DANIEL 2:37 - Sumi Naga CL (Re-edited) Bible (BSI)

³⁷ O akükau, no ye kükami shou akükau, kungugha Lhou no kükaqha, aküka, akumto, eno ajuküvü o tsüvae,

BAIBEL (BSI)

³⁷ Akiqheu, noye kukami kumtsu nguno akughushuke. Kungulo Lhou no opelo akukau shipe eno akuka, akumto, agigihu pesu otsuke.

DANIEL 2:37 Iomraidhean Croise

KUKAMI ATUGHIU 4:24

Kughengu pa ye Euphrates kulola qha kümtsü Tiphsah lono Gaza kutolo, Euphrates kulolau kükami kümtsü pa no qhasüpe ache. Eno pa hokümxa kümtsü lo külakishi auve.

KUKAMI AKINIU 25:28

Pa no akivishi Jehoiachin pütsa eno Babylon lo kükami lakhü akiqheu lo pa pelo iqape.

YEKIKITHI AKINIU 36:23

“Persia kükau Cyrus no ishi piani, ‘Ampeu, Kungugha Lhou no ayeghi lo kükaqha kümtsü I tsüvae, eno Pa no Judah lo Jerusalem lo Pa chineki shiqhe peni keu za I tsü ani. Tighenguno nongu khunoqo Paw timiqo keno Ampeu Alhou no pa gholo apeniu. Pa ye wolu nani.’”

EZRA 1:2

“Persia kükau Cyrus no ishi piani: Ampeu, kungugha Lhou no ayeghiqha lo kükaqha kümtsü I tsüvae, eno Pa no Jerusalem, khikhi Judah lo ani keno, tile Pa ki shiqhe peniye azah I tsüvae.

EZRA 7:12

“Artaxerxes, kükamiqo kükau no achineu, kungugha Lhou Yezah kükütsüu Ezra lau ye ani, aloino alo. Itehi

LESHELE 62:11

Alhou no ghuthu lakhi pivae; I no akiniu ghi chiluvae: ti ye, aküka ye Alhouw ke,

AHOLE 8:15

I vecheo kükami no ayepe cheni, eno yepemi no achipiu xaküthaza tsülu cheni;

ISAIAH 10:8

kughengu pa no ishi pi ani: “Iw zatsümi kümtsü kükami kekumo?

ISAIAH 47:5

Aküzü lo inaqhoi iqavelo, O Chaldeami ayiliu; kughengu no ye khilemu kükaqhaqo kükaliu ipi moae.

JEREMIYA 28:14

Kughengu aqokitikhi MPEU, Israel Lhou no ishi piani: Babylon kükau Nebuchadnezzar huthu penike I no shiye kümtsü kuo lo kuokhayi pipe nani, eno panongu no pa qe nani, kughengu aluza lo tüghashiqo ghi I no pa tsüvae.’”

JEREMIYA 34:1

Babylon kükau Nebuchadnezzar no paw ghüshimi, ayeghi lo pa yekipe qholo kükaqha, eno ashiaye kümtsü no Jerusalem ngo tile mishighünaqo sasü aghüshi ake lono Ampeu launo atsa Jeremiah lau ighi:

EZEKEL 26:7

“Kughengu Ampeu Alhou no ishi piani: Julo, I no Tyre lachileni ke ahuu no Babylon kükau Nebuchadnezzar, kükamiqo akükau, khurshi ngo khurkuluqo eno khurshimi ngo ghüshimi kutomo aqokitikhi saighi nani.

DANIEL 1:2

Ampeu no Judah kükau Jehoiakim eno pa gholono Alhou kilo tinhemgha hami Nebuchadnezzar u lo phesüve tsü. Pa no Shinar yeghi lo pa lhou kilo tipaqo süghi eno pa lhou kinibo lo qhive.

DANIEL 2:31

“Julo, O kükau, ajulho kije lakhi nono ithulue. Akiqheu eno shishe vüqai keu julho hipau ye o zülo puthugho aghi eno tipau ye akümsapue.

DANIEL 2:44

Eno kükami tipaqo ghuloki lono kungugha Lhou no kükaqha lakhi shiqhe nani, ti ye khilemu kütsave monani momu timi kütami lau phesüve monani. Tino kükaqha hipaqo kümtsü kubopinyive nani eno kishekhave tsü nani, eno ti ye alholo puthugho nani,

DANIEL 4:19

Tishino Daniel, khuu je Belteshazzar keno, pa ye ado hami aghüthisüve, eno pa kükümsü no pa shithüghüive. Akükau no pi, “Belteshazzar, asamo eno tipau hekupho no o shithüghüi pe kevilo.” Belteshazzar no khochile no pi, “I mpeu, asamo hu ye khunono o mithi cheni keno panoqo ghenguno shi aghive peniu, eno tipau hekupho no o ghümiqo ghenguno shi aghive peniu!

