DANIEL 3:7 - Sumi Naga CL (Re-edited) Bible (BSI)

⁷ Tighenguno akibo, fulili, aheo, akighilebo, lilala eno alebo ghügha jeli kümtsü chilu kemtsa ashiaye, shiye eno atsa jeli kümtsü no pishiqho luve no akükau Nebuchadnezzar no ameshoyi julho ghope qhikeu mllae.

BAIBEL (BSI)

⁷ Timi, ashiayeh jeli kumtsu, atsa jeli kumtsu afuko ighakeu chiluke mtsa pishiqhope shunano shikeu julho Nebukadnezar no qhi puakeu mllathuve.

DANIEL 3:7 Iomraidhean Croise

JEREMIYA 51:7

Babylon ye Ampeu u lo ameshoyi jukhu shiche, tino ayeghiqha kümtsü shomzüve peche; shiyeqo no li tsaiji shomzü; eno küghüzümi toi khavae.

DANIEL 2:46

Tileno akükau Nebuchadnezzar no pa gi pishiqho luve no agigihu Daniel tsü, eno akümllagho ngo axokütsüngü kipti pesü pa mlla peniye azah tsü.

DANIEL 3:10

O akükau, nono timi jeli kümtsü vilo khunono akibo, fulili, aheo, akighilebo, lilala eno alebo ghügha jeliqo chiluni keno itsaqi no ameshoyi julho mllani keu yezah lakhi mlavae.

DANIEL 3:4

Chhochhou no mghachhoi sheshu, “Azah nongu tsü ani, O ashiaye, shiye, eno atsa jeliqo,

DANIEL 3:5

ti ye kughou nongu no akibo, fulili, aheo, akighilebo, lilala eno alebo ghügha jeli kümtsü chiluni keno, nongu ye pishiqho luveni eno ameshoyi julho akükau no ghope qhikeu mllani.

DANIEL 3:6

Eno khukhumu itsaqi mllamo keu ye tipamtsa kuchughei akeu miphoki lo vesüveni.”

DANIEL 3:8

Tighenguno tipa ghuloki lo Chaldeami khami ighi no Jewmi pipütha ghi nguku.

Apostolmi 14:16

Wovekeu tiqheli loye Pa no shiye kümtsü pelo pütüta lalo chepe.

1 John 5:19

Ningu ye Alhou laumi kepi nino ithi ani, eno ayeghiqha ye kümtsü alhoksau küka qholo ani.

Piyeküsü 12:9

Dragon kuloghi huye küghape vepiqive, ti ye mulholo pighi, khuu pesü tüghami eno Satan ipi cheni keno, ayeghiqha kuchopu pishikiqhiu—pa küghape paw kungumiqo gholono ayeghi lo vepiqive.

Piyeküsü 13:14

eno tipau pelo tüghashi atüghüu küa lono amchipu jeli mla penike azah tsüve kehu pa no ayeghi lo küxümi pishiqhi, panoqo vilo azütakikihi no ghüza kemu xüluve keu tüghashi ghenguno ajulho shilo pi.

Piyeküsü 13:3

Akütsü lakhi ye akithipu ghüzaku toi xapuae, ikemu aghüzaku ti ye kuuve aghi, ayeghiqha no mzamghalei tüghashi pape wuve.

Piyeküsü 13:8

eno Ambeti Khuu ghiqhive keno Paw aküxüpu kaku lo khunoqo je ayeghiqha boqha ghomphi lono yepuku püaghimo keno tipaqo thaqhü no tüghashi mlla nani.

Piyeküsü 17:8

Nono tüghashi ithulu keu ye xüache kemu itehi ye kühavae, eno ti ye akuthoku lono ipeghi no kütsave peni keu lo ani. Ayeghi lo küxümi khunoqo je ayeghi boqha ghomphi lono aküxüpu kaku lo yepüaghi moni keno, tipaqo no akümzaqhiyi tüghashi ju nani, kughengu ti ye xüache kemu itehi ye kühave no itaghi ighi nani kehue.

Piyeküsü 19:20

Tüghashi eno tipau gholo kichile tungkupu hughi küghaluve, pa no tüghashi zülono akümzapu kümla shikeu vecheo tüghashi michipu auve kemi eno tipau julho kümllami pishiqhi cheke. Hi küma ye aküxü no küghape amichu pesü küiqü chekeu miyizü lo vesüve.