DANIEL 7:25 - Sumi Naga CL (Re-edited) Bible (BSI)

²⁵ Pa no Shishe Akiqheu lachile keu tsa pi nani, eno Shishe Akiqheuw akimthemi ghimeqhi nani, ado ngo ayezah kiliveni keu kughu nani; eno panoqo ye atüqhüdo, atüqhüdoqo eno atüqhüdo tüxa ghenguno pa u lo süvetsü nani.

BAIBEL (BSI)

²⁵ Pano Akughushu Lhou ghobide keu tsa pi nani eno Alhou wu timiqo ghime nani. Pano panongu chineyeh eno pinyichekeu kilivetsu nike pukaputsa nani. Eno Alhou timiqo pa kuka qholo ampe kuthuno tuxa ngo nani.

DANIEL 7:25 Iomraidhean Croise

ISAIAH 37:23

“No ye khuu phimo eno thaighave akea? Khuu shou o sütsa süqhepe eno o nhethi xukidepe jupuku kea? Israelmiw Akimtheu shou ke!

DANIEL 11:28

Eno pa no küakini kutomo pesü pa yeghi lo idewove nani, ikemu pa mlo ye akimthe puloshoqhi shou anani. Pa ye pa no kümsü aketoi mla nani eno pa yeghi lo idewove nani.

DANIEL 12:7

Aphi kümtsha pepu akeu, khuu aghoki zü shou akeno, pa no pi keu I no chilue; pa no atsütsü küdau pa u ajeu eno piyiu peqheno pülhapuju xü achekeu jelono ashoqhi shie, hipau ye atüqhüdo lakhi, atüqhüdoqo, eno atüqhüdo tüxa ghenguno ke, eno kughou akimthe timiqo küka hepho taveni keno, thime hipaqo kümtsü ashekha shive nani.

DANIEL 2:21

Pa no ado-aghuloki eno atusho kilivetsü cheni; Pa no kükami ikhive eno süküsü shi cheni; Pa no alokütsümi lau alokütsü tsü eno vethakulumi lau akighithi tsü cheni;

DANIEL 3:26

Tithiu Nebuchadnezzar no kuchughei keu miphoki hukikha kupunu ighi; pa no asheshu, “Shadrach, Meshach, eno Abednego, Shishe Akiqheu Lhou qemiqo, ipeghive lo eno hilau ighilo!” Tileno Shadrach, Meshach, eno Abednego noqo no ami lono ipeghive.

DANIEL 4:17

Aghime xakütha tsa ye hikujuu yezah lono ke, xakütha ye akimtheu tsa kiqi lono ke, hi kutolo xü akemi no ithi peniye ke, ti ye Shishe Akiqheu huno timi kükaqha shou ayepe acheni, tipau pesü khukhumu Pa no tsüni keu tsü cheni, eno tipau lo timi aqhoumi dolo aqhou süsüve cheni.’

DANIEL 4:2

Amchipu eno akümzapu khikhi Akughushu Lhou no I ghenguno mla keno I mlo kiqishi hipau piye niye ani.

DANIEL 4:25

ike no ye timiqo gholono hapupove nani, eno o kungo-a ye aghasa lo tüghashiqo gholo shive nani. No ye amshitsü lakhi toi atsüni chuuve nani, atsütsü lo tsüzü no o pütsü nani, eno Shishe Akiqheu no timi kükaqha lo ayepe cheni eno tipau pesü khukhumu Pa no pulo keu tsüve chenie pi nono ithi moke kutolo kihiküthado tsüni no o hecheve nani.

DANIEL 4:32

eno no ye timiqo dolono hasasü wuve nani, o kungo-a ye aghasa lo tüghashiqo gholo shive nani. No ye amshitsü lakhi toi atsüni mzachupe nani, eno Shishe Akiqheu no timi kükaqha shou ayepe cheni eno tipau pesü khukhumu Pa no pulo keu tsüve cheni ipi ithi moke kutolo kihiküthado tsüni no o hecheve nani.”

DANIEL 7:18

Ikemu Shishe Akiqheuw akimthemi no kükaqha ikhiluve no alhokupuju, alholo eno pülhapuju kükaqha pe acheuve nani.’

