DANIEL 5:21 - Sumi Naga CL (Re-edited) Bible (BSI)

²¹ Pa ye timi nuliqo gholono hasasü wuve, pa kükümsü ye tüghashi toive, eno pa kungo-a ye aghalo khurhaqo gholo shive. Pa ye amshitsü toi atsüni mzachu, eno Akughushuu Lhou no timi kükaqha lo ayepe acheni eno tipau lo Pa no khuu pulo keno süsü chenie pi pa no ithi moke kutolo, pa phiau ye atsütsü lo tsüzü no pütsüke.

BAIBEL (BSI)

²¹ Timi qo-aho gholono pa hapheve eno pa kukumsuye tughashi kukumsu toive. Paye gadahaqo gholo ngono amshitsu lakhi toi atsuni muzachu cheuve eno khalau zupuzu kiu nomu pa susho kepu kuhano atsuzuno pa shou ikughi. Ashekha lono pano Akughushu Lhou no timi kukaphu kumtsu shou ghakusuu eno pano tsunishi kinimi tsuchenipi ikhiluke.

DANIEL 5:21 Iomraidhean Croise

JOB 39:5

“Khuu no aghalo khurha kuqho puwuve cheni kea? Khuu no pa kütsügha kighi kuqhotsü kea?

EZEKEL 17:24

Eno aluza lo asübo kümtsü no Ni ye Ampeu kepi ithi nani; asübo qhemghai keu I no aqhou saiqighive nani, eno chuninhei keu pesü qhemghaive tsü nani, miniboi akeu pesü kimghoive tsü nani eno qhaikeu pesü xüthilei tsü nani. Ni ye Ampeu ke; I no piqhivae, eno I no tipau shi nani.”

DANIEL 4:14

Pa no mghachhoi asheshu no hitoi pi: ‘Asübo hu loqhive lo eno tipau lokaqo xidive lo, anipa kixive eno axathi küzaleve lo. Tipau qholo tüghashi eno alokaqo lo aghauqo pelo pokhave pelo.

DANIEL 4:17

Aghime xakütha tsa ye hikujuu yezah lono ke, xakütha ye akimtheu tsa kiqi lono ke, hi kutolo xü akemi no ithi peniye ke, ti ye Shishe Akiqheu huno timi kükaqha shou ayepe acheni, tipau pesü khukhumu Pa no tsüni keu tsü cheni, eno tipau lo timi aqhoumi dolo aqhou süsüve cheni.’

DANIEL 4:22

ti huye no ke, O akükau, no ye thuwuvae eno akumto shivae. O kughushu ye thuwuvae eno atsütsü tovae, eno o yekipeqha ye ayeghi shekha kuto tovae.

DANIEL 4:25

ike no ye timiqo gholono hapupove nani, eno o kungo-a ye aghasa lo tüghashiqo gholo shive nani. No ye amshitsü lakhi toi atsüni chuuve nani, atsütsü lo tsüzü no o pütsü nani, eno Shishe Akiqheu no timi kükaqha lo ayepe cheni eno tipau pesü khukhumu Pa no pulo keu tsüve chenie pi nono ithi moke kutolo kihiküthado tsüni no o hecheve nani.

DANIEL 4:26

Asübo züngü kuhu ye qhivelo pi azah tsü keu ye, kughou kungugha no ayepe chenie pi nono ithiveni keno o kükaqha ye o tsüchileve nani.

DANIEL 4:34

Ado ashekha shive kethiu, ni, Nebuchadnezzar no atsütsü lo I nhethi tsüpuku, eno I kükümsü ye I lau idechile ighive, I no Shishe Akiqheu, khuu pülhapuju xü acheni keno, Pa sheqhe eno agigihu tsü, kughengu Pa yekipeqha ye pülhapuju yekipeqha ke, eno Pa kükaqha ye tiqheli no tiqheli kutolo acheni;

DANIEL 4:35

ayeghi lo küxümi ye kiumu kumo keu shi kihi acheni, Pa no Pa pulou kiqi lono kungugha lo aqokitikhi gholo eno ayeghi lo küxümi gholo mla cheni; eno khumu Pa u lakhave mla momu Pa vilo, “No ye kiu shive akea? ipive mlae.”

DANIEL 4:37

Itehi ni, Nebuchadnezzar no kungugha Kükau sheqhe eno agigihu tsü ani, kughengu Pa kümla kümtsü kuchou eno Pa laghi ye achipi; khunono no aqheküza lono checheni keno Pa no kuchunive cheni.

DANIEL 5:18

O akükau, Shishe Akiqheu Lhou no aküka, kiqhekighe, ajuküvü eno kükanguagha o pu, Nebuchadnezzar tsüe.