayeghi lo atsüni gholo xü pelo,’ ipi asheshu keu akükau no chilu kehu,

DANIEL 7:16

Tilehi puthugho akeqo dolo milakhi lau I no wuno hipa vehulo kuchou akeu pa vilo iniju. Ikehu pa no I vilo pi eno hekupho vehu I pelo ithilu pe.

DANIEL 7:23

“Ikehu pa no pi: ‘Tüghashi abidiu ghenguno, kükaqha abidiu ayeghi lo ighi nani, ti ye kükaqha kümtsü nguno paküta nani, tino ayeghiqha kümtsü munove nani, eno pa pukhu no qodape mukhumuno shi kubovetsü nani.

DANIEL 9:27

Apinedo lakhi ghenguno pa no kutomo sasü puloshoqhi kumto mla nani eno apinedo tüxa ghenguno pa no aghakishi ngo akümllagho lakhave nani. Eno aphikümqhüpu chishibo lono kütsakungo nikeu ighi nani, eno kishekhani keu za shi püakeu huno pa shou lepuku tsümoke kutolo pa ye tile anani.”

ZEKHARIA 1:19

Eno I no kungumi khuu I pütsa akeno pa vilo pi, “Hipaqo ye kiu kea?” Pa no I vilo pi, “Hipaqo ye akibo, Judah, Israel eno Jerusalem qha apanaghave tsükeu ke.”

ZEKHARIA 14:5

Eno nongu no Iw naghuto khila lo pove nani, kughengu tipa khila ye Azal kutolo wu anike. Eno nongu no Judah kükau Uzziah ghuloki lo ayeghi küghütha lono pove ketoi itaghi ponani. Tileno Ampeu I Lhou, eno Pa gholo akimthemi no ighi nani.

MATTHEW 11:27

I pu no thime hi kümtsü pesü I lau kuchoqhive tsüae, Apu likhino kumo aye khunomu Anu mthae, tihutoi Anu eno pa gholo khukhumu pa no Apu ithi penike kishephe keu no kumo aye khunomu Apu mthae.

MATTHEW 24:15

“Ikehu kughou Daniel tungkupu no pikeu aphikümqhüpu julho no akimthe-a lo puthugho aghikeu nongu no ithuluni keno (phikulumi no akiqi ithikuthu luvelo),

Mark 13:14

“Ikemu kughou kütsakungoni keu aphikümqhüpu julho no khile ngomo kepu alo puthugho aghi keu nongu no ithuluni keno (phikuluu no vethaluve lo), tile khunoqo no Judea lo aghini keno, ato yeghi lo povelo.

Luke 10:22

I Pu no thokha kümtsü pesü I u lo süve tsüae; Apu likhino thono khumu Anu ye khuu keno mthae, momu Anu, eno khukhumu Pa no piyeni ke kishelu keu likhino thono khumu Apu ye khuu keno mthae.”

Luke 21:20

“Kughou ghüshimi no Jerusalem boluve keu nongu no ithuluni keno, ti kütsaveni keu ye ighivae pi ithive lo.

Luke 21:24

Panongu ye ghüyi lono wove nani, panongu küghape akughumi shisü shiye gholo wuve nani, eno Jewkumomi do-ghuloki tomoke kutolo panongu no Jerusalem nedaqoda nani.

John 1:18

Khunomu Alhou ithulu mphi; ikemu Anu khuu Pa likhi, eno Apu phivilo acheni keno, Pa no Alhou julho pephe piyeve tsüae.

ZAKINIU 33:2

Pa no pi, “Ampeu no Sinai lo ighi Seir lono ni shou ipeghi; eno Paran Toghi lono yepüvüe; Pa no akimthemi 10,000 gholono ighi, Paw ajeu amiküqü peche.

1 Thes. 3:13

tishianguno ni Mpeu Jisü no Pa küpülümi sasü ighi kelo, Pa no nongu mlo pesü ni Pu Alhou zülo tukutiye küha no akimthe shitsü peni.

IBRIMI 10:29

Tishiaye, khuu no Alhou Nu nedaqoda, pa shikimthe tsükeu puloshoqhi ji shipütha, eno küpükini Ghungu thaighani keno, timi tipau ye kishi aghime alhoksa ithulu nani keno nongu ye kümsü juama?

1 Peter 1:12

Ikelo panongu no mla chekeu ye pano ghenguno kumono nongu ghenguno kepi pano lau pephe piyeve, eno ti ye itehi Atsakiviu kükütsümi no nongu lau sheshuve keu tsape, Aghungu Kimthe vecheo kungugha lono puwu keu khikhi kungumiu ghi tipaqo vehu ithinishi khelho acheni keno tihuke.

Jude 1:14

Hipaqo ghenguno itaghi Adam lono tiqheli akütsüniu lo Enoch no tungkuptsa ishi pike, “Julo, Ampeu no Paw akimthemi qhethonhe chighi sasü cheni,

Piyeküsü 11:2

ikemu achineki khala ye mighi kevino kopheve lo, kughengu ti ye Alhou kümthami shiye lau ikhiphe tsüvae, eno panoqo no aqhi lhobidi kini kutolo Akimthe phughi neda qoda nani.

Piyeküsü 6:10

Panongu no asütsa kuloghi lono igha, “O Akughushu Mpeu, akimthe eno kuchou, ayeghilomi no ni pithive keu lo Nono küghatha eno ni mkhü lutsü moke kutolo ningu ye khitohi khea lopi kea?”

XAKUTHAMI 13:18

Kungumi no pi, “No ye kushiye I je ithinishi ani kea? Hi ithulu akeu no akümzapue.”