DANIEL 7:7 - Sumi Naga CL (Re-edited) Bible (BSI)

⁷ Hipa thiu putho lo I no kungunhetsü ithulu, eno julo, tüghashi abidiu, akümsapu, aküighüpu eno shishe akumto. Tipau ye ayi no shikeu ahu kije xapuae; tipau no tsüchuve no kubopinyive tsü eno kiu achili aghi keno tipau pukhu no qodave tsü. Tipau ye pa züu tüghashi kütauqo nguno paküta, tipau ye akibo chighi ae.

BAIBEL (BSI)

⁷ Ino juake dolono tughashi abidiu ipeghive. Tipau ighono akuka kua, akuighupu, akumsapu. Pahuqo ighono kije ayino shikeu huno lhoxu heqhi eno tipaqo nedaqhi. Tipauye tughashi kutauqo toimono akibo chighi puake.

DANIEL 7:7 Iomraidhean Croise

SAMUEL AKINIU 22:43

I no ayeghimkhu toi panoqo mukhumuno shivetsü; alaghi lo aniba toi I no panoqo qoqhi eno nedaqhi.

JOB 41:14

Khuu no pa gi hukikha khaqhi luni kea? Akümsapu no pa hu homxape anie.

EZEKEL 40:2

Kungunhetsü lono Alhou no Israel yeghi lo I saighi, eno shishe qhemghai keu naghuto lo apeu küdau mishighüna shiqhe aketoi keu-a lo I küghüqa.

DANIEL 2:19

Tithiu putho lo kungunhetsü lakhi lono tuqhou küsü püakeu Daniel lau pephe piye. Tileno Daniel no kungugha Lhou shikimthi.

DANIEL 7:13

“Putho lono I no kungunhetsü ithulue, eno julo, timi nu toike lakhi, atsütsü lo khüngküsü lono ighi, Pa no Alholo Achekeu lau ighi eno Pa zülo ngoluve.

DANIEL 7:2

Daniel no asheshu, “Putho lo Iw kungunhetsü lono I no ithulu, julo, atsütsü mülhü bidi no azüghi kije fukucho aghi.

DANIEL 8:10

Tino atsütsü lo aqokitikhi kutolo kije shi ipeghive. Aqokitikhi dolo eno ayepuqo dolo hami ye ayeghi lo vepiqive eno panoqo qodaqhi.

DANIEL 8:22

Akibo icheve keu-a lono akibo kütau bidi ipeghive keu ye, paw shiye dolono kükaqha bidi ipeghive nani, ikemu pa küka qhemi kumo nani.

ZEKHARIA 2:1

I no I nhethi tsükhope jukelo timi lakhi no akimghipu süta pa u lo pe aghi keu ithulu!

Piyeküsü 12:3

Itaghi atsütsü lo amchipu kije kütau lakhi ipeghi, dragon kije lakhi huchuyi shino akütsü tsüni, akibo chighi eno kükakütsüqho tsüni aküphashi xapu aghi.

Piyeküsü 13:1

Tithiu tüghashi lakhi akibo chighi, tipaqo lo kükakütsüqho aküphashi xapu, eno akütsü tsüni, tipaqo lo küthaküghapu je heda pusü azüghi lono ipe cheghi keu I no ithulu.

Piyeküsü 17:12

Eno akibo chighi nono ithulu püakeu ye kükami khunoqo kükagha ithulu mphi keno pano chighi ke, ikemu tüghashi gholono kümtsa ayikihedo lakhi ghenguno kükami nguagha ikhiluni ye ani.

Piyeküsü 17:7

Ikemu kungumi huno I vilo pi, “No ye kushiye akümzaqhiyi ani kea? I no atotiu eno li xapu chekeu tüghashi akütsü tsüni akibo chighi kupuu hikümaw ithikümla tuqhou akeu o vilo pini.

Piyeküsü 17:8

Nono tüghashi ithulu keu ye xüache kemu itehi ye kühavae, eno ti ye akuthoku lono ipeghi no kütsave peni keu lo ani. Ayeghi lo küxümi khunoqo je ayeghi boqha ghomphi lono aküxüpu kaku lo yepüaghi moni keno, tipaqo no akümzaqhiyi tüghashi ju nani, kughengu ti ye xüache kemu itehi ye kühave no itaghi ighi nani kehue.