DANIEL 4:9 - Sumi Naga CL (Re-edited) Bible (BSI)

⁹ “O Belteshazzar, küdüumi atou, kughengu I no ithi anike akimthe lhouqo ghungu no o lolo ani eno tuqhou küsü püakeu kiumu o ghengu ye kushokütsü kumoe, I samo kungunhetsü I no ithulu keu eno tipaqow hekupho I vilo pilo.

BAIBEL (BSI)

⁹ Belthashazar, tungkupu tsa kipimi dolo atou, Akimthe Lhou ghungu hu ogholo anipi ino ithi ani eno tuqhou thime kumtsu kighithiuke. Isamoye hike, akiqi kiu keno ivilo pilo.

DANIEL 4:9 Iomraidhean Croise

BOTHUBO 41:38

Eno Pharaoh no pa qemi vilo pi, “Alhou Ghungu alolo akemi timi hitoi keu ningu ye ithulu nani keshea?”

ISAIAH 33:18

Nongu shithüghüive chekeu nongu no kümsüchilelu nani: “Sükusho süqha kihi eno huju chekeu eno aqoghe kikihiu ye khile ani akea?”

ISAIAH 54:14

Achipiu pesü no ye mtotoi lupe nani; No ye qhaküsü lono putosü nani kughengu no ye msamo nani.

EZEKEL 17:23

Israel lo naghuto kütsüqa lo I no shosü nani, tishikeu lono ti ye alokaqo qhawo eno axathi pithilu nani eno cedarbo akighiche lakhi shive nani. Tipau qholo aghau jeli kümtsü no ngo nani; tipa loka kicheqho lo aghau jeli kümtsü no apüsü pesü nani.

EZEKEL 28:3

no ye mtsüqheino Daniel nguno alokütsüu; kiu tuqhoumu o launo küsü mla;

DANIEL 1:20

Eno akükau no panoqo vilo alokütsü eno vethakulu vehu ighiju ke kümtsü lo panoqou no kükaqha lo küdüumi eno shiküghüzü chekeqo nguno ghuthu chighi akiviu shi pa no ithulu.

DANIEL 2:47

Akükau no khochile Daniel vilo pi, “Kuchou no o Lhou ye alhouqo Lhou, kükami shou Ampeu, eno tuqhou küsü püakeu pekipheu, kughengu no ye tuqhou küsü püakeu phepe piyelue.”

DANIEL 2:48

Tishino akükau no agigihu akiqheu eno agho kighiche Daniel tsü, pa pelo Babylon ghakhu kümtsü shou yepeu shivepe, eno pa pesü Babylon lo alokütsümi kümtsü shou atou shivepe.

DANIEL 4:18

Asamo hipau, ni, Akükau Nebuchadnezzar no ithulue. Eno, O Belteshazzar, nono hekupho I vilo pilo, kughengu I kükaqha lo alokütsümiqo ye hekupho I pelo ithilu apemovae, ikemu no ye shilu nani, kughengu alhouqo ghungu no o lolo anie.”

DANIEL 4:5

I no asamo lakhi pumo ke tino I pelo msavepe. I no alüpa lo ihozü akelo kümsükuju kükümsü eno kungunhetsü no I shithüghüive.

DANIEL 4:8

Ashekha lo Daniel no I zülo ighi—pa je ye I lhou je kimihi shi Belteshazzar ipi kuvetsü, eno pa gholo akimthe lhouqo ghungu ani—eno I no asamo pa vilo pi,

DANIEL 5:11

Timi lakhi khuu lolo akimthe lhouqo ghungu ani keno, o kükaqha lo ani. O pu ghuloki lo alhouqo lokütsü toikeu aküvü, vethakulu eno alokütsü pa lolo akeu ithulu, eno o pu, Akükau Nebuchadnezzar—o pu akükau no pa pelo küdüumi, shiküghüzü kemi eno yepu-yesü kighithimi shou atou shivepe,

SAMUEL ATUGHIU 4:8

Ni ghenguno ahasapuae! Khuu no hi akughushu lhouqo launo ningu xaphe luni kea? Asayeqha lo chekelo alhou hipaqo no Egyptmi shou püsa jeli puwuke.