DANIEL 6:27 - Sumi Naga CL (Re-edited) Bible (BSI)

²⁷ Khuu no abongshuuqo küka lono Daniel xaphelu keno, Pa no xaphe eno hakho cheni; Pa no atsütsü eno ayeghi lo amchipu eno akümzapu mla chenie.”

BAIBEL (BSI)

²⁷ Paye xakuluu eno ikhiphekuluu, pano kungughalo ghi eno ayeghi loghi akumzapu, akichiqhiyi kepu shilu acheni. Pano abongushu kichi lono Danel xapheluke.”

DANIEL 6:27 Iomraidhean Croise

JOB 36:15

Pa no aghimeshi chekemi xaphe cheni eno pano ghime lono pano kini xükhotsü cheni.

LESHELE 145:13

O kükaqha ye lhokta kükaqha, eno O yekipeqha ye tiqheli kümtsü lo acheni. Ampeu ye Pa tsa lo pükhükulupu ke, eno Pa kümla kümtsü lo kimiyekini ke.

LESHELE 18:48

Pa no I ghümi launo I xaphetsü, iyei, I mjochile ipeghi kemi shou I süqhe ke; Nono ngukangughami launo I xaphelue.

LESHELE 18:50

Pa no xakulu kije Pa kükau lau süghitsü, Pa no nukishe luve keu David ngo pa tikughuko lau alholo iqemokeu kikimiye piye.

LESHELE 32:7

No ye I ghenguno aküghütshü-a ke; Nono aküküpna lono I peküsüe; Nono xakulu lekungo pesü I botha ke.

LESHELE 35:17

O Ampeu, No ye ado khitohi juani kea? Panow kütsakungo keu, eno abongshuu launo I küxü mekusho kuphu tsülo.

LESHELE 97:10

O nongu Ampeu kimiye chekemi, alhoksa mithilo! Pa no Paw akimthemi küxü pükhalu cheni; Pa no küsaküghami u lono panoqo xalu nani.

JEREMIYA 10:10

Ikemu Ampeu ye kuchou Lhou; Pa ye aküxüpu Lhou eno lhokta Kükau. Pa loghu lono ayeghi itha cheni, eno Pa no amloide kelo shiyeqo ye puqhelu chemoe.

DANIEL 2:44

Eno kükami tipaqo ghuloki lono kungugha Lhou no kükaqha lakhi shiqhe nani, ti ye khilemu kütsave monani momu timi kütami lau phesüve monani. Tino kükaqha hipaqo kümtsü kubopinyive nani eno kishekhave tsü nani, eno ti ye alholo puthugho nani,

DANIEL 4:31

Atsa hu no akükau kichi lo aphi lono, atsütsü lono asütsa lakhi ighive, “O akükau Nebuchadnezzar, o lau hipau piqhi ani: kükaqha ye o launo chevae,

DANIEL 4:34

Ado ashekha shive kethiu, ni, Nebuchadnezzar no atsütsü lo I nhethi tsüpuku, eno I kükümsü ye I lau idechile ighive, I no Shishe Akiqheu, khuu pülhapuju xü acheni keno, Pa sheqhe eno agigihu tsü, kughengu Pa yekipeqha ye pülhapuju yekipeqha ke, eno Pa kükaqha ye tiqheli no tiqheli kutolo acheni;

DANIEL 4:35

ayeghi lo küxümi ye kiumu kumo keu shi kihi acheni, Pa no Pa pulou kiqi lono kungugha lo aqokitikhi gholo eno ayeghi lo küxümi gholo mla cheni; eno khumu Pa u lakhave mla momu Pa vilo, “No ye kiu shive akea? ipive mlae.”

DANIEL 6:20

Daniel no khile akeno tipau kupunu ighi kelo, pa no amloksa lono ighamku. Akükau no Daniel lau asheshu, “O Daniel, aküxüpu Lhou qeu, o Lhou khuu nono tamono qecheni keno, Pa ye abongshuuqo launo o xalu kemo kea?”

John 4:48

Jisü no pa vilo pi, “Nongu no amchipu eno akümzapu ithumla ke kutolo nongu ye pülümo nanie.”

Apostolmi 4:30

O u chhope shipivi tsülo, eno O qeu akimtheu Jisü je vecheo amchipu eno akümzapu shitsü lo.”

IBRIMI 2:4

Alhou ghi amchipu eno akümzapu, mzamghalei keu jeli eno Pa pulou kiqi lono küsaje tsükeu Aghungu Kimthe gho vecheo ashepe shiküqha tsüke.

SAMUEL ATUGHIU 17:26

David no pa phivilo akemi vilo pi, “Philistiami hipau pithive no Israelmi launo thokügha ikhive tsükeu lau kiu shitsü nani pi kea? Kughengu aphighü ghamo kemi Philistiami hipau ye khuue pi aküxüpu Lhou ghüshimi khüni kea?”