DANIEL 3:28 - Sumi Naga CL (Re-edited) Bible (BSI)

²⁸ Nebuchadnezzar no pi, “Shadrach, Meshach, eno Abednego noqo Lhou sheqhelo, Pa no Paw kungumi puwu no Pa qemi, Pa pülübe chekemi xaphelue, panongu no pano Lhou likhi kumo aye kütami lhou qe eno mlla moniye akükau yezah qhive no pano phimpi ghi pephe tsüve ke.

BAIBEL (BSI)

²⁸ Akukauno pi, “Shadrak, Meshak eno Abednego noqo Lhou shelo, pano kungumi puwu puzu pa pulu chekeqo xapheluve peke. Panongu kuxu puwove tsumu tano panongu Lhou nguno alau kutau zulo pishiqhope mllamopi ino ahza tsu keu ghi lutsu moveke.

DANIEL 3:28 Iomraidhean Croise

BOTHUBO 9:26

Pa no highi pi, “Ampeu, Shem Lhou sheqhelo; Canaan pelo pa qeu shipelo.

YEKIKITHI ATUGHIU 5:20

Panongu no Hagritmi ngo pano gholo akemi shou toluve, kughengu panongu no aghüshiqa lono Alhou lau pükhübe no kuphu penike khekulhoshi khu kelo Alhou no chilu tsüno aghümi pesü pano u lo sütsüe.

YEKIKITHI AKINIU 20:20

Thanau inaqhe ithe ithu no panongu no Tekoa sayeqha lo wuve. Kughou panongu no tilau ipeghi keno Jehoshaphat no puthugho no pi, “Judah ngo Jerusalem timiqo, I tsa inilo! Ampeu nongu Lhou pülülo, nongu no mtotoilu nani; Paw tungkupmi pülülo nongu no tolu nani.”

YEKIKITHI AKINIU 32:21

Ikelo Ampeu no kungumi puwu no Assyria kükau ghazü lo aghütomi ngo ghüshimi zatsümi eno kijemi kümtsü heqhive tsü. Tighenguno pa ye kujoqhiyi idechile pa ghakhu lo wove. Kughou pa no pa lhou kilo iloghi keno, pa nuli khami no azütakikihi pesü pa ghiqhive.

EZRA 1:3

Nongu gholo Paw timi aghi keu ye pa Lhou no pa gholo apenike pa pelo Jerusalem, khikhi Judah lo ani keno, tilau iqho pelo, eno Ampeu, Israel Lhou, khuu Jerusalem lo ani keno, Pa ki shiqhe kithe pelo.

EZRA 6:11

Itaghi I no xaküthaza lakhi mla akeu ye tsala khuana no azah hipau kilive aye, pa ki lono akika süjopheve tsüni eno tipa-a lono pa jiqhiveni, eno pa ki ye tübatüzü amoqhe puku keu-a shiveni.

LESHELE 103:20

O nongu Paw kungumiqo, nongu akumtomi Pa tsa pape chekemi, Pa no pikeu tsa gholu chekeqo, Ampeu sheqhelo.

LESHELE 147:11

ikemu khunono Pa sümsa eno Paw iqemokeu kikimiye shou pükhü cheni keno Ampeu ye pano lau alokiqi acheni.

LESHELE 33:18

Julo, Ampeu nhethi ye khunono Pa sümsa cheni keno, Paw iqemokeu kikimiye shou pükhü chekemi shou acheni,

LESHELE 33:21

Kughengu ningu mlo ye Pa lau no alovi acheni, kughengu ningu no Pa kimthe je shou pükhü cheni.

LESHELE 34:22

Ampeu no Pa qemi küxü qhüchile luve nani; Pa lau sükusho luche kemi khumu kileve monani.

LESHELE 62:8

O timiqo, ado kümtsü lo Pa pükhü lo; Pa zülo nongu mlo lheqhi lo; Alhou ye niw sükusho ke.

IPEKULU 20:5

Nongu ye tipaqo lau pishiqho moni momu tipaqo qemoni, kughengu Ni Ampeu nongu Lhou ye anhekushu Lhou kehu apu khunono I mithi cheni keno pano xine ghenguno atianuli aküthüu eno abidiu tiqheli kutolo xuju ighi chenie,

ISAIAH 12:2

“Alhou ye I xakuluu; I no msa mono Pa pükhüni; kughengu Ampeu Alhou ye I kumtou eno I le ke, eno Pa no I xakuluu shivae.”

