DANIEL 2:41 - Sumi Naga CL (Re-edited) Bible (BSI)

⁴¹ Nono apukhumza ngo apukhu lotiqo saje hami ye ayi no shikeu eno hami no aghani no shikeu ithulu ketoi, ti ye kijethave keu kükaqha shive nani, ikemu ayi kumto ye tipau kükaqha lo anani, ti ye nono ayi eno aghani kümtsha küqhape akeu ithulu ketoi nani.

BAIBEL (BSI)

⁴¹ Apukhu muza eno apukhuloti tuxano ayino shi, tuxano aghanino shikeu noghi ithuluvea. Tipau kiqiye akukaphu kijeve nikeu eno tipauye ayi kumka toi ka nani, aghani gholo ayi kuqha pua ketoi nani.

DANIEL 2:41 Iomraidhean Croise

DANIEL 2:40

Kükaqha abidiu, ayi toi akumto, ipeghi nani, kughengu ayi no mukhumuno shi kubove tsü nani eno thime kümtsü hephove tsü nani. Eno ayi no kubove tsü ketoi, tino hipaqo kümtsü hepho eno kubove tsü nani.

DANIEL 2:42

Apukhu lotiqo saje hami no ayi eno hami no aghani shi aketoi kükaqha hami ye akumto shi nani eno kükaqha hami no miqemlei nani.

DANIEL 7:24

Akibo chighi ghengu ye, kükaqha hipau lono kükami chighi ipeghive nani, eno kütau lakhi no panoqo shelo ipeghi nani; pa ye azüumi nguno paküta nani, kükami küthü ikhiqhive nani.

DANIEL 7:7

Hipa thiu putho lo I no kungunhetsü ithulu, eno julo, tüghashi abidiu, akümsapu, aküighüpu eno shishe akumto. Tipau ye ayi no shikeu ahu kije xapuae; tipau no tsüchuve no kubopinyive tsü eno kiu achili aghi keno tipau pukhu no qodave tsü. Tipau ye pa züu tüghashi kütauqo nguno paküta, tipau ye akibo chighi ae.

Piyeküsü 12:3

Itaghi atsütsü lo amchipu kije kütau lakhi ipeghi, dragon kije lakhi huchuyi shino akütsü tsüni, akibo chighi eno kükakütsüqho tsüni aküphashi xapu aghi.

Piyeküsü 13:1

Tithiu tüghashi lakhi akibo chighi, tipaqo lo kükakütsüqho aküphashi xapu, eno akütsü tsüni, tipaqo lo küthaküghapu je heda pusü azüghi lono ipe cheghi keu I no ithulu.

Piyeküsü 17:12

Eno akibo chighi nono ithulu püakeu ye kükami khunoqo kükagha ithulu mphi keno pano chighi ke, ikemu tüghashi gholono kümtsa ayikihedo lakhi ghenguno kükami nguagha ikhiluni ye ani.