DANIEL 2:9 - Sumi Naga CL (Re-edited) Bible (BSI)

⁹ nongu no I pelo asamo ithi pemo aye, nongu ghenguno xakütha lakhi likhi ani. Azümülhü kilive moke kutolo nongu ye I zülo akimki eno pishikiqhi tsaqo piniye pulo küqhavae. Tighenguno asamo I vilo pilo, eno nongu ye tipau hekupho I piyelu nanie pi I no ithiveni.”

BAIBEL (BSI)

⁹ aghime nongu tsu nani kehu tipau kumusa lono ado peve aghini cheni. Nongu dolo kusuqeveno akimki tsa piake lono ado puwove nikeu shi ani. Itehi isamo kiu pumo keno ivilo pive paghilo, tileno nonguye isamo kiqi achipilo pilu nani kemo keno ithiveni kehu”

DANIEL 2:9 Iomraidhean Croise

KUKAMI ATUGHIU 22:22

Ampeu no pa vilo pi, ‘Kishi no shini kea?’ Aghawu no pi, ‘I no wuno paw tungkupmi kümtsü kichi lo akimki ghungu süve tsüni.’ Pa no pi, ‘No ye pa züiza no tolu nani ke wulo.’

KUKAMI ATUGHIU 22:6

Israel kükau no tungkupmi 400 qhalo kukütsü no pi, “Ni ye Ramoth-gilead lewu kepu kema?” Panongu no pi, “Lewulo, kughengu Ampeu no tokulu akükau tsü nani.”

ESTHER 4:11

“Akükau qemi eno akükau timi aphughiqo lo akemi kümtsü no ithi anike tsala kiptimi momu totimi khuu no kusümo keghi akükau küghaki lo iloghi keno, tile ayezah lakhi likhi anie—ti ye pithiveni keu, khuu lau akükau no ameshoyi kükaküsü chhopuwoni keno pa ye xüluve nani. Ikemu, I ghengu ye, hi atsala shighi kutolo akükau lau ilolu penike kusü mphie.”

AHOLE 12:19

Akimki mili ye anhekütsü khavi do likhi ikemu kuchou tsapi huno alholo xüache nani.

ISAIAH 41:23

Hipa thiu kiu shiveni cheni keno ni vilo pilo, tishianguno nongu ye alhouqo kepi nino ithini; akivi momu kütsakungo keu shijulo, tishikeu lono ni pelo aghüthisüve momu msaichive pelo.

ISAIAH 44:25

I no kimkimi sakiqhi vehu shipüsave tsü cheni eno tumumi pesü mbomzümi shivetsü cheni, I no alokütsümi tuchile cheni eno pano kighithi pesü mbomzü shivetsü cheni.

EZEKEL 13:17

“Eno no, timi nu, ye ow timi ngaqo, khunoqo no panoqo mlo lotsü lono tungkuptsa pi keno panoqo lau o gi kughopuwo no lachile ghi tungkuptsa pilo,

EZEKEL 13:19

Nongu ye ashothi anau au kichhi lakhi eno asho kughupo kititiqo ghenguno Iw timiqo zülono I shikitiqevae, Iw timiqo lau akimki tsa pi eno akimki tsa ini kemi no pithimo kepu timiqo pithive eno püxümo kepu timiqo püxüve ke.

EZEKEL 13:6

Panongu no kichile kungunhetsü eno pishikiqhi chineye ithulu. Ampeu no panoqo puwumo keghi panongu no, ‘Ampeu no asheshuvae,’ ipi cheni, eno Pa pelo pano tsa shikupu tsü peniye laju cheni.

DANIEL 2:16

Daniel no akükau lau ilo no ado hami pa tsü peniye akükau qhüiniju, tishikeu lono pa ye asamo hekupho akükau lau piye niye shike.

DANIEL 2:21

Pa no ado-aghuloki eno atusho kilivetsü cheni; Pa no kükami ikhive eno süküsü shi cheni; Pa no alokütsümi lau alokütsü tsü eno vethakulumi lau akighithi tsü cheni;

DANIEL 2:8

Akükau no khochile, “I no mtsüqhei ithi ani, nongu ye ado süpushuni ye pükapütsa ani, kughengu nongu no ithulu anike atsa ye mtütüi anie—

DANIEL 3:15

Itehi nongu no kutope aghi aye, kughou nongu no akibo, fulili, aheo, akighilebo, lilala eno alebo ghügha jeliqo chiluni keno itsaqi no ajulho I no ghope qhikeu mlla lo, tishilu aye alo eno akivie. Ikemu nongu no mllamo aye, nongu ye kuchughei keu miphoki lo itehi vesüveni. Eno khuno lhou no I u lono nongu xaphe luni kea?”

DANIEL 5:28

PERES, o kükaqha ye kijethavae eno Media ngo Persia tsüvae.”

DANIEL 5:31

Eno Mediami Darius, khuu ampe lhotsügho kini shi akeno, pa no aküka ikhiluve.

DANIEL 7:25

Pa no Shishe Akiqheu lachile keu tsa pi nani, eno Shishe Akiqheuw akimthemi ghimeqhi nani, ado ngo ayezah kiliveni keu kughu nani; eno panoqo ye atüqhüdo, atüqhüdoqo eno atüqhüdo tüxa ghenguno pa u lo süvetsü nani.

2 Kor. 2:17

Kughengu ningu ye timi kutomo no shiche ketoi, Alhou tsa jekuchumi kumoe, ikemu Alhou zülo amlo tsüqhiyi kemi, Alhou no puwu kemi kehu ningu ye Khristo pulou lono picheni.