DANIEL 7:1 - Sumi Naga CL (Re-edited) Bible (BSI)

¹ Babylon kükau Belshazzar yepe mpe atüghüu lo, Daniel no pa lüpa lo ihozü akelo asamo eno kungunhetsü ithulu. Tithiu pa no asamo yepe qhive eno asamo akhoto vehu huye pivetsü.

BAIBEL (BSI)

¹ Babilon lo Belshazar no kalukeu mpe atughiulo ino asamo lakhi pumolu eno tipajino kungunhetsu lono ithulu. Ino asamo yepe qhive,

DANIEL 7:1 Iomraidhean Croise

BOTHUBO 15:1

Hipaqo shive kethiu, kungunhetsü lono Ampeu tsa Abram lau ighi: “Msa kevilo, Abram, Ni ye o züto ke; o saxü ye shishe kije shi nani.”

BOTHUBO 46:2

Alhou no putho lo kungunhetsü lono pa pütsa no pi, “Jacob, Jacob.” Eno pa no pi, “Ni hile ani.”

JOB 4:13

Timi no züchei ake lono asamosa ithughi ketoi,

ISAIAH 30:8

Itehi ye wulo, timiqo küa lono atupha eno kaku lo yepuku lo, tishianguno tino alholo thopi shi ighini keu tsala kutolo ache peni.

ISAIAH 8:1

Tithiu Ampeu no I vilo pi, “Atupha kije lakhi luno yesüta pesü yepuku lo: ‘Maher-shalal-hash-baz’

JEREMIYA 23:28

Tungkupu khuu no asamo pumo ani keno pa samo pipelo, ikemu khuu no I tsa piani keno pa ye pükhükulupu shi pilo. Aghijini ye kiu lono athi sasü aqü shini kea? ipi Ampeu no sheshu.

JEREMIYA 27:7

Pano ghakhu do aghuloki ighi moke kutolo shiye kümtsü no pa ngo pa nu eno pa tilimi kutolo huthu nani. Tithiu no shiye kutomo, eno kükami kijeqo no pa pesü pano qeu shive nani.

JEREMIYA 36:32

Ikehu Jeremiah no liküküzü kaku kütau pesü Neriah nu akiyeu Baruch tsü. Eno Baruch no Judah kükau Jehoiakim no pitive tsükeu liküküzü kaku lo Jeremiah no shetsü keu tsa kümtsü yesüve. Atsa kimihi keu kutomo tipa gholo süküqhave.

JEREMIYA 36:4

Tile Jeremiah no Neriah nu Baruch ku, eno Ampeu no pikeu tsa kümtsü Jeremiah no Baruch vilo shetsü kelo Baruch no liküküzü kaku lo yesüve.

EZEKEL 1:1

Atsala apunguu, aqhi abidiu, ampe chighiaküthüu lo, ni ye Khebar züla lo haphe sawuve kemi gholo ae, tile kungugha kokiyeve eno I no Alhouw kungunhetsü ithulu.

EZEKEL 40:2

Kungunhetsü lono Alhou no Israel yeghi lo I saighi, eno shishe qhemghai keu naghuto lo apeu küdau mishighüna shiqhe aketoi keu-a lo I küghüqa.

DANIEL 1:17

Lhothemi pano bidi ghengu ye, tsaiko eno alokütsü kümtsü lo ithiküphalu keu ngo asüqe kighithi Alhou no panoqo tsüe, eno Daniel ye kungunhetsü ngo asamo kümtsü lo vethakulu ae.

DANIEL 2:1

Nebuchadnezzar yepe mpe akiniu lo, Nebuchadnezzar no asamo pumo; pa ghungu küpünape pa ye zühu mlave.

DANIEL 2:26

Akükau no Daniel, khuu je Belteshazzar keno, pa vilo pi, “No ye I no asamo pumolu keu eno tipau hekupho I pelo ithilupe nani keshea?”

DANIEL 4:13

“I no alüpa lo ihozü akelo kungunhetsü ithulu, julo, hikujuu lakhi akimtheu atsütsü lono iqighi.

DANIEL 4:5

I no asamo lakhi pumo ke tino I pelo msavepe. I no alüpa lo ihozü akelo kümsükuju kükümsü eno kungunhetsü no I shithüghüive.

DANIEL 5:1

Akükau Belshazzar no aghulhu kije lakhi pa qholo ampemi qhethonhe ghenguno kuto eno qhethonhe zülono atsaiji sho ae.

DANIEL 5:22

No, pa nu, Belshazzar, huno hipaqo kümtsü ithi akemu o mlo kuchuni movae,

DANIEL 5:30

Tipa ji putho lono Chaldeami kükau Belshazzar ye pithive.

DANIEL 7:13

“Putho lono I no kungunhetsü ithulue, eno julo, timi nu toike lakhi, atsütsü lo khüngküsü lono ighi, Pa no Alholo Achekeu lau ighi eno Pa zülo ngoluve.

DANIEL 7:15

“Ni, Daniel ye, I lolo I ghungu no kütakihi ae, eno kungunhetsü hu no I shithüghüive.

DANIEL 7:7

Hipa thiu putho lo I no kungunhetsü ithulu, eno julo, tüghashi abidiu, akümsapu, aküighüpu eno shishe akumto. Tipau ye ayi no shikeu ahu kije xapuae; tipau no tsüchuve no kubopinyive tsü eno kiu achili aghi keno tipau pukhu no qodave tsü. Tipau ye pa züu tüghashi kütauqo nguno paküta, tipau ye akibo chighi ae.

DANIEL 8:1

Akükau Belshazzar yepe mpe aküthüu lo kungunhetsü lakhi atüghü lo I piyeve kethiu, itaghi ni, Daniel lau ipeghi piye.

JOYIL 2:28

“Ado hami thiu I no timi kümtsü shou I Ghungu lepuku tsü nani; no tianuli kiptimi totimiqo no tungkupu tsa pi nani, now muchomiqo no asamo pumo eno lhothemiqo no kungunhetsü ithulu nani.

AMUS 3:7

“Kughengu Ampeu Alhou ye Pa qemi tungkupmi lau Paw tuqhou pephe piyemo keloye kiumu shichemoe.

HABAKUK 2:2

Eno Ampeu no I khochile: “Atulupha shou kungunhetsü mtsümishei yepuku lo, tishino philu kemi pelo pove pelo.

AKIKIHI 12:6

Ampeu no pi, “I tsa inilo: Nongu gholo tungkupmi aghi kelo Ni Ampeu no I pesü kungunhetsü lono pa lau kilethitsü, eno asamou no pütsa cheni.

Rommi 15:4

Khaghi ghuloki lono kiu yepe qhive keno ti ye ishi ningu qoputhu niye ke, tishianguno Kuchoyesü lo kheakulu eno shikumtokütsü vecheo ningu pelo lajupu apeniye ke.

2 Kor. 12:1

Ni ye aqheküza tsa pini aphi. Tino kiumu ala shimla kemu ni ye Ampeuw kungunhetsü ngo piyeküsü ghili pini aphi.

Piyeküsü 1:19

Ikehu nono ithuluve keu, ithulu akeu eno hipa thiu shiniye akeu thime jeli kümtsü yelo.

Piyeküsü 10:4

Eno kughou tsütsüküsü tsüni no igha keno, I no yeniye shikemu atsütsü lono asütsa lakhi no pikeu I no chilu, “Tsütsüküsü tsüni no kiu pive akeno mekhape qhivelo, eno tipau yepeqhi kevilo.”