DANIEL 6:26 - Sumi Naga CL (Re-edited) Bible (BSI)

²⁶ I no xaküthaza lakhi mla ani, ti ye I yekipeqha lo timi kümtsü no Daniel Lhou zülo khokhoshi eno sükümsa shini, kughengu Pa ye aküxüpu Lhou, pülhapuju ache keue; Pa kükaqha ye khilemu kütsave mla nani, eno Pa yekipeqha ye ashekha kutolo anani.

BAIBEL (BSI)

²⁶ Ikukaqhalo timi kumtsuno Danel Lhou musa penike eno gihu penike ino ahza tsu ani. Paye akuxupu Lhou, pano ashekha kuha ayehpe nani. Pa kukaqha khilemu shipusamo nani. pa kukaye ashekha shive mla nani.

DANIEL 6:26 Iomraidhean Croise

EZRA 1:3

Nongu gholo Paw timi aghi keu ye pa Lhou no pa gholo apenike pa pelo Jerusalem, khikhi Judah lo ani keno, tilau iqho pelo, eno Ampeu, Israel Lhou, khuu Jerusalem lo ani keno, Pa ki shiqhe kithe pelo.

EZRA 7:21

“Eno ni, akükau Artaxerxes, no Aghoki Kukuu phughi lo akükau kinibo peithakütsümi kümtsü lau xaküthaza lakhi tsü ani: Kiu kiumu achineu Ezra, kungugha Lhou Yezah kükütsüu no nongu launo avehupu shikeu ye amlo tsüqhiyi shino tsülo,

LESHELE 119:120

O msa kelauno I phi I shi no khokhoshi ke, ni ye Ow küghakütha msa cheni.

LESHELE 146:10

Ampeu no alhokupuju ayepe nani, O Zion, O Lhou no tiqheli kümtsü lo ayepe nani. Ampeu sheqhelo!

LESHELE 2:11

Msaighü ghi Ampeu qelo, eno khokhoshi alovilo.

LESHELE 29:10

Ampeu no azüghi shou kükalakhü lo iqa ani; Pa ye alhokupuju akükau shi kükalakhü lo iqa ani.

LESHELE 42:2

I ngulho no tüghüthi Alhou, aküxüpu Lhou phucheni. Kughono ni ye Alhou zülo wuluni kea?

ISAIAH 66:2

Hi kümtsü I u no mlake, tishino thokha kuchopu aghive, ipi Ampeu no sheshu. Ikemu Ni ye timi hitoi keu lau I mloqi nani: aqhokighemi eno aghungu lono xaide kemi eno I tsa sümsa chekemi.

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

JEREMIYA 10:10

Ikemu Ampeu ye kuchou Lhou; Pa ye aküxüpu Lhou eno lhokta Kükau. Pa loghu lono ayeghi itha cheni, eno Pa no amloide kelo shiyeqo ye puqhelu chemoe.

DANIEL 2:44

Eno kükami tipaqo ghuloki lono kungugha Lhou no kükaqha lakhi shiqhe nani, ti ye khilemu kütsave monani momu timi kütami lau phesüve monani. Tino kükaqha hipaqo kümtsü kubopinyive nani eno kishekhave tsü nani, eno ti ye alholo puthugho nani,

DANIEL 3:29

Tighenguno I no xaküthaza lakhi mla ani: ashiaye, shiye, momu atsa jeli khunono Shadrach, Meshach, eno Abednego noqo Lhou lachile keu tsa pini keno, timi tipau phiau sütha pinyive tsüni, eno pano kiqo kütsave tsüni, kughengu hitoi xaluni keu lhou kütau ye kühae.”

DANIEL 4:3

Paw amchipuqo ye kishi kije, Paw akümzapuqo ye kishi akughushu kelae! Pa kükaqha ye lhokta kükaqha, eno Pa yekipeqha ye tiqheli no tiqheli kutolo acheni.

