DANIEL 4:3 - Sumi Naga CL (Re-edited) Bible (BSI)

³ Paw amchipuqo ye kishi kije, Paw akümzapuqo ye kishi akughushu kelae! Pa kükaqha ye lhokta kükaqha, eno Pa yekipeqha ye tiqheli no tiqheli kutolo acheni.

BAIBEL (BSI)

³ “Akumzapu Alhou no ipiyesu keu kiutoi kije kya? Pano akumzapu shipe piye keuye kiu toi mutotoi kya? Alhou ye alhokupujulo akukauke, pano tiqhelino tiqheli kuto ayehpe nani.”

DANIEL 4:3 Iomraidhean Croise

JOB 25:2

Ayekipe ngo sükümsa ye Alhou gholo ani; Pa no Paw kungugha kiqhe-a lono iqüghai shitsü cheni.

LESHELE 104:24

O Ampeu, O kümlaqo ye ta khijehi kelae! Alokütsü lono Nono tipaqo kümtsü mlake; ayeghiqha ye Ow lhoxüqo no chhitoi ani.

LESHELE 105:27

Pama no panoqo lau Paw amchipu pephe piye eno Ham yeghi lo akümzapuqo mlae.

LESHELE 145:13

O kükaqha ye lhokta kükaqha, eno O yekipeqha ye tiqheli kümtsü lo acheni. Ampeu ye Pa tsa lo pükhükulupu ke, eno Pa kümla kümtsü lo kimiyekini ke.

LESHELE 66:7

Pa no Pa kumto lono alhokupuju ayepe cheni, Pa nhethi no shiyeqo shou jupuku cheni— hekibidemi pelo pano ampi süqhe ape kevilo.

LESHELE 72:18

Ampeu, Israel Lhou sheqhelo, Pa likhi no akümzapu thimeqo shi cheni.

LESHELE 77:19

O laghi no azüghi katha wue, O laghi no azüghi kije kathae; ikeghi O pukhu nepa ithumlae.

LESHELE 86:10

Kughengu No ye kije eno akümzapu kümla shicheni; O likhi no Alhou ke.

LESHELE 92:5

O Ampeu, O kümla ye kiutoi kije kea! O kükümsü ye shishe thonhei ke!

ISAIAH 25:1

O Ampeu, No ye I Lhou; I no O süqhe eno O je sheni, kughengu Nono akümzapu kümla püzüu no kughuchho püakeu mtsüqhei eno pükhükulu shi mlatsüe.

ISAIAH 28:29

Hi ghi aqokitikhi MPEU launo ighi, Pa lokütsü ye akighiche eno Paw mijekütsü ye akümzapue.

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

JEREMIYA 10:10

Ikemu Ampeu ye kuchou Lhou; Pa ye aküxüpu Lhou eno lhokta Kükau. Pa loghu lono ayeghi itha cheni, eno Pa no amloide kelo shiyeqo ye puqhelu chemoe.

DANIEL 2:2

Tile akükau no azah tsüno küdüumi, shiküghüzü kemi eno Chaldeami pelo pa samo pitsü peniye kupuwu. Tighenguno panongu no ighi eno akükau zülo puthugho.

DANIEL 2:44

Eno kükami tipaqo ghuloki lono kungugha Lhou no kükaqha lakhi shiqhe nani, ti ye khilemu kütsave monani momu timi kütami lau phesüve monani. Tino kükaqha hipaqo kümtsü kubopinyive nani eno kishekhave tsü nani, eno ti ye alholo puthugho nani,

DANIEL 4:17

Aghime xakütha tsa ye hikujuu yezah lono ke, xakütha ye akimtheu tsa kiqi lono ke, hi kutolo xü akemi no ithi peniye ke, ti ye Shishe Akiqheu huno timi kükaqha shou ayepe acheni, tipau pesü khukhumu Pa no tsüni keu tsü cheni, eno tipau lo timi aqhoumi dolo aqhou süsüve cheni.’

DANIEL 7:14

Ayekipeqha, ajuküvü, eno kükaqha pesü Pa tsüve, tishino ashiaye, shiye eno atsa jeli kümtsü no Pa huthu nani; Pa yekipeqha ye alholo achekeu, ti ye kühave monani, eno Pa kükaqha ye kütsave monani.

DANIEL 7:27

Kükaqha ngo ayekipeqha eno atsütsü qholo kükaqhaqo kughushu ye Shishe Akiqheuw akimthemi shiayeqo tsüve nani; pa kükaqha ye lhokta kükaqha shi nani, eno ayekipeqha kümtsü no pa qe eno gholu nani.’

Rommi 11:33

O, Alhouw küakini eno Pa lokütsü ngo akighithi ye kishi kuthoküzü kela! Paw xaküthaqo eno Pa kümlaqo ye kiu toi lheilo tokümlapu kelae!

ZAKINIU 4:34

Momu khuno lhou no pekuju, amchipu, akümzapu kümla eno aghüshi vecheo Pa u kumto pesü kümsapu kümla pephe, eno Paw shiniye shiye dolono shiye kishephe kea? Hi kümtsü Ampeu nongu Lhou no Egypt lo nongu nhethe lono shike kumo?

1 Tim. 1:17

Lhokta Kükau, thimoniküau, ithukümla, Alhou Pa likhi akeu, Pa lau agigihu eno ajuküvü alhokuthu apelo! Amen.

IBRIMI 1:8

Ikemu Anu ghengu ye Pa no ishi pi, “O Alhou, O kükalakhü ye pülhapuju eno alholo ke, O mikucho küsü huno O kükaqha yepeu ke.

IBRIMI 2:4

Alhou ghi amchipu eno akümzapu, mzamghalei keu jeli eno Pa pulou kiqi lono küsaje tsükeu Aghungu Kimthe gho vecheo ashepe shiküqha tsüke.

1 Peter 4:11

khuu no asheshu cheni keno Alhou Tsape pesü asheshulo; khuu no huthu cheni keno Alhou no tsü chekeu kumto pesü huthulo, tishianguno thokha lo Jisü Khristo vecheo Alhou jekipipu shilu penie. Alholo eno pülhapuju ajuküvü ngo aküka ye Paw ke, Amen.

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”