DANIEL 5:23 - Sumi Naga CL (Re-edited) Bible (BSI)

²³ ikemu kungugha lo Ampeu shou no ampi süqheke. Eno Pa kilo abohuqo o zülo süghipe eno no ngo o qholo ampemi, o nipuqo eno o nipu amishiuqo no tipaqo lono aji shomzüe. Nono ghükayi, ameshoyi, alazayi, ayi, asü-atu lhou, khunoqo ithulu chemo, chilu chemo, momu ithi chemo keno panoqo sheqheke, ikemu Alhou khuu u lo o tuthu ani, eno khuu no o laghi keno, nono gihu movae.

BAIBEL (BSI)

²³ Nono kungughalo kuau hebide ghi achineki lono sughikeu ajukhu eno akhuqo peithake. Nono owu kijemi, onipuqo eno olojilimi sasu tipau lono aji sho eno shuna, tsandi, alazayi, ayi, asu eno atuno shikeu lhou akishe tsuveke, tipaqo lhouye ithulu momu chilu chemo eno kiumu ithi chemoke. Ikemu noye Alhou khuu okuxu puatsuni pina, puhave tsunipimu pa ghoshi cheni keno eno thime jeli kumtsu shou ampeu Alhou keno pa gihumoveke.

DANIEL 5:23 Iomraidhean Croise

BOTHUBO 14:19

Pa no Abram kümghatsü no pi, “Shishe Akiqheu Lhou, atsütsü eno ayeghi pighiu no Abram kümghatsü lo;

BOTHUBO 2:7

tileno Ampeu Alhou no achhigha lono ayeghimkhu pesü timi kughulho eno pa nigipe lo aküxüpu tuthu shesü tsü, eno timi huno aküxüküa lhoxü shive.

KUKAMI AKINIU 14:10

No ye kuchou no Edom theqhivae eno tino o mlo mtolu ani. Ikemu o jekipi tino lukümkha shive no aki lo auve lo. Kushiye aküküpna xukutho no tino no eno Judah ghi o gholono ikiqi apeni kea?”

JOB 12:10

Aküxüküa thime kümtsü eno timi kümtsü tuthu ye Pa u lo ani.

JOB 31:4

Pa ye I laghi ithulu eno I pukhu nepa kümtsü kihi chemo keshea?

LESHELE 104:29

Kughou Nono O gi küsüveni keno, panongu ye aghüthisüve cheni; kughou Nono panoqo tuthu ikhiluveni keno, panongu ye thive cheni eno ayeghimkhu shive cheni.

LESHELE 115:16

Kungugha ye Ampeuw kungugha ke, ikemu ayeghi ye Pa no timi nuliqo tsüvae.

LESHELE 139:3

Nono I laghi eno I no ikiqi ihozü keu phuju cheni eno I laghi kümtsü ithi ani.

LESHELE 146:4

Kughou pa tuthu kühaveni keno, pa ye ayeghi lo idewove cheni; Tipa tsala lono pa kukughu ye pühave cheni.

AHOLE 20:24

Ampeu no timi ghenguno alaghi kutotsü cheni kethono timi ye kishino pa küxü laghi ithini kea?

ISAIAH 13:11

Ayeghiqha küsakügha eno kixikilami xine ghenguno I no ghime nani; aqheküzami lakhave nani eno akülaki shikemi kuchunive nani.

ISAIAH 14:13

O mlo lono nono piae, ‘Ni ye kungugha lo Alhou yepuqo shou ikuno akiqhe-a lo I küka lakhü ghoni; ni ye ahuu alhouqo no kuho kumqo chekeu naghuto lo iku iqani;

ISAIAH 2:12

Kughengu aqheküzami eno tsütsüngoju kemi ghenguno aqokitikhi MPEU no atsala lakhi kuto püani tipani no panoqo sünheqhive nani;

ISAIAH 33:10

Ampeu no piani, “Itehi ye I no ithuni, itehi ye I no chhosüni eno I küka kumto pephe piyeni.

ISAIAH 37:19

eno pano lhouqo ikhipe ami lo vesüve tsüe. Kughengu tipaqo ye alhou kumono asü ngo atu pesü timi u no mla kehu kütsaveke.

ISAIAH 37:23

“No ye khuu phimo eno thaighave akea? Khuu shou o sütsa süqhepe eno o nhethi xukidepe jupuku kea? Israelmiw Akimtheu shou ke!

ISAIAH 42:5

Ampeu Alhou, atsütsü lhophe eno tipau sükhope qhikeu, ayeghi xakhope qhino tile aküxü kümtsü tsükeu; timi kümtsü atuthu tsü, eno aghungu pesü xüküami tsükeu huno ishi pi ani:

JEREMIYA 10:23

O Ampeu, timi küxü ye paw kumoe pi I no ithi ani, timi ye pa kutoshi pa nepa kichetsü mlae.

