DANIEL 2:28 - Sumi Naga CL (Re-edited) Bible (BSI)

²⁸ ikemu Khuu tuqhou küsü püakeu pephe piye cheni keno, Alhou hu kungugha lo ani, eno Pa no akükau Nebuchadnezzar lau ighini keu tsala lo shiniye akeu ithive apeke. O samo eno kungunhetsü nono o lüpa lo ihozü akelo ithulu keu ye hipaqo ke:

BAIBEL (BSI)

²⁸ Tishiaye kungulo kuau Alhou lakhi akeuno tuqhou ghili piyesutsu cheni. Ozulo kiu ighi nani keno pano akiqheu akukau lau piyesu tsu ke. Ino itehi osamo kiu pumolu keno pini, tiye nono kungunhetsu lono ithulu keuke.

DANIEL 2:28 Iomraidhean Croise

BOTHUBO 40:8

Pama no pa vilo pi, “Nikujo ye asamo pumoe, ikemu nikujo vilo hepho piyeni kemi lakhimu kühae.” Eno Joseph no pama vilo pi, “Hekupho ye Alhouw ke kumo? Kimiyeno I vilo piju lo.”

BOTHUBO 41:16

Joseph no Pharaoh khochile, “Ti ye I no kumoe; Alhou no Pharaoh lopushi khochile tsü nani.”

BOTHUBO 41:25

Tile Joseph no Pharaoh vilo pi “Pharaoh samoqo ye lakhi eno aphiphi kena; Alhou no kiu shiniye ani keno Pharaoh lau pephe piyevae.

BOTHUBO 49:1

Tithiu Jacob no pa nuliqo kuno pi, “Nongu aqoshi hekütsülo, tishianguno ighini keu tsala lo nongu lau kiu shinani keno I no nongu vilo pini.

LESHELE 115:3

Ni Lhou ye kungugha lo ani; eno Pa no pulo keu kümtsü shicheni.

ISAIAH 2:2

Asheazü loye Ampeu Ki akeu naghuto pesü naghutoqo dolo akiqheu shi iqhikumto tsü nani eno atoghiqo shou süqhe nani; shiye kümtsü no tipau lo qokive ilo nani,

JEREMIYA 10:7

O shiyeqo Kükau, khuu no O msa moni kea? agigihu ye O tsüküzüe; shiyeqo gholo alokütsümi dolo eno pano kükaqha kümtsü lo O toike khumu kühae.

JEREMIYA 30:24

Ampeu mlokighide ye Pa no kughu akeu shikhave moke kutolo süchilemo nani. Athiu tsala lono nono mtsümishei vethalu nani.

JEREMIYA 48:47

Ikeghi hithiu tsala lo I no Moab ngukümgha tsüchile nani, ipi Ampeu no sheshu,” Hi no Moab shou küghakütha ke.

EZEKEL 28:3

no ye mtsüqheino Daniel nguno alokütsüu; kiu tuqhoumu o launo küsü mla;

EZEKEL 38:16

Khüngküsü kije no ayeghi küzüpe aketoi nono Iw timi Israelmi leighi nani. O Gog, hithiu tsala lo I no o sawo I yeghi lepe nani, tishikeu lono shiyeqo nhethe lo o vecheo I no I kimthe chipiu phuphe kelono panongu no Ni ithi nani.

EZEKEL 38:8

Atsala kutomo thiuno no hekütsü nani. Ampe kutomo thiu aghüshi lono athoputho luve keu yeghi nongu no lewu nani, tipa yeghi lo timiqo ye ashiaye kutomo xuküqhape alhokuthu kütsape achekeu Israel naghutoqo lo acheni. Pano timiqo ye ashiaye kutomo gholono saighi no itehi ye kümtsü sükusho qholono küghüna ani.

