DANIEL 2:21 - Sumi Naga CL (Re-edited) Bible (BSI)

²¹ Pa no ado-aghuloki eno atusho kilivetsü cheni; Pa no kükami ikhive eno süküsü shi cheni; Pa no alokütsümi lau alokütsü tsü eno vethakulumi lau akighithi tsü cheni;

BAIBEL (BSI)

²¹ Atusho aghulokiye pa ghakusu qholo ani; Akukau shipenimu shipemovenimu pa gho lono shi cheni Alokutsu akighithi tsuche keu huye pake.

DANIEL 2:21 Iomraidhean Croise

KUKAMI ATUGHIU 10:24

Ayeghi kümtsü lono Alhou no pa mlo lo sütsü keu lokütsü inini ke ighiche.

KUKAMI ATUGHIU 3:28

Israelmi kümtsü no akükauw xakütha hipau chilu no agigihu pa tsü, kughengu pa ye achipiu shinike Alhou lokütsü pa lolo anipi panongu no ithive.

KUKAMI ATUGHIU 4:29

Alhou no alokütsü ngo vethakulu kimghimla kepushi Solomon tsü, eno azüghi mkülo asaye jehi akükümsü kuthoküzü pesü pa tsü,

YEKIKITHI ATUGHIU 22:12

Kütau nguno alau, Ampeu no alokütsü ngo vethakulu pesü o kümghatsü peni, tishianguno kughou nono Israel yepeu shini keno, o pelo Ampeu o Lhou yezah pelu penie.

ESTHER 1:13

Tileno akükau no alokütsümi khunoqo no aghuloki ithi ache keno panoqo vilo pi (kughengu hi ye ayezah eno xakütha akivishi ithi akemi lau akükau khuaye ke,

JOB 12:18

Pa no kükami yikichhe kighi kuqhove tsü cheni, eno pano chita lo chighichepu khatsü cheni.

IPEKULU 31:3

eno I no mlakulupu küka, alokütsü, akighithi, eno kütshakügha gholo Alhou Ghungu pesü pa shepichhivae,

IPEKULU 31:6

Julo, pa gholo mla penike I no Dan shiayemi Ahisamach nu Oholiab süküsü shivae. Eno mlaluni kemi kümtsü lau I no mlakulupu küka tsüvae, tishino panongu pelo I no azah tsükeqo kümtsü shilu peni:

DANIEL 1:17

Lhothemi pano bidi ghengu ye, tsaiko eno alokütsü kümtsü lo ithiküphalu keu ngo asüqe kighithi Alhou no panoqo tsüe, eno Daniel ye kungunhetsü ngo asamo kümtsü lo vethakulu ae.

DANIEL 10:1

Akükau Cyrus mpe aküthüu lo Daniel, khuu Belteshazzar ipi kuvetsü keno, pa lau atsa lakhi piyesü. Atsa huye kuchou, eno tipau ye aküküpna kije vehuke. Pa ye atsa vethaluve eno kungunhetsü vethakulu ghi ae.

DANIEL 11:6

Ampe hami thiu panongu no visho shi nani, apeu kükau nga huno ahuu kükau sasü puloküqha nike ighi nani. Ikemu li ye li küka kumto kühave nani, eno pa küka ye süpushu move nani, ikemu li, eno li ghinimi, li papu eno tipa ghuloki lo li saphu chekeqo ye thechuve nani.

DANIEL 2:20

Daniel no khochile no pi: “Alholo eno pülhapuju Alhou je sheqhelo, alokütsü eno akumto ye Paw.

DANIEL 2:23

O ni puasü Lhou, shikimthi eno shekiqhe I no O tsü ani, kughengu Nono alokütsü ngo akumto I tsüke, eno itehi nino O vilo kiu iniju keno Nono I pelo ithipe ke, kughengu Nono akükau vehu ni pelo ithive apeke.”

DANIEL 2:9

nongu no I pelo asamo ithi pemo aye, nongu ghenguno xakütha lakhi likhi ani. Azümülhü kilive moke kutolo nongu ye I zülo akimki eno pishikiqhi tsaqo piniye pulo küqhavae. Tighenguno asamo I vilo pilo, eno nongu ye tipau hekupho I piyelu nanie pi I no ithiveni.”

DANIEL 4:14

Pa no mghachhoi asheshu no hitoi pi: ‘Asübo hu loqhive lo eno tipau lokaqo xidive lo, anipa kixive eno axathi küzaleve lo. Tipau qholo tüghashi eno alokaqo lo aghauqo pelo pokhave pelo.

DANIEL 4:17

Aghime xakütha tsa ye hikujuu yezah lono ke, xakütha ye akimtheu tsa kiqi lono ke, hi kutolo xü akemi no ithi peniye ke, ti ye Shishe Akiqheu huno timi kükaqha shou ayepe acheni, tipau pesü khukhumu Pa no tsüni keu tsü cheni, eno tipau lo timi aqhoumi dolo aqhou süsüve cheni.’

DANIEL 4:22

ti huye no ke, O akükau, no ye thuwuvae eno akumto shivae. O kughushu ye thuwuvae eno atsütsü tovae, eno o yekipeqha ye ayeghi shekha kuto tovae.

DANIEL 4:32

eno no ye timiqo dolono hasasü wuve nani, o kungo-a ye aghasa lo tüghashiqo gholo shive nani. No ye amshitsü lakhi toi atsüni mzachupe nani, eno Shishe Akiqheu no timi kükaqha shou ayepe cheni eno tipau pesü khukhumu Pa no pulo keu tsüve cheni ipi ithi moke kutolo kihiküthado tsüni no o hecheve nani.”

DANIEL 7:25

Pa no Shishe Akiqheu lachile keu tsa pi nani, eno Shishe Akiqheuw akimthemi ghimeqhi nani, ado ngo ayezah kiliveni keu kughu nani; eno panoqo ye atüqhüdo, atüqhüdoqo eno atüqhüdo tüxa ghenguno pa u lo süvetsü nani.

Luke 21:15

Kughengu nongu külami khunomu nongu theqhive momu lachile mla kepushi I no atsa eno alokütsü pesü nongu tsü nani.

Rommi 13:1

Timi kümtsü no yepemi qhoqhülo. Kughengu Alhou launo kumo aye khunomu kükagha kühae, eno itehi akeqo ye kümtsü Alhou no süsüe.

1 Kor. 1:30

Pa ghenguno nongu ye Jisü Khristo lau kimepe ani, ni ghenguno Khristo ye Alhou launo ighikeu lokütsü, amikucho, shikimthekütsü, eno xachilekulu ke.

James 1:17

Agho kivi eno kupukülai keu gho kümtsü kungulo küvü Papu launo iqighi cheni, Pa gholo aküvü ye kilive momu yekhüve chemoe.

James 1:5

Nongu gholo khami no alokütsü mikhe aghi aye, pa ye Alhou lau khulo eno ti pa tsü nani; kughengu Alhou ye khumu sakiyi mono kümtsü tsü cheni.

Piyeküsü 19:16

Paw chijeboike phi eno pa lukobo lo aje hipau yepuku püa, kükami shou Akükau eno ampemi shou Ampeu.