DANIEL 2:4 - Sumi Naga CL (Re-edited) Bible (BSI)

⁴ Tile Chaldeami no akükau vilo Aramaic tsauno pi, “O akükau, axüpushu lo! O qemiqo vilo asamo pilo, eno ningu no hepho piyeni.”

BAIBEL (BSI)

⁴ Panonguno Aramik tsauno akukau khochile, “Opelo axushu peniu. Osamo kishi pumolukeno nivilo pilo tileno nino asamo kiqi hephopiye tsunike.”

DANIEL 2:4 Iomraidhean Croise

BOTHUBO 31:47

Laban no tipau pesü Jegar-sahadutha kuvetsü, ikemu Jacob no tipa pesü Galeed kuvetsü.

BOTHUBO 41:8

Ikehu thanau pa kükümsü küpünave kehu pa no timi puwu no Egypt lo küdüumi ngo alokütsümi kümtsü kue. Pharaoh no panoqo vilo pa samo pi, ikemu milakhimu tipaqo hepho tsümlave.

KUKAMI ATUGHIU 1:25

Kughengu ishi tsala lono pa ye amshitsü, athakupu mishiti, eno ambe kutomo pesü aghashi no o nuli kümtsü, ghüshimi zatsüu Joab, eno achineu Abiathar kusü ani. Eno panongu no alokivishi pa sasü aghulhu shino, ‘Akükau Adonijah, axüshu peniu!’ ipi igha ani.

KUKAMI ATUGHIU 1:31

Tileno Bathsheba no li gi pishiqhope akükau agigihu tsüno pi, “I mpeu akükau David pelo axüshu apeniu!”

KUKAMI AKINIU 18:26

Tile Hilkiah nu Eliakim, Shebnah, eno Joah no Rabshakeh vilo pi, “Kimiyeno o qemiqo lau Aramaic tsauno pütsa lo kughengu ningu ye ti vethalu nani. Timi hi aliwo lo akeqo no chiluve nanike Judah tsau ye ni pütsa tsü kevilo.”

EZRA 4:7

Persia kükau Artaxerxes ghuloki lo Bishlam, Mithredath, Tabeel eno pano lojimi no akükau Artaxerxes lau yepuwu. Yesü ye Aramaic lono ye eno phisü kelono pebide tsüe.

NEHEMIA 2:3

I no akükau vilo pi, “Akükau pelo axüshu peniu! Ni ye kishino I puasüqo kumo kuqho phughi ixapinyi ani eno tipa khaghoqo pitileve apüzü amlo samono ngo luni kea?”

ISAIAH 36:11

Tile Eliakim, Shebna eno Joah no Rabshakeh vilo pi, “Ningu o qemiqo ghi ithi anike kimiyeno Aramaic tsauno ni pütsalo. Atupi ijepe akeqo no chiluve nosake Judahmi tsauno ni pütsatsü kevilo.”

ISAIAH 44:25

I no kimkimi sakiqhi vehu shipüsave tsü cheni eno tumumi pesü mbomzümi shivetsü cheni, I no alokütsümi tuchile cheni eno pano kighithi pesü mbomzü shivetsü cheni.

DANIEL 1:4

lhothemi tukutiye küha kemi, aju-aqoghe kivimi, phuithai alokütsümi, akighithi küami, akighithi vethakulumi, akükau kighiki lo puthugho luni kemi saghipe no Chaldeami tsaiko eno atsa panoqo shika peniye shie.

DANIEL 2:7

Panongu no akiniu khochile no pi, “Akükau no pa qemiqo vilo asamo pijulo, eno nino tipau hekupho piyeni.”

DANIEL 3:9

Panongu no akükau Nebuchadnezzar vilo asheshu, “O akükau, axüshu alo!

DANIEL 4:19

Tishino Daniel, khuu je Belteshazzar keno, pa ye ado hami aghüthisüve, eno pa kükümsü no pa shithüghüive. Akükau no pi, “Belteshazzar, asamo eno tipau hekupho no o shithüghüi pe kevilo.” Belteshazzar no khochile no pi, “I mpeu, asamo hu ye khunono o mithi cheni keno panoqo ghenguno shi aghive peniu, eno tipau hekupho no o ghümiqo ghenguno shi aghive peniu!

DANIEL 4:7

Tithiu küdüumi, shiküghüzü kemi, Chaldeami, eno yepu-yesü kighithimi ighi, eno I no asamo panoqo vilo pive, ikemu panongu ye tipau hekupho I pelo ithilupe move.

DANIEL 4:9

“O Belteshazzar, küdüumi atou, kughengu I no ithi anike akimthe lhouqo ghungu no o lolo ani eno tuqhou küsü püakeu kiumu o ghengu ye kushokütsü kumoe, I samo kungunhetsü I no ithulu keu eno tipaqow hekupho I vilo pilo.

DANIEL 5:10

Akükau eno pa qholo ampemi tsa ghenguno, kükaliu no aghulhu-a lo iloghi, eno kükaliu no asheshu, “O akükau, axüshu alo! O kükümsü pelo o shithüghüipe kevi momu o ju kilivepe kevilo.

DANIEL 5:8

Tile akükauw alokütsümi kümtsü ighi, ikemu panongu ye akiye phimlave momu akükau vilo hekupho pitsü mlave.

DANIEL 6:21

Tile Daniel no akükau vilo pi, “O akükau, axüshu alo!

DANIEL 6:6

Tithiu hiyampemi eno yepemi no puloküqhave no akükau lau ighi eno pa vilo pi, “O Akükau Darius, axüshu alo!

DANIEL 6:7

Kükaqha lo hiyampemi, yepemi, mijekütsümi eno angh kümtsü puloküqha anike akükau pelo ayezah lakhi mlave no tsatsai pape masa keu shipeni shi ani, ti ye, O akükau, khukhumu atsala shighi dolo, o lau likhi kumo aye, alhou momu timi vilo inikhu keu ye abongshuu kilo vesüveni.

MATTHEW 21:9

Jisü züu eno pa thiu aqokitikhi chekeqo no ighamku, “David Nu Sheqhelo! Khuu no Ampeu je lono cheni keno Alhou no pa kümgha tsülo! Kungugha lono Alhou sheqhelo!”

SAMUEL ATUGHIU 10:24

Samuel no timi kümtsü vilo pi, “Ampeu no khuu kisheve akeno nongu ye pa ithulu anima? Timiqo dolo khumu pa toikeu kühae.” Eno kümtsü no ighamku, “Akükau axüpushu peniu!”