DANIEL 4:22

ti huye no ke, O akükau, no ye thuwuvae eno akumto shivae. O kughushu ye thuwuvae eno atsütsü tovae, eno o yekipeqha ye ayeghi shekha kuto tovae.

DANIEL 4:25

ike no ye timiqo gholono hapupove nani, eno o kungo-a ye aghasa lo tüghashiqo gholo shive nani. No ye amshitsü lakhi toi atsüni chuuve nani, atsütsü lo tsüzü no o pütsü nani, eno Shishe Akiqheu no timi kükaqha lo ayepe cheni eno tipau pesü khukhumu Pa no pulo keu tsüve chenie pi nono ithi moke kutolo kihiküthado tsüni no o hecheve nani.

DANIEL 4:3

Paw amchipuqo ye kishi kije, Paw akümzapuqo ye kishi akughushu kelae! Pa kükaqha ye lhokta kükaqha, eno Pa yekipeqha ye tiqheli no tiqheli kutolo acheni.

DANIEL 4:32

eno no ye timiqo dolono hasasü wuve nani, o kungo-a ye aghasa lo tüghashiqo gholo shive nani. No ye amshitsü lakhi toi atsüni mzachupe nani, eno Shishe Akiqheu no timi kükaqha shou ayepe cheni eno tipau pesü khukhumu Pa no pulo keu tsüve cheni ipi ithi moke kutolo kihiküthado tsüni no o hecheve nani.”

DANIEL 4:34

Ado ashekha shive kethiu, ni, Nebuchadnezzar no atsütsü lo I nhethi tsüpuku, eno I kükümsü ye I lau idechile ighive, I no Shishe Akiqheu, khuu pülhapuju xü acheni keno, Pa sheqhe eno agigihu tsü, kughengu Pa yekipeqha ye pülhapuju yekipeqha ke, eno Pa kükaqha ye tiqheli no tiqheli kutolo acheni;

DANIEL 5:18

O akükau, Shishe Akiqheu Lhou no aküka, kiqhekighe, ajuküvü eno kükanguagha o pu, Nebuchadnezzar tsüe.

DANIEL 7:14

Ayekipeqha, ajuküvü, eno kükaqha pesü Pa tsüve, tishino ashiaye, shiye eno atsa jeli kümtsü no Pa huthu nani; Pa yekipeqha ye alholo achekeu, ti ye kühave monani, eno Pa kükaqha ye kütsave monani.

HOSIYA 8:10

Panongu no shiyeqo gholo alojimi piqe aghi namu, I no kighithe panongu hekütsü kumqo nani. Eno akükau ngo kükapumiqo ye kighitheno asüqha ghenguno aghimeshi ihi nani.

MATTHEW 6:13

Eno ghukuju lo ningu sailotsü kevilo, ikemu alhoksau launo ni xaphe tsülo.”

John 19:11

Jisü no pa khochile, “kunguu no o tsümoke aye no ye I shou aküka kiumu kühani cheke. Tighenguno khuu no I kügha sawo o tsü keno, pa no alau küqüvae.”

Piyeküsü 1:5

eno pükhükulupu thopiu, akithi lono xüputhu tüghüu, ayeghi lo kükami shou Yepeu, Jisü Khristo launo ighikeu pesü nongu tsü ani. Khuu no ningu kimiye cheni, eno Pa ji vecheo axine lono ningu kuqhophepe

Piyeküsü 17:14

Panongu no Ambeti sasü aghüshi nani kemu Ambeti no pano theqhive nani, kughengu Pa ye ampemi shou Ampeu eno kükami shou Akükau, eno Pa gholo kichemi ye kuluve kemi, kishekiphemi eno pükhükulumi ke.”

Piyeküsü 19:16

Paw chijeboike phi eno pa lukobo lo aje hipau yepuku püa, kükami shou Akükau eno ampemi shou Ampeu.

Piyeküsü 4:11

“Ni Mpeu eno Alhou, ajekipi, agigihu eno aküka ye Nono ithulu küzüe, kughengu Nono thime kümtsü pulhosü, eno tipaqo ye O pulou lono acheghi eno pulhosü ke.”

Piyeküsü 5:12

panoqo no iqhaighu pi, “Aküka, küakini, alokütsü, akumto, agigihu, ajekipi eno shekiqhe ye Ambeti Khuu ghiqhive keno, Pa no ithulu küzüe!”