ISAIAH 37:36

Tishino Ampeuw kungumi no Assyriami ghazü lo wuno pano lakh lakhi qhethonhe lhotache pungu ghiqhivetsü. Kughou timiqo no thanau itheno ithughi keno julo, asükumo likhi aghive.

ISAIAH 50:10

Nongu dolo khuu no Ampeu sümsa cheni eno Pa qeu tsa lucheni kea? Khuu no aküzü lo püla cheni eno aküvü küha keno, pa pelo Ampeu je pükhübe eno pa Lhou pükhülu pelo.

DANIEL 2:47

Akükau no khochile Daniel vilo pi, “Kuchou no o Lhou ye alhouqo Lhou, kükami shou Ampeu, eno tuqhou küsü püakeu pekipheu, kughengu no ye tuqhou küsü püakeu phepe piyelue.”

DANIEL 3:25

Pa no pi, “Ikemu timi bidi tsügha mono ami mta lo ala checheni, panongu ye piti püamo; eno timi abidiu koghe ye alhou nu lakhi toi ni ye ithulu anie.”

DANIEL 4:34

Ado ashekha shive kethiu, ni, Nebuchadnezzar no atsütsü lo I nhethi tsüpuku, eno I kükümsü ye I lau idechile ighive, I no Shishe Akiqheu, khuu pülhapuju xü acheni keno, Pa sheqhe eno agigihu tsü, kughengu Pa yekipeqha ye pülhapuju yekipeqha ke, eno Pa kükaqha ye tiqheli no tiqheli kutolo acheni;

DANIEL 6:16

Tileno akükau no azah tsüno Daniel saighi eno abongshuuqo kilo vesüve. Akükau no Daniel vilo pi, “O Lhou, khuu nono tamono qecheni keno, Pa pelo o xalu peniu!”

DANIEL 6:26

I no xaküthaza lakhi mla ani, ti ye I yekipeqha lo timi kümtsü no Daniel Lhou zülo khokhoshi eno sükümsa shini, kughengu Pa ye aküxüpu Lhou, pülhapuju ache keue; Pa kükaqha ye khilemu kütsave mla nani, eno Pa yekipeqha ye ashekha kutolo anani.

MATTHEW 4:10

Tileno Jisü no pa vilo pi, “Chevelo, Satan! Kughengu ishi yepüani, ‘No ye Ampeu o Lhou mlla lo eno pa likhi huthu lo.’”

Apostolmi 4:19

Ikemu pama no khochile, “Alhou nguno alau nongu gholuni keu ye Alhou zülo achipi kemo keno nongu no küghatha lo,

Apostolmi 5:19

Ikemu putho lono Ampeuw kungumi no akughuki hukikha khaqhive no panongu saipeghi no pi,

Rommi 12:1

Tighenguno athiküzümiqo, Alhouw kimiyekini vecheo I no nongu hakite ani, nongu phimpi pesü aküxüpu kümllagho shi Alhou lau akimthe eno ikhikulupu shi tsülo, hi no nonguw aghungulo kümlla kuchou ke.

1 Kor. 13:3

I no aghikeu kümtsü pesü tsüve, eno I phimpi pitive peniye ikhiphetsü aghi namu kikimiye küha aye ni ye kiumu ala shiamoe.

FILIPIAMI 1:20

kughengu I mlo alouno laju achekeu ghi ni ye kiu lonomu kujovemo nani, ikemu thosülo toi itehimu akumto shino xüna thinamu, Khristo pesü I phimpi lono agigihupu shitsü niye ke.

IBRIMI 1:14

Panongu ye kümtsü aghinimi shi xakulupu ithulu niye akemi huthu peniye puwu püanike kumo keshea?

IBRIMI 11:37

Atu pesü panongu veqhi, amta lono xapho kini shive, azütakikihi no ghiqhive. Panongu ye ambe ngo ane yiko pepusü itsüche, aqüagha, shikighime, peitha püsa,

1 Peter 1:21

Pa vecheo nongu no Alhou Khuu akithi lono Khristo xüputhupe ajekipi Pa tsü keno, Pa lau pülübe cheni, tishianguno nongu küpülü eno lajupu ye Alhou lau apeniye ke.

Piyeküsü 12:11

Ni thiküzü chelimi no pa shou tolukeu ye Ambeti ji eno pano küxü shepe tsa lono ke; kughengu panongu ye akithi kutolo mu pano küxü küpümo ke.