DANIEL 5:12 - Sumi Naga CL (Re-edited) Bible (BSI)

¹² kughengu akighiche ghungu, akighithi, asamo hepholu kepu vethakulu, ahole hepho piyelu keu, eno aküküpna xathalu kepu Daniel hipau lolo ithulue, pa ye Belteshazzar ipi akükau no kuvetsü. Itehi Daniel kusü julo, eno pa no hekupho o piye nani.”

BAIBEL (BSI)

¹² Timino shilu chemo keu shikulupu, alokutsu, asamo pikulupu, ahole tsa kighithi eno tuqhou thime kighithi pikulupu anike, ike Danel hu kusaghilo, khuu Belthashazar ipi akukauno aje kukideve tsukeno, hipaqo kiqi kumtsu kughape ovilo pive tsu nani.”

DANIEL 5:12 Iomraidhean Croise

LESHELE 16:3

Ayeghi lo kimthemi akeqo ye akighichemi ke, pano lau I züküvü kümtsü ani.

AHOLE 12:26

Amikuchomi ye pa küsau laghi kichekütsüu ke, ikemu kixikilami no panoqo saküghüzüve cheni.

AHOLE 17:27

Khunono akighithi ani keno atsa süchile ithi cheni, eno vethakulumi no alikhi aghasülu cheni.

EZEKEL 28:3

no ye mtsüqheino Daniel nguno alokütsüu; kiu tuqhoumu o launo küsü mla;

DANIEL 1:17

Lhothemi pano bidi ghengu ye, tsaiko eno alokütsü kümtsü lo ithiküphalu keu ngo asüqe kighithi Alhou no panoqo tsüe, eno Daniel ye kungunhetsü ngo asamo kümtsü lo vethakulu ae.

DANIEL 1:7

Shokomi atou no panoqo je kuvetsü: Daniel no Belteshazzar kuvetsü, Hananiah no Shadrach kuvetsü, Mishael no Meshach kuvetsü, eno Azariah no Abednego kuvetsü.

DANIEL 2:26

Akükau no Daniel, khuu je Belteshazzar keno, pa vilo pi, “No ye I no asamo pumolu keu eno tipau hekupho I pelo ithilupe nani keshea?”

DANIEL 4:19

Tishino Daniel, khuu je Belteshazzar keno, pa ye ado hami aghüthisüve, eno pa kükümsü no pa shithüghüive. Akükau no pi, “Belteshazzar, asamo eno tipau hekupho no o shithüghüi pe kevilo.” Belteshazzar no khochile no pi, “I mpeu, asamo hu ye khunono o mithi cheni keno panoqo ghenguno shi aghive peniu, eno tipau hekupho no o ghümiqo ghenguno shi aghive peniu!

DANIEL 4:8

Ashekha lo Daniel no I zülo ighi—pa je ye I lhou je kimihi shi Belteshazzar ipi kuvetsü, eno pa gholo akimthe lhouqo ghungu ani—eno I no asamo pa vilo pi,

DANIEL 5:14

Alhouqo ghungu no o lolo ani, eno aküvü, vethakulu ngo akighiche lokütsü o lolo anie pi I no chiluvae.

DANIEL 5:16

Ikemu no ye hepho piyelu nani eno aküküpna xathalu nanie pi I no chiluvae. Nono akiye philu eno tipau hekupho I pelo ithilupe aye, hughaike phi o pipeni eno ameshoyi chi o kuo lo xipipe no kükaqha lo yepeu aküthüu shipenie.”

DANIEL 6:3

Tishino Daniel hipau ye hiyampemi ngo yepemi kümtsü shou akimchi shi ipeghive, kughengu akighiche ghungu no pa gholo ae. Akükau no kükaqha kümtsü shou pa süküsü shinike kughuve.

DANIEL 6:4

Ikelo hiyampemi ngo yepemi no kükaqha vehulo Daniel shou muchho niye alaghi phuju, ikemu panongu ye akumchho momu akipimi tsükulupu laghi kiumu kühave, kughengu pa ye pükhükulupu eno pa lolo akipimi momu küqü keu kiumu ithulu moe.

Kolosiami 1:29

Hi ghenguno ni ye Khristo no I lolo sütsü keu kumto kümtsü pesü aghime shi mla cheni.