DANIEL 7:20

eno tipau kütsü lo akibo chighi xapu akeu ngo akibo kütau ipeghi kelo tipau zülo akibo küthü akeu no ikiqive keu, akibo khipau lo anhethi akeno eno akichi lono aqheküza tsa pi akeno, tipau ye pa lojimi nguno akijeu shi ithulu akehu tüghashi tipau ghili I no ithiveni shi ae.

DANIEL 7:8

I no akibo ju akeloye tipaqo dolono itaghi akibo kitila aghulo lakhi ipeghi, tipau züu akibo küthü ye akuhu-aghü lono tujopheve tsü. Eno julo, timi nhethi toi akibo hipau lo anhethi ae, eno akichi ghi ae, tino shishe aqheküza tsa piae.

DANIEL 8:11

Akibo no aqokitikhi gholo Kükapuu toi kije shive. Eno tsalakipe kipti kümllagho Pa launo pewuve, eno Pa kimthe-a kütsave tsü.

DANIEL 8:14

Pa no I vilo pi, “Inaqhe avela 2,300 ghenguno ke. Tithiu no akimthe-a ye tipau chipiu-a lo athoputho tsü nani.”

DANIEL 8:9

Tipaqo dolo akibo aghulo lakhi ipeghi, tipau ye apeu küdau, kipela eno ajuküvü yeghi küdau shishe kije shi thuipeghive.

DANIEL 9:27

Apinedo lakhi ghenguno pa no kutomo sasü puloshoqhi kumto mla nani eno apinedo tüxa ghenguno pa no aghakishi ngo akümllagho lakhave nani. Eno aphikümqhüpu chishibo lono kütsakungo nikeu ighi nani, eno kishekhani keu za shi püakeu huno pa shou lepuku tsümoke kutolo pa ye tile anani.”

HOSIYA 7:16

Panongu no ideighi, ikemu kunguu küdau kumoe; panoqo ye thekuchu süzü toie; panow kükapumiqo no timi kiphikumo mili xapu kehu azütakikihi lono ikiqive nani. Hipau ghenguno Egypt yeghi lo panongu cheqhi nani.

2 Thes. 2:3

Kiu gholau nomu khuana pelo nongu pishiqhipe kevilo. Kughengu kütsakungo nu, ayezah heküxau eno hekibideu paghi ighi moke kutolo Ampeu tsala ighimo nani,

2 Thes. 2:4

pa no alhou ipi chekeu momu ajulho kümlla jeli mjochile no tipaqo shoqa nani, eno pa ampi pesü Alhou kepi sheshu no Alhou chineki lo pa kungo-a shinani.

2 Thes. 2:8

Tishino ayezah heküxau pephe nani, ikemu Ampeu Jisü ipeghi kelono Pa kichi lo atuthu huno pa pithive nani eno pa ye kiumu kumove nani.

Piyeküsü 12:14

Ikemu li lau alhuqu kije chishibo kini tsüpüa kehu tino li pelo apighi launo yewo yenguyike-a lo ampe küthü tüxa kutolo khileno li loji peniye kuto püatsü keno, tipa-a tolupe.

Piyeküsü 12:6

eno atotiu ye atsala 1,260 kutolo yenguyike-a lono tucho peniye Alhou no khile kuto püatsü keno, tilau pove.

Piyeküsü 14:12

Hi ye küpülümi khunono Alhou zakütsü pelu no Jisü lau aküpülü acheni keno tipaqo pelo kutuokutuu peniye kukeu ke.

Piyeküsü 16:6

Kughengu panoqo no küpülümi ngo tungkupmi ji peleve tsü kehu Nono panoqo pijeni ke aji pesü tsüvae. Ti ye panongu no ithulu küzüpu huke!”

Piyeküsü 17:6

Atotiu ye küpülümi ji eno Jisüw thopi ghakishimi ji shomzüpe ae. Kughou I no li ithulu keno ni ye shishe akümzave.

Piyeküsü 18:24

Tungkupmi ngo küpülümi, eno ayeghi lo timi pithive keqo kümtsü ji Babylon lo kighiji püaghi keu phulue.”