DANIEL 2:47 - Sumi Naga CL (Re-edited) Bible (BSI)

⁴⁷ Akükau no khochile Daniel vilo pi, “Kuchou no o Lhou ye alhouqo Lhou, kükami shou Ampeu, eno tuqhou küsü püakeu pekipheu, kughengu no ye tuqhou küsü püakeu phepe piyelue.”

BAIBEL (BSI)

⁴⁷ Akukauno pi “O Lhou ye alhou kumtsu nguno akughushuu, kukami kumtsu nguno Akukau, pano akumzapu tuqhou nhemgha ghi pephe piye cheni. Nono tuqhou tsa hepho pe ipiyekeu lono oLhou ye kuchouke pi ithivae.”

DANIEL 2:47 Iomraidhean Croise

BOTHUBO 41:39

Tishino Pharaoh no Joseph vilo pi, “Alhou no hi kümtsü o piyeve akeke vethakulumi eno alokütsümi o toi kemi khumu kühavae.

KUKAMI AKINIU 5:15

Tileno pa no paw timi kümtsü sasü Alhou timi lau ideighi no pa zülo puthugho no pi, “Julo, I no ithivae, Israel lo kumo aye, ayeghi kümtsü lo Alhou kühae; tighenguno itehi kimiyeno agho hipau o qeu launo ikhilu tsülo.”

JOB 12:19

Achinemi phimini chijeboi keu Pa no xavetsü cheni, eno kükagha kipemi ikhive cheni.

LESHELE 136:2

Shikimthi keu pesü alhouqo shou Alhou tsülo, kughengu Paw iqemokeu kikimiye ye alholo acheni.

LESHELE 136:3

Shikimthi keu pesü ampemi nguno Ampeu Alhou tsülo, kughengu Paw iqemokeu kikimiye ye alholo acheni;

LESHELE 72:11

Kükami kümtsü pelo pa zülo qhoqhünhe pelo, eno shiye kümtsü pelo pa qe pelo!

LESHELE 82:1

Kungugha hoho lo Alhou no alakhü mpeu shiani; alhouqo zülo Pa no küghakütha pesü ngo ani:

LESHELE 96:4

Kughengu Ampeu ye kije eno akiqheu lono sheqhe kepue; alhou kütauqo nguno alau Pa gihu kepue.

EZEKEL 26:7

“Kughengu Ampeu Alhou no ishi piani: Julo, I no Tyre lachileni ke ahuu no Babylon kükau Nebuchadnezzar, kükamiqo akükau, khurshi ngo khurkuluqo eno khurshimi ngo ghüshimi kutomo aqokitikhi saighi nani.

DANIEL 11:36

“Akükau ye pa no pulo keu shi nani. Pa no pa ampi sheqhe eno shikuloghi pe alhou kümtsü shou qhinani, eno aqheküzapu tsa pesü alhouqo shou Alhou lau pi nani. Axukighide shikupuve moke kutolo pa ye kinikülü shi nani; kughengu azah kiu shive akeno ti ye shikupu nani.

DANIEL 2:19

Tithiu putho lo kungunhetsü lakhi lono tuqhou küsü püakeu Daniel lau pephe piye. Tileno Daniel no kungugha Lhou shikimthi.

DANIEL 2:22

Pa no thonhei eno küsü püakeu thimeqo pephe cheni; aküzü lo akeu Pa no ithi ani, eno aküvü ye Pa gholo acheni.

DANIEL 2:28

ikemu Khuu tuqhou küsü püakeu pephe piye cheni keno, Alhou hu kungugha lo ani, eno Pa no akükau Nebuchadnezzar lau ighini keu tsala lo shiniye akeu ithive apeke. O samo eno kungunhetsü nono o lüpa lo ihozü akelo ithulu keu ye hipaqo ke:

DANIEL 2:29

nono alüpa lo ihozü akelo, O akükau, hipa shelo o lau kiu shiniye ani keno akükümsü tipaqo ighi, eno khuu no tuqhou küsü püakeu pephe piye cheni keno Pa no kiu shiniye ani keno o pelo ithivepe ake.

DANIEL 2:30

Ikemu I ghengu ye, tuqhou küsü püakeu hipau I lau pephe piye keu ye xüakemi kümtsü dolo kiuala lokütsü kütami nguno alau I no aghike ghenguno kumoe, ikemu hekupho huye akükau pelo ithiluve penike eno o pelo o lolo kükümsü ithilu peniye ke.

DANIEL 2:37

O akükau, no ye kükami shou akükau, kungugha Lhou no kükaqha, aküka, akumto, eno ajuküvü o tsüvae,

DANIEL 3:15

Itehi nongu no kutope aghi aye, kughou nongu no akibo, fulili, aheo, akighilebo, lilala eno alebo ghügha jeliqo chiluni keno itsaqi no ajulho I no ghope qhikeu mlla lo, tishilu aye alo eno akivie. Ikemu nongu no mllamo aye, nongu ye kuchughei keu miphoki lo itehi vesüveni. Eno khuno lhou no I u lono nongu xaphe luni kea?”

