DANIEL 8:11 - Sumi Naga CL (Re-edited) Bible (BSI)

¹¹ Akibo no aqokitikhi gholo Kükapuu toi kije shive. Eno tsalakipe kipti kümllagho Pa launo pewuve, eno Pa kimthe-a kütsave tsü.

BAIBEL (BSI)

¹¹ Pano kughughalo ghushimi gholo sakipheu tsa ghi lumo. Tsalakipe tsulo ghiqhino mllachekeu ghi lakha vetsu eno achineki tipau shikuchhubevetsu.

DANIEL 8:11 Iomraidhean Croise

ISAIAH 37:23

“No ye khuu phimo eno thaighave akea? Khuu shou o sütsa süqhepe eno o nhethi xukidepe jupuku kea? Israelmiw Akimtheu shou ke!

ISAIAH 37:29

Nono axuide eno akuchhoma shikeu I kini lo iloghive akehu I no akuhoyi no o nigipe lo fuve tsüni, ayi pesü o kichi pütape nono khilano ighi keno tipa la no o sawoveni.”

JEREMIYA 48:26

“Moab shokümzü lo, kughengu pa no Ampeu lachile ghi pa ampi sheqhe, ikehu pa ye pa kumghu lo ihi nani eno pau ghi timi no junu nani.

JEREMIYA 48:42

Moab ye kütsaleve eno ashiaye achekeu kühavae nani, kughengu pa no Ampeu hebide ghi pa sheqhe ke.

EZEKEL 46:14

Inaqhe atsütsü nongu ye athi kümllagho ahu kini eno ashomkhu kunu kepu thazü ahu lakhi süküqha no akümllagho shini. Hi ye alholo ghenguno akhuaye lakhi ke.

DANIEL 11:22

Ghüshimi eno puloshoqhi kükapuu ghi pa zülono qhoi joleve eno kütsave nani.

DANIEL 11:31

Pa launo ghüshimi ipeghi nani eno achineki ngo aliwo shipüthave nani, eno akipti kümllagho ikhipe wuve nani. Panongu no aphikümqhüpu khipau no küghüküghaleive tsü keno tipau shiqhe nani.

DANIEL 12:11

Tsalakipe kümllagho ikhipe wuve kelono aphikümqhüpu julho no küghüküghaleive tsüni keu kutolo atsala 1,290 anani.

DANIEL 5:23

ikemu kungugha lo Ampeu shou no ampi süqheke. Eno Pa kilo abohuqo o zülo süghipe eno no ngo o qholo ampemi, o nipuqo eno o nipu amishiuqo no tipaqo lono aji shomzüe. Nono ghükayi, ameshoyi, alazayi, ayi, asü-atu lhou, khunoqo ithulu chemo, chilu chemo, momu ithi chemo keno panoqo sheqheke, ikemu Alhou khuu u lo o tuthu ani, eno khuu no o laghi keno, nono gihu movae.

DANIEL 7:25

Pa no Shishe Akiqheu lachile keu tsa pi nani, eno Shishe Akiqheuw akimthemi ghimeqhi nani, ado ngo ayezah kiliveni keu kughu nani; eno panoqo ye atüqhüdo, atüqhüdoqo eno atüqhüdo tüxa ghenguno pa u lo süvetsü nani.

DANIEL 8:12

Axine ghenguno aqokitikhi pesü tsalakipe kipti kümllagho gholono akibo tsüve nani, eno pa no kuchou pesü ayeghi lo veqhive nani, pa no akümla shino kinikülü shive nani.

DANIEL 8:24

Pa küka ye kije shi nani—ikemu pa kumto lono kumoe; pa no akümsapu kütsakungo süghipe nani eno pa no kiu shini keno tolu nani, eno akumtomi ngo akimthemi kütsa nani.

DANIEL 8:25

Pa mqükini vecheo pa no pishikiqhi pesü pa u qholono kinikülü shipe nani, eno pa kükümsü lono pa ye kije shinani. Pa no ghutu mono kutomo kütsa nani. Eno kükapumi shou Kükapuu lau ghi pa no mjochile ithughi nani, pa ye kuboleve nani—ikemu timi u lono kumo nani.

DANIEL 9:25

Tighenguno ithi no vetha lulo, Jerusalem tsüchile eno shiqhe nike atsa ipeve keu lono nukisheve keu kükapuu ighike kutolo apinedo tsüni anani. Tishino alaghila eno aqokuchhu gholono tipau shiqhe kithe nike ghenguno apinedo lhotsügho kini anani, ikemu aküküpna do shi nani.

AKIKIHI 28:3

Itaghi ishi pilo, Achuqupu kümllagho ishi Ampeu lau süghini: tsalakipe kümllagho shi ampe lakhi mbetsü tukutiye kühakeu kini.

Luke 21:24

Panongu ye ghüyi lono wove nani, panongu küghape akughumi shisü shiye gholo wuve nani, eno Jewkumomi do-ghuloki tomoke kutolo panongu no Jerusalem nedaqoda nani.

2 Thes. 2:4

pa no alhou ipi chekeu momu ajulho kümlla jeli mjochile no tipaqo shoqa nani, eno pa ampi pesü Alhou kepi sheshu no Alhou chineki lo pa kungo-a shinani.

IBRIMI 2:10

Kughengu pa ghime vecheo anuli kutomo ajuküvüpu lo süghilu keu lo Alhou khuu vecheo thime kümtsü acheni keno Pa no Jisü pelo xakulupu la lo amiheu shilupe keu ye achipilo ke.

Piyeküsü 17:14

Panongu no Ambeti sasü aghüshi nani kemu Ambeti no pano theqhive nani, kughengu Pa ye ampemi shou Ampeu eno kükami shou Akükau, eno Pa gholo kichemi ye kuluve kemi, kishekiphemi eno pükhükulumi ke.”