DANIEL 2:11 - Sumi Naga CL (Re-edited) Bible (BSI)

¹¹ Akükau no iniju akeu vehu ye kushokütsüe, eno alhou khunono ashi lo xüchemo keno panoqo no kumo aye khunomu akükau piyemla nani.”

BAIBEL (BSI)

¹¹ Akukau no kiu nivilo pitsulo pikeno tiye ighono sho ani. Alhou no kumo aye khunomu pimlae eno tipau pilunikemi ayeghilomi gholoye aghimo nani.”

DANIEL 2:11 Iomraidhean Croise

BOTHUBO 41:39

Tishino Pharaoh no Joseph vilo pi, “Alhou no hi kümtsü o piyeve akeke vethakulumi eno alokütsümi o toi kemi khumu kühavae.

BOTHUBO 41:8

Ikehu thanau pa kükümsü küpünave kehu pa no timi puwu no Egypt lo küdüumi ngo alokütsümi kümtsü kue. Pharaoh no panoqo vilo pa samo pi, ikemu milakhimu tipaqo hepho tsümlave.

KUKAMI ATUGHIU 8:27

“Ikemu Alhou ye kuchou no ayeghi lo xünani keshea? Kungugha akiqheu thotsü O ghenguno ililai moke I no aki hipau shipüa keu ye kishita tülalo kelae!

YEKIKITHI AKINIU 6:18

“Ikemu Alhou ye kuchou no ayeghi lo xünani keshea? Julo, kungugha eno kungugha akiqheu thotsü O qhilu kepu-a ililai moe, tishiaye kishino I no aki hipau shipüa keu no ililai luni kea?

LESHELE 132:14

“Hi ye alholo I kungo-a ke; I no hile ngoni, kughengu I no hipa-a pulo luvae.

LESHELE 68:18

Nono qhemghai ke-a lo iku, akughumi aqokitikhi sasü O gholo shekujo sawu eno timiqo launo agho ikhilu, hekibidemi lau ghi, tishino No Ampeu Alhou no ngoniye shike.

IPEKULU 29:45

I no Israelmi gholo anani eno panoqo Lhou shi nani.

IPEKULU 8:19

Tithiu küdüumi no Pharaoh vilo pi, “Hipau ye Alhou u kena.” Ikemu Pharaoh mlo ye kuthovive, eno Ampeu no pi ketoi, pa no panoqo tsa initsü move.

ISAIAH 47:12

O sakiqhi shou eno ow küdüu jeli kutomo puthugho lo, tipaqo ye nono o lhothe lono peitha chekeu ke; tipaqo no o pelo toluvepe luvi; eno nono akümsapu süghi luvi.

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

ISAIAH 8:18

Julo, ni eno atianuli khunoqo Zion Toghi lo achekeu aqokitikhi MPEU no I tsü keno, ningu ye Israel ghenguno Paw michipu eno xüakeu thopi ke.

DANIEL 4:4

Ni, Nebuchadnezzar, ye I kilo alokughuno shia eno I kükaki lo kinikülü shi ae.

DANIEL 5:11

Timi lakhi khuu lolo akimthe lhouqo ghungu ani keno, o kükaqha lo ani. O pu ghuloki lo alhouqo lokütsü toikeu aküvü, vethakulu eno alokütsü pa lolo akeu ithulu, eno o pu, Akükau Nebuchadnezzar—o pu akükau no pa pelo küdüumi, shiküghüzü kemi eno yepu-yesü kighithimi shou atou shivepe,

JOYIL 3:21

Aji peleve keu mkhü Ni ye lumphi ke I no amkhü lunani, kughengu Ampeu ye Zion lo anie.”

AKIKIHI 35:34

Nongu no küghüna akeu yeghi shipixi moni, kughengu Ni Ampeu ye tile Israelmi gholo acheni ke.”

MATTHEW 19:26

Jisü no panoqo jupüzü pi, “Timi ghengu ye kushokütsüpu kemu Alhou ghengu ye thokha kümtsü shilu nani.”

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

John 14:17

ti ye Kuchou Ghungu ke. Ayeghilomi ye pa ikhilu mla nani, kughengu panongu ye pa ithulu chemo momu ithi chemoe. Ikemu nongu ye pa ithi ani, kughengu pa ye nongu lolo ani eno nongu sasü anani.

John 14:23

Jisü no pa khochile, “Khunono I kimiye keno, pa no I tsa pelu nani eno I Pu no pa kimiye nani, nikujo no pa lau ighi no pa sasü xünani.

2 Kor. 6:16

Alhou chineki ye ajulho sasü kiu lono pulokilelu kepu ani kea? Kughengu ningu ye aküxüpu Lhou chineki ke, ti ye Alhou no ishi pi ketoi, “I no panoqo gholo I kungoa shino pano gholo anani, I no panoqo Lhou shi nani, eno panongu no Iw timi shinani.

Piyeküsü 21:3

Kükalakhü lono asütsa kuloghi lakhi no pikeu I no chilu, “Julo, Alhou no achekeu Phiki huye timi gholo auvae. Pa no panongu sasü xü nani eno panongu no Paw timi shi nani, eno Alhou ampi no panongu Lhou shi pano gholo xünani.