DANIEL 3:1 - Sumi Naga CL (Re-edited) Bible (BSI)

¹ Akükau Nebuchadnezzar no ameshoyi julho lakhi mla, tipau ye akiqhelau auxakuchho muku tsüni eno akijelau no auxakuchho küthü. Pa no tipau pesü Babylon lo Dura qayeghi lo ghope qhi.

BAIBEL (BSI)

¹ Akukau Nebukadnezar no shunano ajulho lakhi mla keu akiqhe lau miter mukutsuni, akijelau miter kuthu, ike tipaupe Babilon yeghilo Dura ipikeu bokhulo ghope qhi.

DANIEL 3:1 Iomraidhean Croise

KUKAMI ATUGHIU 12:28

Ikehu akükau no akükümsü luno ameshoyi mishiti julho kini mla, eno timiqo vilo pi, “Nongu ghenguno ado shulo Jerusalem lo wu ighivae. O Israel, nongu lhou Egypt lono nongu saipeghi keu julo.”

ESTHER 1:1

Ahasuerus ghuloki lo, Ahasuerus khuu India lono Ethiopia kutolo aghakhu 127 shou kache keno,

LESHELE 135:15

Shiyeqo julho ye ghükayi ngo ameshoyi ke, ti ye timi u no mlakeu ke.

IPEKULU 20:23

I gholo ngono nongu ye ghükayi lhouqo mla moni momu nongu sala ameshoyi lhouqo mla moni.

IPEKULU 32:31

Ikehu Moses no Ampeu lau ideighi no pi, “Aha, timi hipaqo ye axine kije shivae. Panongu ye pano ghenguno ameshoyi lhouqo mlavae.

ISAIAH 2:20

Tipani timiqo no pano sala mlakeu ghükayi ngo ameshoyi julho kümllaqo ikhipe jichukili ngo ashuqhaqo kungo-a lo peve nani,

ISAIAH 30:22

Tishino now ghükayi ngo ameshoyi no shikeu julhoqo vilo nongu no, “Chevelo” ipi shipünha nani. Nongu no tipaqo ikhipe mithekumo thime paphishi peve nani.

ISAIAH 46:6

Khunono panow pisabo lono ameshoyi ikhiphe cheni, eno ahu lono ghükayi mighi cheni keno panoqo no ameshoyi kiyiqimi ajume tsüno alhou mlaphepe cheni; panongu no itsaqi ti mlla cheni!

JEREMIYA 10:9

Ghükayi ye Tarshish lono süghi cheni, eno ameshoyi no Uphaz lonoe. Tipaqo ye külalumi eno ameshoyi kiyiqimi kümlae; tipaqo phimini ye hughai eno tsülabei; ti kümtsü timi u lo kümlae.

JEREMIYA 16:20

Timi ye pa sala alhou mlalu nani keshea? Tipaqo ye alhou kumoe!”

DANIEL 2:48

Tishino akükau no agigihu akiqheu eno agho kighiche Daniel tsü, pa pelo Babylon ghakhu kümtsü shou yepeu shivepe, eno pa pesü Babylon lo alokütsümi kümtsü shou atou shivepe.

DANIEL 2:49

Daniel no akükau vilo qhüiniju no pa no Shadrach, Meshach, eno Abednego noqo pesü Babylon ghakhu kümlapu lo süküsü shive. Ikemu Daniel ye akükauw küghaki lo ngove.

DANIEL 3:14

Nebuchadnezzar no panoqo vilo pi, “O Shadrach, Meshach, eno Abednego, nongu ye I lhouqo qemo momu ameshoyi julho I no ghope qhikeu mlla mono ani pikeu ye kuchou keshea?

DANIEL 3:30

Tishino akükau no Babylon ghakhu lo Shadrach, Meshach, eno Abednego noqo pesü chukhe pukuve.

DANIEL 5:23

ikemu kungugha lo Ampeu shou no ampi süqheke. Eno Pa kilo abohuqo o zülo süghipe eno no ngo o qholo ampemi, o nipuqo eno o nipu amishiuqo no tipaqo lono aji shomzüe. Nono ghükayi, ameshoyi, alazayi, ayi, asü-atu lhou, khunoqo ithulu chemo, chilu chemo, momu ithi chemo keno panoqo sheqheke, ikemu Alhou khuu u lo o tuthu ani, eno khuu no o laghi keno, nono gihu movae.

DANIEL 5:4

Panongu no aji sho eno ameshoyi ngo ghükayi, alazayi, ayi, asü-atu lhouqo sheqhe ae.

HOSIYA 2:8

Athi, aji eno thazü ngo Baal mlla chekeu ghükayi eno ameshoyi pesü li pipe keu ye I no kepi li ye mthae.

HOSIYA 8:4

Panongu no kükami kishe kemu I vecheo shimoe. Panongu no sakiphemi süsü kemu Ni ye ithimoe. Panongu no pano ampi kütsani ye panow ghükayi ngo ameshoyi pesü ajulhoqo mlae.

HABAKUK 2:19

Khuu no asülu vilo, Ithulo; iqünhei keu tuqu vilo, Ithulo! ipi cheni keno ahaküsapue. Hipau ye shikalu nani keo? Julo, hi ye ameshoyi ngo ghükayi no dapüani kemu atuthu ye kühae.

Apostolmi 17:29

Tishiaye Alhou tikughukomi keke, Alhou ye timiw kümsükuju lono ameshoyi, ghükayi, momu atu, pesü ajulho shisü keu toi ningu ye kümsü kepu kumoe.

Apostolmi 19:26

Nongu no chilu eno ithulu anike Ephesus lo likhi kumono Asia kümtsü lo, hi Paul no au no mlakeu lhouqo ye khilemu alhou kumoe pino timi kutomo züiza sawuvae.

ZAKINIU 7:25

Pano lhou julhoqo pitive tsü masae. Nongu ye ajulho shou ameshoyi ngo ghükayi aghi keqo jumine moni, momu nongu sala lumoni, tino nongu meluve nosae, kughengu ti ye Ampeu nongu Lhou ghenguno aphikümqhüpu ke.

Piyeküsü 9:20

Püsa hipaqo vecheo pithi mlave kemi timi khunoqo achili akeno, panoqo ye pano kümla lhoksa lono xaide keumu kumo, moaye tüghami kümlla momu ameshoyi, ghükayi, alazayi, eno asüatu julhoqo ye ithulu chemo, chilu eno alachelu chemo kehu tipaqo kümlla pimu phevemo,