DANIEL 2:23 - Sumi Naga CL (Re-edited) Bible (BSI)

²³ O ni puasü Lhou, shikimthi eno shekiqhe I no O tsü ani, kughengu Nono alokütsü ngo akumto I tsüke, eno itehi nino O vilo kiu iniju keno Nono I pelo ithipe ke, kughengu Nono akükau vehu ni pelo ithive apeke.”

BAIBEL (BSI)

²³ Nipuasu Lhou akishe agigihupe otsu ani. Nono alokutsu eno akumto itsuke; nono akighini khochiletsu eno akukau vilo kiu pikepu keno nipiyesu tsue.”

DANIEL 2:23 Iomraidhean Croise

BOTHUBO 18:17

Ampeu no pi, “I no kiu shiniye ani keno Ni ye Abraham launo küsüveni keshea?

BOTHUBO 31:42

Tsala I pu Lhou, Abraham Lhou eno Isaac no Sümsa chekeu huno I küdau aghimo aye, mtsüqheino no ye au kümsa I puwuve aghini cheke. Alhou no I ghime eno I u lo kümla ithulu tsü püzü iji o lomipi ke.”

KUKAMI ATUGHIU 18:36

Avela kümllagho do lono tungkupu Elijah no akümlla-khache phivilo ighi no pi, “O Ampeu, Abraham, Isaac eno Jacob Lhou, No ye Israel Lhou, ni ye O qeu eno O zakütsü lono hipaqo shi ani kepi ishi tsala lono panongu pelo ithilu pelo.

KUKAMI ATUGHIU 8:57

Ampeu Alhou no ni puasüqo gholo acheke toi ni gholo apeni. Pa pelo khilemu ni pheve momu kümsümave pemoniu.

YEKIKITHI ATUGHIU 29:10

Tighenguno David no aqo küa lono Ampeu sheqhe ghi pi, “Alholo eno pülhapuju ni puasü Israel Lhou, O Ampeu, No ye sheqheküzüe.

YEKIKITHI ATUGHIU 29:13

Itehi, ningu no O shikimthi eno O je kughushu sheqhe ani O ni Lhou.

YEKIKITHI AKINIU 20:6

eno pi, “O Ampeu, ni puasü Lhou, No ye kungugha lo Alhou ke kumo keshea? Nono ayeghi lo kükaqha kümtsü shou ayepe ani. O u lo aküka eno akumto akeu ghenguno timi khumu o mjochile mlae.

LESHELE 21:2

Pa no kümsü pulo akeu Nono tsüvae eno pa no qhüiniju khukeu süchileve moe.

LESHELE 21:4

Pa no O vilo aküxü khue; Nono tipau pesü pa tsü, alhokupuju axüpushu tsüe.

LESHELE 25:14

Ampeu ye Pa sümsa chekemi sasü shou-pau shicheni, eno Paw puloshoqhi pesü panoqo pelo ithipe cheni.

LESHELE 50:14

Shikimthikütsü ghakishi pesü Alhou mlla lo, eno Akughushuu lau o shoqhi shikeu shikupu lo,

IPEKULU 3:15

Alhou no Moses vilo highi pi, “Israelmi vilo hi pilo, ‘Ampeu, nongu puasü Lhou, Abraham Lhou, Isaac Lhou, eno Jacob Lhou no nongu lau I puwu anie.’ Alholo hi no I je ke, ikehu tiqheli kupuju lo hitoi I kümsülu chelo.

AHOLE 21:22

Alokütsümi no aghütomi phughi mghoiku pano no pükhü chekeu liwo kumto ghi xalevetsü cheni.

AHOLE 24:5

Alokütsümi ye akumto no chhitoi, eno kighithimi no pa kumto alau heshelu cheni,

AHOLE 8:14

Ni ye mtsümishei keu lokütsü pesü ala kichetsü cheni; ni ye kuthoküzü kighithi ani; ni ye akumto ani.

YETSAPIU 7:19

Alokütsü no alokütsümi lakhi pesü mishighüna lakhi lo yepemi chighi nguno akumtou shitsü cheni.

YETSAPIU 9:16

Ike akumlhou lokütsü thogha eno pa tsa ini tsümo namu, I no pi akeu ye alokütsü no akumto nguno akiviue.

YETSAPIU 9:18

Alokütsü no aghünanu nguno akiviue, ikemu axinemi lakhi no akivi kutomo shipüsave cheni.

ISAIAH 12:1

Tipa tsala lo nono ishi pi nani: “I no O shikimthini, O Ampeu, kughengu Nono I jupe amloide anamu, I lokughuno tsüniye O mlokighide taveke.

JEREMIYA 33:3

I ku ighilo eno I no o khochileni, nono ithimphi keu thime kije eno tuqhou I no o vilo pini.

DANIEL 1:17

Lhothemi pano bidi ghengu ye, tsaiko eno alokütsü kümtsü lo ithiküphalu keu ngo asüqe kighithi Alhou no panoqo tsüe, eno Daniel ye kungunhetsü ngo asamo kümtsü lo vethakulu ae.

DANIEL 2:18

eno panoqo vilo tuqhou küsü püakeu hipau ghenguno kungugha Lhou lau küpükini phu penike piputove, tishianguno Daniel ngo pa küsami ye Babylonmi alokütsümiqo gholono kütsave pemo niye ke.

AMUS 3:7

“Kughengu Ampeu Alhou ye Pa qemi tungkupmi lau Paw tuqhou pephe piyemo keloye kiumu shichemoe.

MATTHEW 11:25

Tipa tüqhüdo lo Jisü no pi, “Apuo, kungugha eno ayeghi Mpeu, I no O shikimthi ani, kughengu nono thime hipaqo pesü ayeghi lo lokütsümi ngo ithikuthu kemi launo küsüve no hi itimi kititiqo lau pephe tsüke;

Luke 10:21

Tipa süchedo lo Jisü no Aghungu Kimthe lono alovilu no pi, “Atsütsü ayeghi Mpeu, Apuo, I no O sheqhe akeu ye Nono alokütsümi ngo kighithimi launo thime hipaqo küsüve no itimi kititiqo lau pephetsü ke; iyei Apuo, kughengu hitoi shikeu no O mlokiqipu ke.

John 11:41

Ikehu panongu no atuqu ikhive. Eno Jisü no kunguu jupuku no pi, “Apu, Nono I tsa chilu tsüke ghenguno I no O shikimthi ani.

John 15:15

Itehi ni ye nongu pesü aqemi ipi moae, kughengu aqemi ye pa mpeu no kiu shicheni keno mthae; ikemu I no nongu pesü aküsami shivae, kughengu I Pu launo chilu keu kümtsü I no nongu vilo pivae.

Piyeküsü 1:1

Hi ye asheazü lo kiu shiniye ani keno Alhou no Pa qemi piye penike Jisü Khristo tsükeu piyeküsü ke. Khristo no Paw kungumi vecheo tipau pesü Pa qeu John lau kilethitsü,

Piyeküsü 5:5

Tileno layemi gholo lakhi no I vilo pi, “Qa tavelo; julo, Judah shiaye lo Abongshuu, David kuhu aghü, huno theqhi luvae, ikehu Pa no michida tsüni lhave no liküküzü kaku xükho nani.”