DANIEL 1:20

Eno akükau no panoqo vilo alokütsü eno vethakulu vehu ighiju ke kümtsü lo panoqou no kükaqha lo küdüumi eno shiküghüzü chekeqo nguno ghuthu chighi akiviu shi pa no ithulu.

DANIEL 10:14

eno ighini keu tsala lo ow timiqo lau kiu shiniye ani keno o pelo vethalu peniye ighi ani. Kughengu kungunhetsü ye ighini keu tsala ghenguno ke.”

DANIEL 2:18

eno panoqo vilo tuqhou küsü püakeu hipau ghenguno kungugha Lhou lau küpükini phu penike piputove, tishianguno Daniel ngo pa küsami ye Babylonmi alokütsümiqo gholono kütsave pemo niye ke.

DANIEL 2:22

Pa no thonhei eno küsü püakeu thimeqo pephe cheni; aküzü lo akeu Pa no ithi ani, eno aküvü ye Pa gholo acheni.

DANIEL 2:44

Eno kükami tipaqo ghuloki lono kungugha Lhou no kükaqha lakhi shiqhe nani, ti ye khilemu kütsave monani momu timi kütami lau phesüve monani. Tino kükaqha hipaqo kümtsü kubopinyive nani eno kishekhave tsü nani, eno ti ye alholo puthugho nani,

DANIEL 2:45

ti ye atu khikhi timi u no chhuthamo keu naghuto lono ipeghi keu nono ithulu, eno tino ayi, alazayi, aghani, ghükayi eno ameshoyi kubovetsü keno, tihu toike. Hipa thiu kiu shiniye ani keno akiqheu Lhou no akükau pelo ithivepe ani. Asamo huye thebei, eno tipau hekupho ye mtsüqhei ke.”

DANIEL 2:47

Akükau no khochile Daniel vilo pi, “Kuchou no o Lhou ye alhouqo Lhou, kükami shou Ampeu, eno tuqhou küsü püakeu pekipheu, kughengu no ye tuqhou küsü püakeu phepe piyelue.”

DANIEL 4:5

I no asamo lakhi pumo ke tino I pelo msavepe. I no alüpa lo ihozü akelo kümsükuju kükümsü eno kungunhetsü no I shithüghüive.

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

AMUS 4:13

Kughengu julo, naghuto ngo amülhü lhophe keu, Pa kükümsü timi lau lheqhi keu, inaqhe pesü aküzü kughulhove, eno ayeghi kuchuqu lono chewu chekeu, Pa je ye Ampeu, aqokitikhi Lhou ke!

AKIKIHI 24:14

Itehi ni ye niw timiqo lau woniae, ikemu timi hipaqo no hithiu now timi lau kiu shinani keno I no o kütüghüve tsüni.”

MATTHEW 6:9

Tishiaye hitoi inikhu lo: “O ni Pu kungugha lo küau, O je akimthe shilo,

ZAKINIU 31:19

“Tighenguno itehi ale hipau yelo eno Israelmi shika lo. Hi no I ghenguno Israelmi shou thopi shipenike panoqo shika lo.

ZAKINIU 4:30

Nongu no shiluküsa lo akelo, eno hithiu hi kümtsü nongu shou ikughive kethiu, nongu no Ampeu nongu Lhou lau ideighi nani eno Pa gholu nani.

2 Tim. 3:1

Ikemu hi vethalu lo, ashekha tsala loye aveküsa ghuloki ighi nani.

IBRIMI 1:1

Khaghi ghuloki lo Alhou no tungkupmi vecheo ala jeli kütüta lono ghuthu kutomo ni puasüqo pütsache,

2 Peter 3:3

atüghüshi, ashekha tsala loye küthaküghami no ngosükümla xine pape ghi thaigha ighi nani.

Piyeküsü 1:1

Hi ye asheazü lo kiu shiniye ani keno Alhou no Pa qemi piye penike Jisü Khristo tsükeu piyeküsü ke. Khristo no Paw kungumi vecheo tipau pesü Pa qeu John lau kilethitsü,