DANIEL 3:28

Nebuchadnezzar no pi, “Shadrach, Meshach, eno Abednego noqo Lhou sheqhelo, Pa no Paw kungumi puwu no Pa qemi, Pa pülübe chekemi xaphelue, panongu no pano Lhou likhi kumo aye kütami lhou qe eno mlla moniye akükau yezah qhive no pano phimpi ghi pephe tsüve ke.

DANIEL 3:29

Tighenguno I no xaküthaza lakhi mla ani: ashiaye, shiye, momu atsa jeli khunono Shadrach, Meshach, eno Abednego noqo Lhou lachile keu tsa pini keno, timi tipau phiau sütha pinyive tsüni, eno pano kiqo kütsave tsüni, kughengu hitoi xaluni keu lhou kütau ye kühae.”

DANIEL 4:17

Aghime xakütha tsa ye hikujuu yezah lono ke, xakütha ye akimtheu tsa kiqi lono ke, hi kutolo xü akemi no ithi peniye ke, ti ye Shishe Akiqheu huno timi kükaqha shou ayepe acheni, tipau pesü khukhumu Pa no tsüni keu tsü cheni, eno tipau lo timi aqhoumi dolo aqhou süsüve cheni.’

DANIEL 4:25

ike no ye timiqo gholono hapupove nani, eno o kungo-a ye aghasa lo tüghashiqo gholo shive nani. No ye amshitsü lakhi toi atsüni chuuve nani, atsütsü lo tsüzü no o pütsü nani, eno Shishe Akiqheu no timi kükaqha lo ayepe cheni eno tipau pesü khukhumu Pa no pulo keu tsüve chenie pi nono ithi moke kutolo kihiküthado tsüni no o hecheve nani.

DANIEL 4:32

eno no ye timiqo dolono hasasü wuve nani, o kungo-a ye aghasa lo tüghashiqo gholo shive nani. No ye amshitsü lakhi toi atsüni mzachupe nani, eno Shishe Akiqheu no timi kükaqha shou ayepe cheni eno tipau pesü khukhumu Pa no pulo keu tsüve cheni ipi ithi moke kutolo kihiküthado tsüni no o hecheve nani.”

DANIEL 5:11

Timi lakhi khuu lolo akimthe lhouqo ghungu ani keno, o kükaqha lo ani. O pu ghuloki lo alhouqo lokütsü toikeu aküvü, vethakulu eno alokütsü pa lolo akeu ithulu, eno o pu, Akükau Nebuchadnezzar—o pu akükau no pa pelo küdüumi, shiküghüzü kemi eno yepu-yesü kighithimi shou atou shivepe,

AMUS 3:7

“Kughengu Ampeu Alhou ye Pa qemi tungkupmi lau Paw tuqhou pephe piyemo keloye kiumu shichemoe.

1 Kor. 14:25

Pa mlo lo tuqhouqo lhepheve akehu pa ye agi pishiqhope Alhou mlla no kuchou no Alhou ye nongu gholo anie pi shuphe nani.

ZAKINIU 10:17

Kughengu Ampeu nongu Lhou ye alhouqo Lhou eno ampemi shou Ampeu, Pa ye kije, akumto, eno akighiche Lhou, Pa ye agi juchemo eno külügho luchemoe.

1 Tim. 6:15

Pa ikighi tsala ye ado achipi lono Alhou no süghi nani, Pa ye akümghau eno Pa likhi no yepetou, kükami shou Akükau eno ampemi shou Ampeu,

JOSHUA 22:22

“Akughushu Lhou Ampeu! Akughushu Lhou Ampeu! Pa no ithi ani eno Israelmi ampi no ithilo. Tsala hino hekibide momu Ampeu shou aküpülü hephove aghi aye, ningu kipimi qhitsü kevi,

Piyeküsü 1:5

eno pükhükulupu thopiu, akithi lono xüputhu tüghüu, ayeghi lo kükami shou Yepeu, Jisü Khristo launo ighikeu pesü nongu tsü ani. Khuu no ningu kimiye cheni, eno Pa ji vecheo axine lono ningu kuqhophepe

Piyeküsü 17:14

Panongu no Ambeti sasü aghüshi nani kemu Ambeti no pano theqhive nani, kughengu Pa ye ampemi shou Ampeu eno kükami shou Akükau, eno Pa gholo kichemi ye kuluve kemi, kishekiphemi eno pükhükulumi ke.”

Piyeküsü 19:16

Paw chijeboike phi eno pa lukobo lo aje hipau yepuku püa, kükami shou Akükau eno ampemi shou Ampeu.