DANIEL 4:34

Ado ashekha shive kethiu, ni, Nebuchadnezzar no atsütsü lo I nhethi tsüpuku, eno I kükümsü ye I lau idechile ighive, I no Shishe Akiqheu, khuu pülhapuju xü acheni keno, Pa sheqhe eno agigihu tsü, kughengu Pa yekipeqha ye pülhapuju yekipeqha ke, eno Pa kükaqha ye tiqheli no tiqheli kutolo acheni;

DANIEL 6:20

Daniel no khile akeno tipau kupunu ighi kelo, pa no amloksa lono ighamku. Akükau no Daniel lau asheshu, “O Daniel, aküxüpu Lhou qeu, o Lhou khuu nono tamono qecheni keno, Pa ye abongshuuqo launo o xalu kemo kea?”

DANIEL 7:14

Ayekipeqha, ajuküvü, eno kükaqha pesü Pa tsüve, tishino ashiaye, shiye eno atsa jeli kümtsü no Pa huthu nani; Pa yekipeqha ye alholo achekeu, ti ye kühave monani, eno Pa kükaqha ye kütsave monani.

DANIEL 7:27

Kükaqha ngo ayekipeqha eno atsütsü qholo kükaqhaqo kughushu ye Shishe Akiqheuw akimthemi shiayeqo tsüve nani; pa kükaqha ye lhokta kükaqha shi nani, eno ayekipeqha kümtsü no pa qe eno gholu nani.’

HOSIYA 1:10

Tishimu Israel tianuliqo kikihi ye azüghi lo asaye toive nani, ti ye mighimla momu kihimla ke. Eno khileno panoqo vilo, “Nongu ye Iw timi kumoe,” ipi keno, tileno panoqo vilo ishi pi nani, “Aküxüpu Lhou nuliqo.”

MALAKI 3:6

“Kughengu Ni Ampeu ye kilive chemoe; tighenguno, O Jacob nuliqo, nongu ye pühave mphie.

MATTHEW 6:13

Eno ghukuju lo ningu sailotsü kevilo, ikemu alhoksau launo ni xaphe tsülo.”

Luke 1:33

eno pa no pülhapuju Jacob lagha shou ayepe nani, eno pa yekipe ye khilemu kishekhave monani.”

Luke 12:5

Ikemu khuu msa kepu keno I no nongu ghutu ani: khuu no pithive no alhomi lo vesüve kulupu kükagha ani keno, pa msa lo. Iyei, I no nongu vilo piani, pa msa lo!

Apostolmi 17:25

momu Pa no kiuala avehupu shi aghi kepu toi, timi u no pa huthu chemoe. Tikumo no Pa ampi no aküxü ngo atuthu eno thokha thime pesü timi kümtsü tsüke.

Rommi 9:26

“A-a khileno, ‘Nongu ye Iw timi kumoe,’ ipi püa keno, tileno panoqo vilo, ‘aküxüpu Lhou nuliqo,’ ipi kunani.”

ZAKINIU 5:26

Kughengu aküxüpu Lhou no ami lono pütsa keu chilu kelo, timi khuana xülu püani keshea?

1 Thes. 1:9

Kughengu nino nongu lau ighi kelo kishi nongu no ningu ikhilu, ajulho launo tsüghüsü aküxüpu eno kuchou Lhou qenike ighi,

IBRIMI 12:29

kughengu ni Lhou ye pitimaha keu mike.

James 1:17

Agho kivi eno kupukülai keu gho kümtsü kungulo küvü Papu launo iqighi cheni, Pa gholo aküvü ye kilive momu yekhüve chemoe.

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”

Piyeküsü 4:10

layemi muku bidi huno Khuu kükalakhü lo iqa no pülhapuju eno alholo xüacheni keno, Pa zülo itsaqi no mllae. Panongu no kükalakhü zülo pano kütsükuqho lhaqhi no pi,

Piyeküsü 5:14

Aküxüküa lhoxü bidi no, “Amen!” ipi, eno layemiqo no pishiqho luve no mllae.

SAMUEL ATUGHIU 17:26

David no pa phivilo akemi vilo pi, “Philistiami hipau pithive no Israelmi launo thokügha ikhive tsükeu lau kiu shitsü nani pi kea? Kughengu aphighü ghamo kemi Philistiami hipau ye khuue pi aküxüpu Lhou ghüshimi khüni kea?”

SAMUEL ATUGHIU 17:36

O qeu ye abongshuu ngo avaqo ghi heqhi pithi püani, eno aphighü ghamo kemi Philistiami hipau ghi titoi shivetsü nani, kughengu pa no aküxüpu Lhou ghüshimi khü anie.”