DANIEL 6:7 - Sumi Naga CL (Re-edited) Bible (BSI)

⁷ Kükaqha lo hiyampemi, yepemi, mijekütsümi eno angh kümtsü puloküqha anike akükau pelo ayezah lakhi mlave no tsatsai pape masa keu shipeni shi ani, ti ye, O akükau, khukhumu atsala shighi dolo, o lau likhi kumo aye, alhou momu timi vilo inikhu keu ye abongshuu kilo vesüveni.

BAIBEL (BSI)

⁷ Ningu kumtsu okukaqholo Jukutsu chekemi, ahngqo ahng kukuphuu eno tinguno alau kijemiqo pulokuqhaveno opelo ahza lakhi mukamghai bethatsu penishi ani. Ahza tsulo, timi kumtsu atsala shighi dolo no Akukau vilo kumo aye kutami lhou vilo mu timi vilomu inikhu pekevilo. Ahza hipau timi khuuno hexaveni keno pa kughape abongushuu khakuthabolo ikhisuve nikeu shilo.

DANIEL 6:7 Iomraidhean Croise

LESHELE 10:9

abongshuu toi pa no asüminipho lo itshüpe ghüthe cheni; kumlhomi tsüqü luveni ye pa no itshüpe ngo cheni; pa no kumlhomi tsüqüpe pa khame lono sünhesü luve cheni.

LESHELE 2:2

Ayeghi lo kükami no pano ampi süqhe, eno yepemi no mije küqhano Ampeu eno Paw Nukikishe lachile pi,

LESHELE 59:3

Kughengu julo, panongu ye I küxü miqe ani; mkamihi kemi no I shou aküküpna xukutho ani. O Ampeu, I kipimi momu axine kiumu küha keghi,

LESHELE 59:5

No, Ampeu aqokitikhi Lhou ye Israel Lhou ke. Shiye kümtsü ghime kepushi ithulo; thekuchu shi kixikila kuchughu keqo khumu pheve kevilo.

LESHELE 62:4

Pano kukughu ye akuchuqu-a lono pa sünhe qhiveni keu likhi ke. Panongu ye kichile lono aghapiqilu cheni. Pano kichi loye kümghatsü cheni, ikemu amlo lou ye panongu no ghusho cheni.

LESHELE 83:5

Kughengu panongu no akükümsü lakhi lono kuchughue; panongu no O lachile visho shie

LESHELE 94:20

Küsakügha yepemi khunono achipikumo lono ayezah mla cheni keno panongu ye O sasü visho shilu nani keshea?

DANIEL 2:4

Tile Chaldeami no akükau vilo Aramaic tsauno pi, “O akükau, axüpushu lo! O qemiqo vilo asamo pilo, eno ningu no hepho piyeni.”

DANIEL 3:11

Eno khukhumu itsaqi no mllamo keu ye kuchughei keu miphoki lo vesüveni keu shie.

DANIEL 3:2

Tile akükau Nebuchadnezzar no timi puwu no kükapumi, pangtong, angh, mijekütsümi, akini jukükütsümi, xaküthami, ayezah kipemi eno aghakhu lo hiyampemi kümtsü akükau Nebuchadnezzar no ajulho shiqhe keu khakiqhi lo ighi peniye kukütsü.

DANIEL 3:27

Kükapumi, pangtong, angh, eno akükau mijekütsümi no kümtsa hekütsü no ami küka ye timi hipaqo phiau lo kiumu shimlave keu ithulue. Panoqo kütsü lo asa mu piti püaghimo, aphimini mu shipüsa püaghimo, eno ami kipti xomu panoqo shou ikughi moe.

DANIEL 3:6

Eno khukhumu itsaqi mllamo keu ye tipamtsa kuchughei akeu miphoki lo vesüveni.”

DANIEL 6:16

Tileno akükau no azah tsüno Daniel saighi eno abongshuuqo kilo vesüve. Akükau no Daniel vilo pi, “O Lhou, khuu nono tamono qecheni keno, Pa pelo o xalu peniu!”

DANIEL 6:22

I Lhou no kungumi puwu no abongshuuqo kichi lakhave tsü, eno panongu ye I ghüza moe, kughengu ni ye Pa zülo tukutiye küha keu shi ithulu; eno o zülo ghi, O akükau, ni ye aghüzapu kiumu shi püamoe.”

MICAH 6:5

O Iw timiqo, Moab kükau Balak no kiu kuchughu, Beor nu Balaam no kiu pa khochile, Shittim lono Gilgal kutolo kiu shikeno kümsülu lo, eno AMPEUw achipiu kümla nongu no ithi nani.”

NAHUM 2:12

Abongshuu no patiqo sala lukümkha shi lhoxü heqhiche eno pa tüna sala lhoxü tsüqhiche; pa kungo-a lo lhoxü tsüve keu eno ashi sütha pinyive keu no chhitoike.

MATTHEW 12:14

Ikemu Phariseemi ye khalau ipeve no kishi pa kütsaveni keno küsüqe thuve.

MATTHEW 26:4

eno küsüu no Jisü küghape pithive nike kuchughu küqhave.

Mark 15:1

Inaqhe shive kemtsa achinetomi no layemi, Ayezah shikükami ngo hoho mpemi kümtsü sasü kuchughuve. Panongu no Jisü phiau tshüve tsüno sawo Pilate u lo süvetsü.

John 12:10

Ikehu achinetomi no Lazarus ghi pithiveni ke kuchughu,