DANIEL 6:4 - Sumi Naga CL (Re-edited) Bible (BSI)

⁴ Ikelo hiyampemi ngo yepemi no kükaqha vehulo Daniel shou muchho niye alaghi phuju, ikemu panongu ye akumchho momu akipimi tsükulupu laghi kiumu kühave, kughengu pa ye pükhükulupu eno pa lolo akipimi momu küqü keu kiumu ithulu moe.

BAIBEL (BSI)

⁴ Tileno kutami jukutsu akemi eno ahngqo kuqhano Danel yehkipelo akipimi phu nikeu pukaputsaju kemu akipimi kiumu phumlave, kughengu Danel no amikucho akikhi timi kehu eno pulube kulupu kehu.

DANIEL 6:4 Iomraidhean Croise

BOTHUBO 41:38

Eno Pharaoh no pa qemi vilo pi, “Alhou Ghungu alolo akemi timi hitoi keu ningu ye ithulu nani keshea?”

BOTHUBO 43:18

Panongu ye msave kughengu panoqo sasü Joseph kilo iloghive ke, eno panongu no pi, “Hi ye pisa, khikhi atüghüu lo ningu kho lo süpüaghi keno tipau ghenguno ningu sailoghi ani, tipau ghenguno ningu ghimeqhi no pa qemi shivepe eno niw khurhaqo küghaluve niye shi anie.”

AHOLE 29:27

Kixikilami ye amikuchomi zülo aphikümqhüpue eno müzüchoi kemi ye kixikilami no ju aphimqhü cheni.

YETSAPIU 4:4

Itaghi I no ithulu keu no timi lakhi no akaghashi mlakeu eno akümla lo shitsa shikeu kümtsü pa kisüghüu jumine kelau noke. Hi ghi adou eno amülhü küghaju püha keu paphie.

JEREMIYA 18:18

Tile panongu no pi, “Ighilo, ningu Jeremiah shou kuchughuni, kughengu achinemi launo ayezah shiküka tavemo nani, alokütsümi launo mijekütsü eno tungkupmi launo atsa pühave monani. Ighilo, ningu amili pesü pa leni eno pa no kiukiu pinamu ini moni.”

JEREMIYA 18:23

Ikemu O Ampeu, panoqo no I pithini ke amqü shi akeu Nono ithi ani. Pano kipimi qhitsü kevilo, momu O zülono pano xine nuxave tsü kevilo. O zülono panongu ikhive lo; O mlokighide lono pano kuto tsülo.

JEREMIYA 20:10

Kughengu I no chhuchhushi keu sütsa chilu ani. Akümsapu no ako kümtsü lo ani! “Pa pipüthave lo, ningu pa pipüthani!” ipi I poshumi kümtsü no pi ani, I pelo ikiqive penike khe ani. “Pa pishiqhive luve aye nino pa shou toluve nani eno pa shou ningu mkhülu nani.”

JEREMIYA 29:7

I no nongu akughu lo puwuve keu mishighüna khile nongu no ani keno tipau lo külakishi eno thukuupu phulo, Ampeu lau aphughi züqhushi inikhu lo, kughengu tipau kivipu phu aye nongu kivipu phulu nani.

DANIEL 3:8

Tighenguno tipa ghuloki lo Chaldeami khami ighi no Jewmi pipütha ghi nguku.

DANIEL 5:12

kughengu akighiche ghungu, akighithi, asamo hepholu kepu vethakulu, ahole hepho piyelu keu, eno aküküpna xathalu kepu Daniel hipau lolo ithulue, pa ye Belteshazzar ipi akükau no kuvetsü. Itehi Daniel kusü julo, eno pa no hekupho o piye nani.”

DANIEL 6:22

I Lhou no kungumi puwu no abongshuuqo kichi lakhave tsü, eno panongu ye I ghüza moe, kughengu ni ye Pa zülo tukutiye küha keu shi ithulu; eno o zülo ghi, O akükau, ni ye aghüzapu kiumu shi püamoe.”

MATTHEW 26:4

eno küsüu no Jisü küghape pithive nike kuchughu küqhave.

MATTHEW 27:18

Panongu ye Jisü ju anheshu kelauno ikhiphepe tsüvae pi Pilate ye ithi ae.

Luke 20:20

Ikehu panongu no tsaqüi pa jukuto akelo timi khami pelo amlo tsüqhiyi kemi toi pa tsa ini penike puwu, tishianguno pa no kiuala pikeu lono pa mepe angh qholo yepemi tsüve niye ke.

Luke 20:26

Panongu ye timiqo zülo pa no pive keu pesü anepa shino pa melu kepu shimlave, eno paw khokichile no akichiqhi auve no inaqhoive.

Luke 22:2

Achinetomi ngo Ayezah shikükami no kishi Jisü pithiveni keno tsaqüi kuchughua kughengu panongu ye timiqo msa ake.

John 19:4

Pilate no itaghi khalau ideipe timiqo vilo pi, “I no pa sasü khalau ipeghini ke julo, tishianguno I no pa lolo akipimi phumla keu nongu pelo ithi penie.”

2 Kor. 11:12

I no kiu mla ani keno ni ye tishi anani, tishianguno khunono pano kümla lo qheza ghi nino mla cheke toi pano ghi shichenie picheni keno tipaqo kümla shipühave tsüniye ke.

FILIPIAMI 2:15

tino nongu pelo akuaye kühano tsüghükhüi shilu, ihoghülai eno chighichilai keu tiqheli lo tukutiye kühano Alhou tianuli shi ayeghi lo aküvü toi vülupe nani,

1 Tim. 5:14

Ikehu ni ye chimemi lhotheqo pelo külave no atianuli auve penishi eno akibo peithauve penishie, tishikeu lono ni ghümi no ni lhoksa pimo nani.

Titus 2:8

o tsapi lo timi no pipütha pemo kepushi mtsümishei shilo, tishikeu lono küla akemi shikujove no ningu shou alhoksa pilu kepu kühave nani.

1 Peter 2:12

Alhou mtha kemi gholo nonguw süqesüli ye gihuküzüpu shilo, tishianguno panoqo no nongu ye küsakügha kümlami kepi jeku anamu itaghi nongu kümla kivi ithulupe Alhou no ighike Tsala lo akishe tsülu nani.

1 Peter 3:16

nonguw kiviküsa lokütsü huno akipimi tsüpemo kepushi mtsümishei keu mlo xapulo, tishianguno kughou nongu pipüthani keno, nongu no Khristo laumi kehu nonguw süqesüli kivi pipütha kemi pelo kujove peniye ke.

XAKUTHAMI 14:4

Hi ye Ampeu launo kepi pa puaza ye vethamlae, kughengu Ampeu ye Philistiami sasü aghü shini keu tüqhüdo phuju ake. Tipa ghuloki lo Philistiami no Israelmi shou ayepe che.

SAMUEL ATUGHIU 12:4

Panongu no pi, “No ye ningu pishiqhi chu momu qhasü püamoe, khuu u lomu kiumu lupe püamoe.”

SAMUEL ATUGHIU 18:14

Eno pa no shikeu kümtsü lo tokulu shilu, kughengu Ampeu no pa gholo ake.

SAMUEL ATUGHIU 22:14

Tile Ahimelek no akükau khochile, “Imaye o qemi dolo khuu no David toi ighono pükhükulu, akükau makishiu, o ghukhemi shou kepten, eno o kibo lo gihuküzümi kea?