JEREMIYA 48:26

“Moab shokümzü lo, kughengu pa no Ampeu lachile ghi pa ampi sheqhe, ikehu pa ye pa kumghu lo ihi nani eno pau ghi timi no junu nani.

JEREMIYA 50:28

“Asütsa lakhi! Ampeu ni Lhou no Pa chineki ghenguno amkhü luniye akeu Zion lono sheshu nike panongu no Babylon lono pokasü wuvae.

JEREMIYA 50:29

“Babylon lenike asüzü kipemi, shexilika piqepe akemi kümtsü kulo. Li sümxape aghazü shilo. Li kümla kiqi lono lochilelo; li no shike toi li lau shilo. Kughengu li no aqheküza shi Ampeu Israel Lhou Akimtheu hebide ke.

EZEKEL 28:17

O jukivi ghenguno no ye qhezave; o jekipi ghenguno nono o lokütsü shipüsave. I no ayeghi lo o peve; kükami shipiye no o ju peniye shike.

EZEKEL 28:2

“Timi nu, Tyre kükapuu vilo pilo, Ampeu Alhou no ishi piani: “O mlo ye aqheküza eno nono pike, ‘Ni ye alhou, ni ye alhouqo lakhü lo eno azüghi mta lo iqa acheni,’ ikemu nono alhou toi kümsü anamu no ye timi thono alhou kumoe,

EZEKEL 28:5

ow lhidikishi lo o lokütsü vecheo nono o küakini kughuko luno o küakini shou qheza ke,

EZEKEL 31:10

“Tighenguno Ampeu Alhou no ishi piani: Tino qhemghai thuiku khüngküsü tove no chuqumghaive keu lono qhezave kehu

DANIEL 11:12

Kughou aqokitikhi sawuve keno, pa mlo ye qhezave nani, eno pa no qhethonhe chighi shou ghiqhive nani ikemu tokulu shimo nani.

DANIEL 4:37

Itehi ni, Nebuchadnezzar no kungugha Kükau sheqhe eno agigihu tsü ani, kughengu Pa kümla kümtsü kuchou eno Pa laghi ye achipi; khunono no aqheküza lono checheni keno Pa no kuchunive cheni.

DANIEL 8:11

Akibo no aqokitikhi gholo Kükapuu toi kije shive. Eno tsalakipe kipti kümllagho Pa launo pewuve, eno Pa kimthe-a kütsave tsü.

HABAKUK 2:4

“Julo, pa ngulho ye aqheküzae; pa ye akümzümi kumoe, ikemu achipiu-mikuchomi ye aküpülü lono xü nanie.

Apostolmi 17:25

momu Pa no kiuala avehupu shi aghi kepu toi, timi u no pa huthu chemoe. Tikumo no Pa ampi no aküxü ngo atuthu eno thokha thime pesü timi kümtsü tsüke.

1 Kor. 8:4

Ikehu, achuqupu pesü ajulho mllakeu tsa loye, ningu no ithi anike “ajulho ye kuchocho aküxü anike kumoe,” eno “Alhou ye lakhi likhi ani.”

1 Tim. 3:6

Pa ye anileshi Khristo chineye lukemi shimoni, tikumo aye pa ye aqheküza lono kumobeive no tüghami gholo küghaküthapu lo ikiqive nani.

IBRIMI 4:13

Alhou no lhosü keu kiumu pesü küsüve mlae, ikemu ningu no khuu lau kihikülai tsümasa nani keno, Pa nhethe loye kümtsü lhaphepe eno pekipheshi ani.

Piyeküsü 9:20

Püsa hipaqo vecheo pithi mlave kemi timi khunoqo achili akeno, panoqo ye pano kümla lhoksa lono xaide keumu kumo, moaye tüghami kümlla momu ameshoyi, ghükayi, alazayi, eno asüatu julhoqo ye ithulu chemo, chilu eno alachelu chemo kehu tipaqo kümlla pimu phevemo,

XAKUTHAMI 16:23

Tithiu Philistiami yepemi no kumqo no aghakishi kije pesü pano lhou Dagon mllani keu shi. Panongu no pi, “Ni lhou no ni ghümi Samson pesü ningu u lo süve tsüae.”

SAMUEL ATUGHIU 17:26

David no pa phivilo akemi vilo pi, “Philistiami hipau pithive no Israelmi launo thokügha ikhive tsükeu lau kiu shitsü nani pi kea? Kughengu aphighü ghamo kemi Philistiami hipau ye khuue pi aküxüpu Lhou ghüshimi khüni kea?”

SAMUEL ATUGHIU 17:36

O qeu ye abongshuu ngo avaqo ghi heqhi pithi püani, eno aphighü ghamo kemi Philistiami hipau ghi titoi shivetsü nani, kughengu pa no aküxüpu Lhou ghüshimi khü anie.”